San Lucas 22
Chamorro: Gospels, Acts and PsalmsTranslation
Chamorro: Gospels, Acts and Psalms
Douay-Rheims Bible, American Edition (1899)
1AYO nae estaba jijijot y jaanin y guipot y pan ni taelibadura, ni mafanaan pascua.
1Now the feast of unleavened bread, which is called the pasch, was at hand.
2Ya y magas mamale yan y escriba sija maaliligao jaftaemano para umapuno güe; lao manmaañao ni y taotaosija.
2And the chief priests and the scribes sought how they might put Jesus to death: but they feared the people.
3Ya jumalom si Satanas gui as Judas y apeyiduña Iscariote, uno gui numerou y dose.
3And Satan entered into Judas, who was surnamed Iscariot, one of the twelve.
4Ya maposgüe, ya manguentos yan y magas mamale, yan y manmagas, jafataemano para uinentrega guiya sija.
4And he went, and discoursed with the chief priests and the magistrates, how he might betray him to them.
5Ya ninafanmagof, ya matratos na umanae salape.
5And they were glad, and covenanted to give him money.
6Ya manpromete ya jaaliligao lugat para uqueentrega guiya sija, yanguin manaegüe y linajyan taotao.
6And he promised. And he sought opportunity to betray him in the absence of the multitude.
7Ya mato y jaanin y taelibadura na pan, anae nesesita umaofrese y pascua.
7And the day of the unleavened bread came, on which it was necessary that the pasch should be killed.
8Ya jatago si Pedro yan Juan, ilegña: Janao ya innalisto y pascua para jita, para utafañocho.
8And he sent Peter and John, saying: Go, and prepare for us the pasch, that we may eat.
9Ya sija ilegñija nu güiya: Mano malagomo nae innalisto?
9But they said: Where wilt thou that we prepare?
10Ya ilegña nu sija: Estagüe, anae manjalom jamyo gui siuda, infanasoda güije yan un taotao, na mañuñule un jarran janom; dalalaque güe jalom mano na guma nae jumalom.
10And he said to them: Behold, as you go into the city, there shall meet you a man carrying a pitcher of water: follow him into the house where he entereth in.
11Ya inalog ni y gaéguima: Y Maestro ilegña nu jago: Manggue y aposento anae para juchocho gui pascua yan y disipulujo sija?
11And you shall say to the goodman of the house: The master saith to thee, Where is the guest chamber, where I may eat the pasch with my disciples?
12Ya infanfinanue ni y dangculo na aposento gui sanjilo todo cabales: ayonae innalisto.
12And he will shew you a large dining room, furnished; and there prepare.
13Ya manjanao ya masoda jaftaemano y mansinangane sija; ya manalisto para y pascua.
13And they going, found as he had said to them, and made ready the pasch.
14Ya anae mato y ora, matachong papa mañija yan y dose na apostoles.
14And when the hour was come, he sat down, and the twelve apostles with him.
15Ya ilegña nu sija: Jagasja juguefdesea na utafañocho guine na pascua antes di jufamadese:
15And he said to them: With desire I have desired to eat this pasch with you, before I suffer.
16Sa jusangane jamyo: Ti juchocho mas, asta qui macumple gui raenon Yuus.
16For I say to you, that from this time I will not eat it, till it be fulfilled in the kingdom of God.
17Ya juresibe y copa ya janae grasia, ya ilegña: Chule este, ya infanafacae entre jamyo:
17And having taken the chalice, he gave thanks, and said: Take, and divide it among you:
18Sa jusangane jamyo na ti juguimen otro biaje ni y tinegcha ubas, asta qui ufato y raenon Yuus.
18For I say to you, that I will not drink of the fruit of the vine, till the kingdom of God come.
19Ya jachule y pan, ya anae janae grasia, jaipe, ya janae sija, ilegña: Este y tataotaojo, ni y manmanae jamyo: fatitinas este para injajasoyo.
19And taking bread, he gave thanks, and brake; and gave to them, saying: This is my body, which is given for you. Do this for a commemoration of me.
