1 Meʻa Hokohoko 16
Tongan Bible, Revised West VersionTranslation
Tongan Bible, Revised West Version
Bíblia Portuguesa Mundial (Brazilian Portuguese)
1Ko ia naʻa nau ʻomi ʻae puha ʻoe fuakava ʻae ʻOtua, mo tuku ia ʻi he loto fale fehikitaki ʻaia naʻe fokotuʻu ki ai ʻe Tevita: pea naʻa nau ʻatu ʻae ngaahi feilaulau tutu, mo e ngaahi feilaulau fakamelino ʻi he ʻao ʻoe ʻOtua.
1Trouxeram a arca de Deus e a colocaram no meio da tenda que Davi havia armado para ela; e ofereceram holocaustos e ofertas pacíficas diante de Deus.
2Pea ʻi heʻene fakaʻosi ʻe Tevita ʻae ʻatu ʻae ngaahi feilaulau tutu, mo e ngaahi feilaulau fakamelino, naʻa ne tāpuaki ʻae kakai ʻi he huafa ʻo Sihova.
2Quando Davi terminou de oferecer os holocaustos e as ofertas pacíficas, ele abençoou o povo no nome do SENHOR.
3Pea naʻa ne tufaki ki he kakai taki taha kotoa pē ʻo ʻIsileli, ki he tangata mo e fefine fakatouʻosi, ke taki taha haʻane foʻi mā, mo e konga kanomate lahi, mo e ipu uaine ʻe taha.
3Ele distribuiu a todos os israelitas, tanto homens como mulheres, a cada um, um pão, uma porção de carne e um bolo de passas.
4¶ Pea naʻa ne fakanofo ʻae niʻihi ʻi he kau Livai ke tauhi ʻi he ʻao ʻoe puha ʻoe fuakava ʻa Sihova, pea ke fai ʻae tohi fakamanatu, pea ke fai ʻae fakafetaʻi mo e fakamālō kia Sihova ko e ʻOtua ʻo ʻIsileli:
4Ele designou alguns dos levitas para ministrar diante da arca do SENHOR, e para celebrar, render graças e louvar ao SENHOR, o Deus de Israel:
5Ko honau ʻeiki ʻa ʻAsafi, pea hoko mo ia ʻa Sakalia, mo Sieli, mo Similamoti, mo Sehieli, mo Matitia, mo ʻIliapi, mo Penaia, mo ʻOpeti-ʻItomi: pea naʻe ʻia Sieli ʻae ngaahi ūtete mo e ngaahi haʻape; ka naʻe ʻia ʻAsafi ʻae fakaongo ʻaki ʻae ngaahi meʻa pakihi;
5Asafe, o chefe, e Zacarias como o segundo depois dele, e depois Jeiel, Semiramote, Jeiel, Matitias, Eliabe, Benaia, Obede-Edom e Jeiel, com instrumentos de cordas e com harpas; e Asafe com címbalos ressoantes;
6Pea naʻe ʻia Penaia foki mo Seesieli ko e ongo taulaʻeiki ʻae ngaahi meʻalea maʻuaipē ʻi he ʻao ʻoe puha ʻoe fuakava ʻae ʻOtua.
6com Benaia e Jaaziel, os sacerdotes, tocando trombetas continuamente diante da arca da aliança de Deus.
7¶ Pea ʻi he ʻaho ko ia naʻe fuofua ʻatu ʻe Tevita ʻae fakafetaʻi kia Sihova ʻi he nima ʻo ʻAsafi pea mo hono kāinga.
7Então, naquele dia, Davi pela primeira vez encarregou Asafe e seus irmãos de renderem graças ao SENHOR.
8Mou fakafetaʻi kia Sihova, ui ki hono huafa, fakaongoongo ʻi he lotolotonga ʻoe kakai ʻa ʻene ngaahi ngāue.
8Deem graças ao SENHOR. Invoquem o seu nome. Tornem conhecidos os seus feitos entre os povos.
