1YA susede uno gui güije sija na jaane, anae jafananagüe y taotao sija gui templo, ya japredidica y ibangelio; manmato guiya güiya y magas mamale, yan y escriba, yan y manamco sija;

1And it came to pass, that on one of the days, as he was teaching the people in the temple, and preaching the gospel, the chief priests and the scribes, with the ancients, met together,

2Ya macuentuse, ilegñija nu güiya: Sangane jam, jafa na ninasiña na unfatitinas este sija na güinaja? Pat jaye numae jao ni este na ninasiña?

2And spoke to him, saying: Tell us, by what authority dost thou these things? or, Who is he that hath given thee this authority?

3Ya manope si Jesus, ilegña nu sija: Jufaesen locue jamyo un finaesen, ya sanganeyo;

3And Jesus answering, said to them: I will also ask you one thing. Answer me:

4Y tagpangen Juan, guinin y langet, pat guinin y taotao sija?

4The baptism of John, was it from heaven, or of men?

5Ya sija, jajaso gui sumanjalomñija, ilegñija: Yanguin ilegmame: Guinin y langet; ualog, jafa nae na ti injenggue güe?

5But they thought within themselves, saying: If we shall say, From heaven: he will say: Why then did you not believe him?

6Lao yanguin ilegmame: Guinin y taotao sija; infanmamagas nu y acho ni y taotao, sa pineloñija na profeta si Juan.

6But if we say, Of men, the whole people will stone us: for they are persuaded that John was a prophet.

7Ya manmanope na ti jatungo guine mano.

7And they answered, that they knew not whence it was.

8Ayonae ilegña si Jesus nu sija: Ni guajo locue ti jusangane jamyo, jafa na ninasiña na jufatitinas este sija na güinaja.

8And Jesus said to them: Neither do I tell thee by what authority I do these things.

9Ya jatutujon sumangane sija ni este na acomparasion; Un taotao, manplanta un fangualuan ubas, ya japoluye ni manfáfachocho, ya jumanao para y chago na tano, apmam na tiempo.

9And he began to speak to the people this parable: A certain man planted a vineyard, and let it out to husbandmen: and he was abroad for a long time.

10Ya y tiempon mangoco, jatago un tentago para y manmachóchocho, para umanae ni y tinegcha y gualo; lao masaulag ni y manmachóchocho, ya manajanao taesinajguan.

10And at the season he sent a servant to the husbandmen, that they should give him of the fruit of the vineyard. Who, beating him, sent him away empty.

11Ya jatago talo y otro tentago: ya masaulag locue talo, ya manamamajlao, ya manajanao taesinajguan.

11And again he sent another servant. But they beat him also, and treating him reproachfully, sent him away empty.

12Ya jatalo tumago y mina tres na tentago: ya manaerida, ya mayute juyong.

12And again he sent the third: and they wounded him also, and cast him out.

13Ayonae ilegña y señot y fangualuan: Jafa jufatinas? Bae jutago y guefyajo na lajijo, sa buente ufangaerespeto nu güiya.

13Then the lord of the vineyard said: What shall I do? I will send my beloved son: it may be, when they see him, they will reverence him.

14Lao anae malie ni y manmachóchocho, manasangane ilegñija: Estagüe y heredero; nije tapuno, ya usaga y inereda guiya jita.

14Whom when the husbandmen saw, they thought within themselves, saying: This is the heir, let us kill him, that the inheritance may be ours.

15Ya mayute juyong gui jiyong y fangualuan, ya mapuno. Jafa pago ufatinas y señot y fangualuan nu sija?

15So casting him out of the vineyard, they killed him. What therefore will the lord of the vineyard do to them?

16Ufato, ya uyulang este sija y manmachóchocho, ya ufannae otro ni y fangualuan. Ya anae majungog ayo, ilegñija: Munga este.

16He will come, and will destroy these husbandmen, and will give the vineyard to others. Which they hearing, said to him: God forbid.

17Lao jaatan sija ya ilegña: Jafa nae este y esta matugue: Y acho ni y jarechasa y manmamatitinas y guima, esteja mapolo cuentan ulo gui esquina?

17But he looking on them, said: What is this then that is written, The stone, which the builders rejected, the same is become the head of the corner?

18Jayeja y pedong gui jilo ayo na acho, umayamag pedasitos; lao jayeja y jinegse, ufinapetbos.

18Whosoever shall fall upon that stone, shall be bruised: and upon whomsoever it shall fall, it will grind him to powder.

19Ya y magas mamale, yan y escriba sija, maaliligao para umaqueguot güije na ora; lao manmaañao nu y taotao sija, sa matungoja na jasangan este na acomparasion, contra sija.

19And the chief priests and the scribes sought to lay hands on him the same hour: but they feared the people, for they knew that he spoke this parable to them.

20Ya mapupulanja yan manmanago na umaespipia, para ujafaquemanunas sija na taotao, ya uquefanmañule ni y sinanganña, ya umaqueentrega güe gui inaregla yan ninasiñan y gobietno.

20And being upon the watch, they sent spies, who should feign themselves just, that they might take hold of him in his words, that they might deliver him up to the authority and power of the governor.

21Ya mafaesen güe, ilegñija: Maestro, intingo na unsasangan yan mamananagüe jao tunas, ya ti numanasajnge jao taotao, lao mamananagüe jao ni y magajet na chalan Yuus.