20Taegüijeja locue y copa, anae munjayan mañena ilegña: Este na copa y nuebo na trato gui jâgâjo, ni y machuda pot jamyo.
20In like manner the chalice also, after he had supped, saying: This is the chalice, the new testament in my blood, which shall be shed for you.
21Lao estagüeja y canae y umentregayo na jumajame gui lamasa.
21But yet behold, the hand of him that betrayeth me is with me on the table.
22Ya magajet na y Lajin taotao ujanao, ni y esta manfagpo, lao ay ay ayo na taotao uinentrega!
22And the Son of man indeed goeth, according to that which is determined: but yet, woe to that man by whom he shall be betrayed.
23Ya jatutujon manafaesen entre sija, jae guiya sija ufinatinas este.
23And they began to inquire among themselves, which of them it was that should do this thing.
24Ya guaja locue inaguaguat guiya sija, jaye umasdangculo.
24And there was also a strife amongst them, which of them should seem to be the greater.
25Ya ilegña nu sija: Y ray y Gentiles, jafatitinas minagas gui jiloñija; ya ayo y fumatitinas ninasiña gui jiloñija, manmafanaan manmauleg na taotao.
25And he said to them: The kings of the Gentiles lord it over them; and they that have power over them, are called beneficent.
26Lao ti infanaegüenao: sa jaye y mas dangculo guiya jamyo, ufamataegüije y mas diquique; ya y magas, ufamataegüije y mañeñetbe.
26But you not so: but he that is the greater among you, let him become as the younger; and he that is the leader, as he that serveth.
27Sa cao dangculoña, ayo y matatachong chumocho, pat ayo y mañeñetbe? ti ayo y matachong chumocho; lao guajo gaegue gui entalonmiyo taegüije ayo y mañeñetbe.
27For which is greater, he that sitteth at table, or he that serveth? Is it not he that sitteth at table? But I am in the midst of you, as he that serveth:
28Jamyo ayo sija y sumisigueja mangachongjo gui tentasionjo.
28And you are they who have continued with me in my temptations:
29Ya juaregla un raeno para jamyo, taegüije y as Tata ni y jaaregla y raeno para guajo.
29And I dispose to you, as my Father hath disposed to me, a kingdom;
30Para infañocho yan infanguimen, gui lamasajo gui raenoco; ya infanmatachong gui trono sija ya injisga y dose na tribo guiya Israel.
30That you may eat and drink at my table, in my kingdom: and may sit upon thrones, judging the twelve tribes of Israel.
31Simon, Simon, estagüe, si Satanas, na malago nu jago para unquinila gui coladot taegüije y trigo;
31And the Lord said: Simon, Simon, behold Satan hath desired to have you, that he may sift you as wheat:
32Lao guajo tayuyute jao, para chaña fafatta y jinengguemo: ya yanguin umabira jao, nafanfitme y mañelumo.
32But I have prayed for thee, that thy faith fail not: and thou, being once converted, confirm thy brethren.
33Ya ilegña nu güiya: Señot, estayo listo para judalalag jao para y catset yan para y finatae.
33Who said to him: Lord, I am ready to go with thee, both into prison, and to death.
34Ya ilegña: Jusangane jao Pedro, na ti uoo y gayo pago na jaane, antes di undagueyo tres biaje na guinin untungoyo.
34And he said: I say to thee, Peter, the cock shall not crow this day, till thou thrice deniest that thou knowest me. And he said to them:
35Ya ilegña nu sija: Anae jutago jamyo sin botsa, yan sin maleta, yan sin sapatos, guaja fattanmiyo? Ya ilegñija: Taya.
35When I sent you without purse, and scrip, and shoes, did you want anything?
36Ayonae ilegña nu sija: Lao pago, y gaebotsa, uchuleja, yan taegüenaoja locue y maleta: ya jaye y taya espadaña, ubende y magaguña ya ufamajan uno.