9Mou hiva kiate ia, hiva ʻaki ʻae ngaahi saame kiate ia, mou fetalanoaʻaki ʻa ʻene ngaahi ngāue fakaofo.
9Cantem para ele. Cantem louvores a ele. Falem de todas as suas obras maravilhosas.
10Mou vikiviki ʻi hono huafa māʻoniʻoni: tuku ke fiefia ʻae loto ʻokinautolu, ʻoku kumi kia Sihova.
10Gloriem-se no seu santo nome. Alegre-se o coração dos que buscam o SENHOR.
11Mou kumi kia Sihova pea mo ʻene mālohi, mou kumi maʻuaipē ki hono fofonga.
11Busquem o SENHOR e a sua força. Busquem a sua face para sempre.
12Manatu ki heʻene ngaahi ngāue fakamanavahē ʻaia kuo ne fai, ʻa ʻene ngaahi meʻa fakaofo, pea mo e fakamaau mei hono fofonga:
12Lembrem-se das obras maravilhosas que ele fez, dos seus prodígios e dos juízos da sua boca,
13ʻAkimoutolu ʻae hako ʻo ʻIsileli ko ʻene tamaioʻeiki, ʻakimoutolu ʻae fānau ʻa Sekope, ʻae kakai kuo ne fili.
13vocês, descendência de Israel, seu servo, vocês, filhos de Jacó, seus escolhidos.
14Ko ia ko Sihova ko hotau ʻOtua ʻoku ʻi māmani kotoa pē ʻa ʻene ngaahi fakamaau.
14Ele é o SENHOR, o nosso Deus. Seus juízos estão em toda a terra.
15Mou manatu maʻuaipē ki heʻene fuakava; ʻae folofola ko ia naʻa ne fekau ʻaki ki he toʻutangata ʻe afe;
15Lembrem-se da sua aliança para sempre, da palavra que ele ordenou para mil gerações,
16ʻAia naʻa ne fai mo ʻEpalahame, pea mo ʻene fuakava kia ʻAisake;
16da aliança que fez com Abraão, do seu juramento a Isaque.
17Pea kuo ne fakapapau ia kia Sekope ko e fono tuʻumaʻu, pea ko e fuakava taʻengata ki ʻIsileli.
17Ele a confirmou a Jacó como um decreto, e a Israel como uma aliança eterna,
18ʻI heʻene pehē, “Ko koe te u foaki ki ai ʻae fonua ko Kēnani, ko e tufakanga ʻo homou tofiʻa;”
18dizendo: “Darei a você a terra de Canaã, a porção da sua herança”,
19Lolotonga ʻa hoʻomou tokosiʻi pe, ʻio, ko e tokosiʻi pe, pea ko e kau muli pe ʻi ai.
19quando vocês eram apenas uns poucos homens em número, sim, muito poucos, e estrangeiros nela.
20Pea ʻi heʻenau ʻalu fano mei he fonua ʻe taha ki ha fonua kehe, pea mei he puleʻanga ʻe taha ki ha kakai kehe;
20Eles andaram de nação em nação, de um reino para outro povo.
21Naʻe ʻikai tuku ʻe ia ke fai taʻetotonu kiate kinautolu ʻe ha tokotaha: naʻa mo e ngaahi tuʻi naʻa ne valokiʻi koeʻuhi ko kinautolu,
21Ele não permitiu que ninguém os oprimisse. Sim, ele repreendeu reis por causa deles,
22Mo ne pehē , “ʻOua naʻa ala kiate ia kuo u pani ʻaki ʻae lolo, pea ʻoua naʻa fai ha kovi ki hoku kau palōfita.”
22“Não toquem nos meus ungidos! Não façam mal aos meus profetas!”
23Ke hiva kia Sihova, ʻa māmani kātoa; fakahāhā atu ʻi he ʻaho kotoa pē ʻa ʻene fakamoʻui.
23Cantem ao SENHOR, toda a terra! Anunciem a sua salvação dia após dia.