21And they asked him, saying: Master, we know that thou speakest and teachest rightly: and thou dost not respect any person, but teachest the way of God in truth.

22Tunas na infanmanaejam si Sesat tributo, pat aje?

22Is it lawful for us to give tribute to Caesar, or no?

23Lao jatungoja y mañañija, ya ilegña nu sija:

23But he considering their guile, said to them: Why tempt you me?

24Fanueyo nu y salape. Jaye gaeimagen este yan este na tinigue? Ya manmanope ilegñija: Iyon Sesat.

24Shew me a penny. Whose image and inscription hath it? They answering, said to him, Caesar’s.

25Ya ilegña nu sija: Nae si Sesat ni y iyon Sesat, ya innae si Yuus nu y iyon Yuus.

25And he said to them: Render therefore to Caesar the things that are Caesar’s: and to God the things that are God’s.

26Ya ti siña maguot pot y sinanganña gui menan y taotao sija; ya ninafanmanman ni y inepeña ya manmamatquilo.

26And they could not reprehend his word before the people: and wondering at his answer, they held their peace.

27Ya manmato guiya güiya Saduseo sija, ni y sumangan na taya quinajulon manmatae; ya mafaesen güe,

27And there came to him some of the Sadducees, who deny that there is any resurrection, and they asked him,

28Ylegñija: Maestro, si Moises jatuguiejam, na yanguin dos chumelo na laje, ya y uno guaja asaguaña, ya matae taya patgonña; ayo y cheluña uniasagua y palaoan, ya unacajulo semiya gui cheluña.

28Saying: Master, Moses wrote unto us, If any man’s brother die, having a wife, and he leave no children, that his brother should take her to wife, and raise up seed unto his brother.

29Ya guaja siete na lalaje na mañelu: ya y finenana umasagua, ya matae taya patgonña.

29There were therefore seven brethren: and the first took a wife, and died without children.

30Ya inasagua y palaoan ni y miná dos;

30And the next took her to wife, and he also died childless.

31Ya inasagua talo ni y miná tres; yan taegüenaoja locue todo y siete manmatae ya taya famaguonñija.

31And the third took her. And in like manner all the seven, and they left no children, and died.

32Ya y palaoan uttimo matae locue.

32Last of all the woman died also.

33Ya y quinajulon manmatae, jaye gaeasagua y palaoan? sa inasagua todo ni y siete.

33In the resurrection therefore, whose wife of them shall she be? For all the seven had her to wife.

34Ya si Jesus ilegña nu sija: Y famaguon este na tiempo manásagua yan manafanásagua:

34And Jesus said to them: The children of this world marry, and are given in marriage:

35Lao ayo sija y ufanmanmerese güije na tiempo, yan y quinajulon manmatae, ni ufanasagua, ni umanafanasagua:

35But they that shall be accounted worthy of that world, and of the resurrection from the dead, shall neither be married, nor take wives.

36Ni ti siña manmatae talo: sa manparejoja yan y angjet sija; yan manfamaguon Yuus, sa manfamaguon y quinajulon. manmatae.

36Neither can they die any more: for they are equal to the angels, and are the children of God, being the children of the resurrection.

37Ya pot y manmatae ni umanafangajulo, asta si Moises mamanue gui finajalomtano, anae jafanaan y Señot, Yuus Abraham yan Yuus Ysaac yan Yuus Jacob.

37Now that the dead rise again, Moses also shewed, at the bush, when he called the Lord, The God of Abraham, and the God of Isaac, and the God of Jacob;

38Sa ti güiya Yuus manmatae, na manlâlâ: sa todosija manlala guiya güiya.

38For he is not the God of the dead, but of the living: for all live to him.

39Ya manmanope palo gui escriba sija ilegñija: Maestro, mauleg sinanganmo.

39And some of the scribes answering, said to him: Master, thou hast said well.

40Ya desde ayo, ti matatnga mafaesen güe talo jafa.

40And after that they durst not ask him any more questions.

41Ya ilegña nu sija: Jafa na ilegñija na si Cristo lajin David?

41But he said to them: How say they that Christ is the son of David?

42Ya güiyaja si David umalog gui leblon y Salmos: Y Señot ilegña ni y Señotjo, Fatáchong gui agapa na canaejo,

42And David himself saith in the book of Psalms: The Lord said to my Lord, sit thou on my right hand,

43Asta qui jupolo y enemigumo sija para fañajangan y adengmo.

43Till I make thy enemies thy footstool.

44Enao muna si David finanaan güe Señot, ya jaftaemano mina ulajiña?

44David then calleth him Lord: and how is he his son?

45Ya majujungogja ni y taotao sija, anae ilegña ni y disipuluña:

45And in the hearing of all the people, he said to his disciples:

46Adaje jamyo ni y escriba sija, sa yanñija manmamocat yan y anaco na magago, yan yanñija manmasaluda gui plasa, yan y finénana na tachong gui sinagoga sija; yan y finénana na saga gui guipot;

46Beware of the scribes, who desire to walk in long robes, and love salutations in the marketplace, and the first chairs in the synagogues, and the chief rooms at feasts:

47Yan jalachae y guima y biuda sija, yan manmamanunue ni y anaco tinaetaeñija pot taya; estesija ujaresibe mandangculo na sinentensia.

47Who devour the houses of widows, feigning long prayer. These shall receive greater damnation.

Tip: use the ← and → keys to turn chapters.