36But they said: Nothing. Then said he unto them: But now he that hath a purse, let him take it, and likewise a scrip; and he that hath not, let him sell his coat, and buy a sword.
37Sa jusangane jamyo, na este y esta matugue, nesesita na umacumple guiya guajo: Ya matufong gui entalo y manaelaye sija: sa y güinaja sija pot guajo, umanafanfagpo.
37For I say to you, that this that is written must yet be fulfilled in me: And with the wicked was he reckoned. For the things concerning me have an end.
38Ya ilegñija: Señot, estagüeja dos na espada. Ya ilegña nu sija: Esta najong.
38But they said: Lord, behold here are two swords. And he said to them, It is enough.
39Ya jumuyong, ya mapos, taegüijeja y costumbreña, para y egso Olibo; ya matatiye locue ni y disipuluña.
39And going out, he went, according to his custom, to the mount of Olives. And his disciples also followed him.
40Ya anae mato gui lugat, ilegña nu sija: Fanmanaetae, ya chamiyo fanjajalom gui tentasion.
40And when he was come to the place, he said to them: Pray, lest ye enter into temptation.
41Ya sumuja guiya sija, gui un inagüit acho; ya dumimo, ya manaetae,
41And he was withdrawn away from them a stone’s cast; and kneeling down, he prayed,
42Ylegña: Tata, yanguin malago jao, nasuja guiya guajo este y copa: lao munga mafatinas y malagojo, lao y malagomo.
42Saying: Father, if thou wilt, remove this chalice from me: but yet not my will, but thine be done.
43Ya finatoigüe güije un angjet guinin y langet, ya ninametgot.
43And there appeared to him an angel from heaven, strengthening him. And being in an agony, he prayed the longer.
44Ya anae estaba umagoninias, mas fejman manaetae: ya y masajalomña taegüije y mandangculo na gotan jâgâ, mamopodong papa gui eda.
44And his sweat became as drops of blood, trickling down upon the ground.
45Ya anae cajulo guinin manaetae, ya mato gui disipuluña, jasoda na manmamaego sa mantriste,
45And when he rose up from prayer, and was come to his disciples, he found them sleeping for sorrow.
46Ya ilegña nu sija: Jafa na manmamaego jamyo? fangajulo ya infanmanaetae, sa noseaja infanjalom gui tentasion.
46And he said to them: Why sleep you? arise, pray, lest you enter into temptation.
47Ya mientras cumuecuentos, estagüe un manadan taotao, yan ayo y mafanaan si Judas, uno gui dose, na mafona gui menanñija, ya jumijijot gui as Jesus para uchico.
47As he was yet speaking, behold a multitude; and he that was called Judas, one of the twelve, went before them, and drew near to Jesus, for to kiss him.
48Lao si Jesus ilegña nu güiya: Judas, pot un chicoja na unentrega y Lajin taotao?
48And Jesus said to him: Judas, dost thou betray the Son of man with a kiss?
49Ya anae malie, ni ayo sija y mangaegue gui oriyaña, jafa ujuyong, ilegñija: Señot, intaga ni y espada?
49And they that were about him, seeing what would follow, said to him: Lord, shall we strike with the sword?
50Ya uno guiya sija jataga y tentago y magas mamale, ya jautut y agapa na talangaña.
50And one of them struck the servant of the high priest, and cut off his right ear.
51Ya manope si Jesus ilegña: Polo este esta. Ya japacha y talangaña, ya janamagong.
51But Jesus answering, said: Suffer ye thus far. And when he had touched his ear, he healed him.
52Ayonae ilegña si Jesus ni y magas mamale, yan y capitan sija gui templo, yan y manamco sija ni y manmato guiya güiya: Manmato jamyo yan espada yan galute, taegüije y contra y saque?
52And Jesus said to the chief priests, and magistrates of the temple, and the ancients, that were come unto him: Are ye come out, as it were against a thief, with swords and clubs?
53Anae estaba manjijitaja cada jaane gui templo, taya nae inestira y canaenmiyo contra guajo: lao este oranmiyo, yan y ninasiñan jinemjom.