24Fanongonongo ʻa ʻene nāunauʻia ʻi he lotolotonga ʻoe kakai hiteni; mo ʻene ngaahi ngāue fakaofo lahi ki he ngaahi puleʻanga kotoa pē.
24Declarem a sua glória entre as nações, e as suas obras maravilhosas entre todos os povos.
25He ʻoku lahi ʻa Sihova, pea ʻoku taau mo ia ʻae fakafetaʻi lahi: ʻoku taau mo ia foki ʻae manavahē ke lahi hake ʻi he ngaahi ʻotua kotoa pē.
25Pois grande é o SENHOR, e digno de ser muito louvado. Ele também deve ser temido acima de todos os deuses.
26He ko e ngaahi tamapua pe ʻae ngaahi ʻotua ʻoe kakai: ka naʻe ngaohi ʻe Sihova ʻae ngaahi langi.
26Porque todos os deuses dos povos são ídolos, mas o SENHOR fez os céus.
27ʻOku ʻi hono ʻao ʻoʻona ʻae nāunau, mo e ʻapasia; ʻoku ʻi hono nofoʻanga ʻae mālohi mo e fiefia.
27Honra e majestade estão diante dele. Força e alegria estão no seu santuário.
28ʻAtu kia Sihova, ʻakimoutolu ʻae ngaahi faʻahinga kakai, ʻatu kia Sihova ʻae nāunau mo e mālohi.
28Atribuam ao SENHOR, ó famílias dos povos, atribuam ao SENHOR glória e força!
29ʻAtu kia Sihova ʻae ongoongolelei ʻoku taau mo hono huafa: ʻomi ha feilaulau, pea haʻu ki hono ʻao: lotu kia Sihova ʻi he matamatalelei ʻoe māʻoniʻoni.
29Atribuam ao SENHOR a glória devida ao seu nome. Tragam uma oferta e venham diante dele. Adorem o SENHOR no esplendor da sua santidade.
30Ke manavahē kiate ia ʻa māmani kotoa pē: ʻe nofomaʻu foki ʻa māmani ke ʻoua naʻa ngaue ia.
30Tremam diante dele, toda a terra. O mundo também está firmado para que não possa ser abalado.
31Tuku ke fiefia ʻae ngaahi langi, pea tuku ke nekeneka ʻa māmani: pea tuku ke pehē ʻe he kakai ʻi he lotolotonga ʻoe ngaahi puleʻanga, “ʻOku pule ʻa Sihova.”
31Alegrem-se os céus, e exulte a terra! Digam entre as nações: “O SENHOR reina!”
32Ke ʻuʻulu ʻae tahi, pea mo hono fonu ʻo ia: ke fiefia ʻae ngaahi tokanga ngoue mo e ngaahi meʻa kotoa pē ʻoku ʻi ai.
32Rúja o mar e a sua plenitude! Exulte o campo e tudo o que nele há!
33ʻE toki pā atu ʻae hiva ʻoe ngaahi ʻakau ʻoe vao ʻi he ʻao ʻo Sihova, koeʻuhi ʻoku ne hāʻele mai ke fakamaau ʻa māmani.
33Então as árvores do bosque cantarão de alegria diante do SENHOR, pois ele vem para julgar a terra.
34Mou tuku ʻae fakafetaʻi kia Sihova he ʻoku ne angalelei; pea ʻoku taʻengata ʻa ʻene ʻaloʻofa.
34Deem graças ao SENHOR, porque ele é bom, porque a sua misericórdia dura para sempre.
35Pea mou pehē, “Fakamoʻui ʻakimautolu, ʻa koe ko e ʻOtua ʻo homau fakamoʻui, pea tānaki fakataha ʻakimautolu, pea fakahaofi ʻakimautolu mei he hiteni, koeʻuhi ke mau ʻatu ʻae fakafetaʻi ki ho huafa māʻoniʻoni, pea mau vikiviki ʻi he fakamālō kiate koe.”
35Digam: “Salva-nos, ó Deus da nossa salvação! Reúne-nos e livra-nos das nações, para darmos graças ao teu santo nome, e triunfarmos no teu louvor.”
