Job 38
JPS Tanakh (Jewish Publication Society, 1917)
Baibala Hemolele (Hawaiian Bible, 1868 revision)
1Then the LORD answered Job out of the whirlwind, and said:
1A LAILA olelo mai o Iehova ia Ioba mailoko mai o ka puahiohio, i mai la,
2Who is this that darkeneth counsel by words without knowledge?
2Owai keia e hoopouli ana i ka oleloao, Ma na huaolelo me ka ike ole?
3Gird up now thy loins like a man; for I will demand of thee, and declare thou unto Me.
3E kakoo ano i kou puhaka me he kanaka la; No ka mea, e ninau aku au ia oe, a e hoike mai oe ia'u.
4Where wast thou when I laid the foundations of the earth? Declare, if thou hast the understanding.
4Mahea oe i ko'u hookumu ana i ka honua? E hai mai, ina ua ike oe i ka naauao.
5Who determined the measures thereof, if thou knowest? Or who stretched the line upon it?
5Na wai la i kau kona mau ana? ua ike ka oe! A owai hoi i kau aku i ke kaula-ana maluna ona?
6Whereupon were the foundations thereof fastened? Or who laid the corner-stone thereof,
6Maluna o ke aha i hoonohoia'i kona mau kumu? Na wai la i hoonoho kona pohaku kihi;
7When the morning stars sang together, and all the sons of God shouted for joy?
7I ka wa i mele pu ai na hoku ao, I hooho olioli ae hoi na keiki a pau a ke Akua?
8Or who shut up the sea with doors, when it broke forth, and issued out of the womb;
8Nawai i hoopuni i ke kai me na pani? I kona huaiia mai la e like me ka puka ana ae mailoko mai o ka opu;
9When I made the cloud the garment thereof, and thick darkness a swaddlingband for it,
9I kuu kau ana i ke ao i kapa nona; A i ka pouli aaki i wahi nona;
10And prescribed for it My decree, and set bars and doors,
10A ua hoopuni aku au nona i kuu mau palena, A ua hoonoho aku i na kaola a me na pani,
11And said: 'Thus far shalt thou come, but no further; and here shall thy proud waves be stayed'?
11A ua i aku, Maanei oe e hele mai ai, aole aku; Maanei hoi e hoopaleia kou mau nalu kiekie.
12Hast thou commanded the morning since thy days began, and caused the dayspring to know its place;
12I kou mau la, ua kauoha anei oe i ke kakahiaka, Ua hoike aku oe i ka wanaao i kona wahi;
13That it might take hold of the ends of the earth, and the wicked be shaken out of it?
13I lalau aku ai ia i na welau o ka honua, I hookukeia'i ka poe hewa mai ona aku?
14It is changed as clay under the seal; and they stand as a garment.
14Hoololi ia ia iho e like me ka wepa no ka hoailona; A ku ae ia mau mea iluna e like me ka lole aahu maikai.
15But from the wicked their light is withholden, and the high arm is broken.
15A ua hooleia ko lakou malamalama mai ka poe hewa aku, A o ka lima o ka mea ikaika ua haki.
16Hast thou entered into the springs of the sea? Or hast thou walked in the recesses of the deep?
16Ua komo anei oe i na kumu o ke kai? A ua hele ae i ka imi ana i ka hohonu?
17Have the gates of death been revealed unto thee? Or hast thou seen the gates of the shadow of death?
17Ua weheia anei ia oe na puka o ka make? A ua ike anei oe i na puka o ka malu make?
18Hast thou surveyed unto the breadths of the earth? Declare, if thou knowest it all.
18Ua hoomaopopo anei oe i ka palahalaha o ka honua? E hai mai, ina ua ike oe ia mea a pau.
19Where is the way to the dwelling of light, and as for darkness, where is the place thereof;
19Mahea ke ala kahi e noho ai ka malamalama? A o ka pouli mahea kona wahi?
20That thou shouldest take it to the bound thereof, and that thou shouldest know the paths to the house thereof?
20I kaikai aku oe ia ia ma kona palena, A i ike aku oe i na ala o kona hale.
