Ioba 8
Baibala Hemolele (Hawaiian Bible, 1868 revision)
Douay-Rheims Bible, American Edition (1899)
1A LAILA olelo mai la o Biledada, no Suha, i mai la,
1The Baldad the Suhite answered, and said:
2Pehea la ka loihi o kau olelo ana i keia mau mea? A he makani ikaika na huaolelo o kou waha?
2How long wilt thou speak these things, and how long shall the words of thy mouth be like a strong wind?
3E hookahuli anei ke Akua i ka pololei? A e hookekee anei ka Mea mana i ka pono?
3Doth God pervert judgment, or doth the Almighty overthrow that which is just?
4Ina paha ua hana hewa kau poe keiki ia ia, Alaila kiola aku la ia ia lakou, no ko lakou lawehala ana;
4Although thy children have sinned against him, and he hath left them in the hand of their iniquity:
5Ina e imi oe i ke Akua, A e nonoi aku oe i ka Mea mana;
5Yet if thou wilt arise early to God, and wilt beseech the Almighty:
6Ina ua maemae oe a pono hoi; He oiaio no, ina ua ala mai no ia ano nou, A ua hoomalu mai ia i ka hale o kou pono ana.
6If thou wilt walk clean and upright, he will presently awake onto thee, and will make the dwelling of thy justice peaceable:
7Ina ua uuku kou hoomaka ana i kinohou, O kou hopena, e mahuahua loa ana no ia.
7Insomuch, that if thy former things were small, thy latter things would be multiplied exceedingly.
8No ka mea, ke noi aku nei au ia oe, e ninau aku oe i ka hanauna mamua, A e hoomakaukau oe e noonoo i ko lakou poe makua:
8For inquire of the former generation, and search diligently into the memory of the fathers:
9(No ka mea, inehinei wale no kakou, aohe ike, A o ko kakou mau la ma ka honua, he aka no ia:)
9(For we are but of yesterday, and are ignorant that our days upon earth are but a shadow:)
10Aole anei lakou e ao mai ia oe, a e hai mai ia oe, A e hoike mai i na olelo mailoko mai o ko lakou naau?
10And they shall teach thee: they shall speak to thee, and utter words out of their hearts.
11E ulu anei ke papuro ke ole ka lepo poho? E ulu anei ka akaakai ke ole ka wai?
11Can the rush be green without moisture? or a sedge-bush grow without water?
12I kona manawa uliuli, aole i okiia, Ua mae no ia mamua o na mauu e ae a pau.
12When it is yet in flower, and is not plucked up with the hand, it withereth before all herbs.
13Pela no ka hope o ka poe a pau e hoopoina ana i ke Akua; A pela no ka manaolana o ka aia e make ai.
13Even so are the ways of all that forget God, and the hope of the hypocrite shall perish:
14O kona manaolana e okiia'ku ia, A o kona mea hilinai, he punawelewele no ia.
14His folly shall not please him, and his trust shall be like the spider’s web.
15E hilinai iho oia maluna o kona hale, aka, aole ia e paa: E hoopaa aku oia ia mea, aole nae ia e kupono.
15He shall lean upon his house, and it shall not stand: he shall prop it up, and it shall not rise:
16Ua uliuli oia imua o ka la, A kupu ae kona mau lala ma kona kihapai.
16He seemeth to have moisture before the sun cometh, and at his rising his blossom shall shoot forth.
17Ua awiliia kona mau aa ma ka waikahe, A ike iho la ia i kahi o na pohaku.
17His roots shall be thick upon a heap of stones, and among the stones he shall abide.
18Aka, e hoopauia aku ia mea mai kona wahi aku, Alaila e hoole mai oia ia ia, aole au i ike ia oe.
18If one swallow him up out of his place, he shall deny him, and shall say: I know thee not.
19Aia hoi, oia ka olioli o kona aoao, A mailoko mai o ka lepo e kupu ae na mea e.
19For this is the joy of his way, that others may spring again out of the earth.
20Aia hoi, aole ke Akua e hoowahawaha i ka mea pono, Aole hoi ia e kokua aku i ka poe hana hewa:
20God will not cast away the simple, nor reach out his hand to the evildoer:
21A hoopiha mai ia i kou waha i ka akaaka, A i kou lehelehe i ka hooho olioli.
21Until thy mouth be filled with laughter, and thy lips with rejoicing.
22O ka poe inaina ia oe e hoaahuia lakou i ka hilahila: A e lilo ka hale o ka poe hewa i mea ole.
22They that hate thee, shall be clothed with confusion: and the dwelling of the wicked shall not stand.
Tip: use the ← and → keys to turn chapters.