53When I was daily with you in the temple, you did not stretch forth your hands against me: but this is your hour, and the power of darkness.
54Ya maguot güe ya macone guato gui guima y magas mamale. Ya tinatitiyeja as Pedro lachago.
54And apprehending him, they led him to the high priest’s house. But Peter followed afar off.
55Ya anae munjayan matotne y guafe gui talo gui patio, ya mandaña manmatachong, matachong si Pedro gui entaloñija.
55And when they had kindled a fire in the midst of the hall, and were sitting about it, Peter was in the midst of them.
56Ya linie ni un criada anae matachong gui ininan guafe, ya guinesatangüe, ya ilegña: Este locue na taotao manisija.
56Whom when a certain servant maid had seen sitting at the light, and had earnestly beheld him, she said: This man also was with him.
57Ya jadague, ilegña: Palaoan, ti jutungo güe.
57But he denied him, saying: Woman, I know him not.
58Ya anae na apmam linie ni otro ya ilegña: Mangachochongmo yuje sija? ya ilegña si Pedro: Taotao, ti guajo.
58And after a little while, another seeing him, said: Thou also art one of them. But Peter said: O man, I am not.
59Ya anae malofan una ora, otro jagosasegura ilegña: Magajet na sumisija este yan ayo, sa taotao Galilea locue este.
59And after the space, as it were of one hour, another certain man affirmed, saying: Of a truth, this man was also with him; for he is also a Galilean.
60Ya si Pedro ilegña: Taotao, ti jutungo jafa ilelegmo. Ya mientras cumecuentos, enseguidas umoo y gayo.
60And Peter said: Man, I know not what thou sayest. And immediately, as he was yet speaking, the cock crew.
61Ya jabira güe y Señot ya jaaatan si Pedro. Ayonae jajaso si Pedro y sinangan y Señot, ni y ilegña nu güiya: Antes que uoo y gayo pago na jaane, undagueyo tres biaje.
61And the Lord turning looked on Peter. And Peter remembered the word of the Lord, as he had said: Before the cock crow, thou shalt deny me thrice.
62Ya jumuyong si Pedro ya guefcumasao.
62And Peter going out, wept bitterly.
63Ya y taotao sija ni gumuguot si Jesus, mabotlelea ya manalalamen.
63And the men that held him, mocked him, and struck him.
64Ya anae mabendas y atadogña, mafaesen ilelegñija: Sangan; jaye jao munalamen?
64And they blindfolded him, and smote his face. And they asked him, saying: Prophesy, who is it that struck thee?
65Ya megae sija na chinatfino masasangan contra guiya, manamamajlao güe.
65And blaspheming, many other things they said against him.
66Ya anae manana mandaña sija y inetnon manamco na taotao sija y magas y mamale yan y escribas: ya macone guato gui tribunatñija, ilegñija:
66And as soon as it was day, the ancients of the people, and the chief priests and scribes, came together; and they brought him into their council, saying: If thou be the Christ, tell us.
67Yaguin jago si Jesucristo, sangane jam. Lao ilegña nu sija: Yaguin jusangane jamyo, ti injenggue yo;
67And he saith to them: If I shall tell you, you will not believe me.
68Ya yaguin guajo jamyo fumaesen, ti inepeyo.
68And if I shall also ask you, you will not answer me, nor let me go.
69Lao desde pago para mona y Lajin taotao gaegue na matatachong gui agapa gui ninasiñan Yuus.
69But hereafter the Son of man shall be sitting on the right hand of the power of God.
70Ya ilegña todos: Ayonae Lajin Yuus jao? Ya ilegña nu sija: Jamyo umalog na guajo yo.
70Then said they all: Art thou then the Son of God? Who said: You say that I am.
71Ayonae ilegñija: Jafa mas na testimonio tanesesita? sa tajungogja esta gui pachotña.
71And they said: What need we any further testimony? for we ourselves have heard it from his own mouth.
Tip: use the ← and → keys to turn chapters.