36Ke fakafetaʻi kia Sihova ko e ʻOtua ʻo ʻIsileli, ʻo taʻengata pea taʻengata. Pea naʻe pehē ʻe he kakai kotoa pē, “ʻEmeni,” mo nau fai ʻae fakafetaʻi kia Sihova.
36Bendito seja o SENHOR, o Deus de Israel, de eternidade a eternidade. Todo o povo disse: “Amém”, e louvou ao SENHOR.
37¶ Ko ia naʻa ne tuku ʻa ʻAsafi mo hono kāinga ʻi he ʻao ʻoe puha ʻoe fuakava ʻa Sihova, koeʻuhi ke tauhi maʻuaipē ʻi he ʻao ʻoe puha ʻoe fuakava, ʻo hangē ko e ngāue naʻe totonu ke fai ʻi he ʻaho kotoa pē:
37Então ele deixou Asafe e seus irmãos ali diante da arca da aliança do SENHOR, para ministrarem continuamente diante da arca, conforme a exigência de cada dia;
38Mo ʻOpeti-ʻItomi mo honau kāinga, ko e toko onongofulu ma valu; ka ko e kau leʻo matapā ʻa ʻOpeti-ʻItomi ko e foha ʻo Situtuni, pea mo Hosa:
38e Obede-Edom com seus sessenta e oito parentes; também Obede-Edom, filho de Jedutum, e Hosa, para serem porteiros;
39Pea ko Satoki ko e taulaʻeiki, pea mo hono ngaahi kāinga ko e kau taulaʻeiki, ʻi he ʻao ʻoe fale fehikitaki ʻo Sihova ʻi he potu māʻolunga ʻaia naʻe ʻi Kipione,
39e Zadoque, o sacerdote, e seus irmãos, os sacerdotes, diante do tabernáculo do SENHOR, no lugar alto que estava em Gibeom,
40Ke nau ʻohake ʻae ngaahi feilaulau tutu kia Sihova ʻi he funga feilaulauʻanga ʻoe feilaulau tutu maʻuaipē ʻi he pongipongi mo e efiafi, pea ke fai ʻo fakatatau mo ia kotoa pē kuo tohi ʻi he fono ʻa Sihova, ʻaia naʻa ne fekau ki ʻIsileli;
40para oferecerem holocaustos ao SENHOR no altar de holocaustos, continuamente, pela manhã e à tarde, de acordo com tudo o que está escrito na lei do SENHOR, que ele ordenou a Israel;
41Pea naʻe fakataha mo kinautolu ʻa Hemani mo Situtuni mo kinautolu naʻe fili, ʻakinautolu naʻe lau ʻa honau hingoa, ke fai ʻae fakafetaʻi kia Sihova, koeʻuhi ko ʻene ʻaloʻofa ʻoku taʻengata;
41e com eles Hemã, Jedutum e os demais que foram escolhidos, que foram designados por nome, para renderem graças ao SENHOR, porque a sua misericórdia dura para sempre;
42Pea fakataha mo kinautolu ʻa Hemani mo Situtuni mo ʻena ngaahi meʻalea mo ʻena ngaahi meʻa pakihi koeʻuhi ko kinautolu ʻe hiva ki he ʻOtua ʻaki ʻae ngaahi meʻa fasi hiva. Pea ko e ngaahi foha ʻo Situtuni ko e kau leʻo matapā ʻakinautolu.
42e com eles Hemã e Jedutum com trombetas e címbalos para os que deviam ressoar alto, e com instrumentos para os cânticos de Deus; e os filhos de Jedutum para estarem à porta.
43Pea naʻe ʻalu ʻae kakai, ko e tangata taki taha ki hono fale ʻoʻona: pea naʻe ʻalu foki ʻa Tevita ke ne tāpuakiʻi ʻa hono fale.
43Todo o povo partiu, cada um para a sua casa; e Davi voltou para abençoar a sua casa.
Tip: use the ← and → keys to turn chapters.