21Thou knowest it, for thou wast then born, and the number of thy days is great!
21Ua ike anei oe ia, no ka mea, ua hanau oe ia manawa? A no ka mea, ua nui loa kou mau la?
22Hast thou entered the treasuries of the snow, or hast thou seen the treasuries of the hail,
22Ua komo anei oe i na hale ahu o ka hau? A ua ike anei oe i ke ahu ana o ka huahekili,
23Which I have reserved against the time of trouble, against the day of battle and war?
23Ka mea a'u i malama'i no ka manawa popilikia, No ka la hoouka a me ke kaua?
24By what way is the light parted, or the east wind scattered upon the earth?
24Ma ke ala hea i mahele ai ka malamalama? A i huai mai ka makani hikina maluna o ka honua?
25Who hath cleft a channel for the waterflood, or a way for the lightning of the thunder;
25Owai la i mahele i ka auwai no ka huai ana o ka wai, A i ke ala no ka uwila o ka hekili;
26To cause it to rain on a land where no man is, on the wilderness, wherein there is no man;
26E hooua mai maluna o ka aina kanaka ole; Ma ka waonahele kahi kanaka ole;
27To satisfy the desolate and waste ground, and to cause the bud of the tender herb to spring forth?
27E hoopiha i kahi neoneo, a me kahi nahele hooneoneo ia, E hooulu mai i ka mauu e puka mai ana?
28Hath the rain a father? Or who hath begotten the drops of dew?
28He makuakane anei ko ka ua? Owai hoi i hoohanau i na kulu hau?
29Out of whose womb came the ice? And the hoar-frost of heaven, who hath gendered it?
29Noloko mai o ka opu owai i puka mai ai ka waipaa? A o ka haupaa o ka lani, nawai i hoohanau?
30The waters are congealed like stone, and the face of the deep is frozen.
30Ua hunaia na wai me he mea la malalo o ka pohaku, A o ka ili o ka hohonu ua hoopaaia.
31Canst thou bind the chains of the Pleiades, or loose the bands of Orion?
31E hiki anei ia oe ke hoopaa i na mea paa o na Huhui, A e kala ae paha i na mea paa o Oriona?
32Canst thou lead forth the Mazzaroth in their season? Or canst thou guide the Bear with her sons?
32E hiki anei ia oe ke hoopuka mai i Masarota i kona manawa? A e alakai paha i ka Bea nui me kana mau keiki?
33Knowest thou the ordinances of the heavens? Canst thou establish the dominion thereof in the earth?
33Ua ike anei oe i na kanawai o ka lani? E hiki anei ia oe ke hoopaa i kona alii ana maluna o ka honua?
34Canst thou lift up thy voice to the clouds, that abundance of waters may cover thee?
34E hiki anei ia oe ke hookiekie i kou leo iluna i ke ao, I uhi mai ai na wai nui ia oe?
35Canst thou send forth lightnings, that they may go, and say unto thee: 'Here we are'?
35E hiki anei ia oe ke hoouna aku i na uwila, a hele aku lakou, A e olelo mai lakou, Eia makou?
36Who hath put wisdom in the inward parts? Or who hath given understanding to the mind?
36Owai la ka i hoo i ke akamai i ko loko, Owai hoi i haawi i ka naauao no ka naau?
37Who can number the clouds by wisdom? Or who can pour out the bottles of heaven,
37Owai la ka mea hiki ke helu i na ao ma kona akamai? A o na hue o ka lani, owai ka mea i ninini?
38When the dust runneth into a mass, and the clods cleave fast together?
38I ka wa i lilo ai ka lepo i mea paa, A pipili na papaa lepo?
39Wilt thou hunt the prey for the lioness? Or satisfy the appetite of the young lions,
39E hoohalua anei oe i ka mea ai na ka liona? A hoomaona i ka pololi ana o na liona opio,
40When they couch in their dens, and abide in the covert to lie in wait?
40I ka wa i moemoe ai lakou iloko o ko lakou mau lua, A noho lakou ma kahi huna, no ka hoohalua ana?
41Who provideth for the raven his prey, when his young ones cry unto God, and wander for lack of food?
41Owai la ka i hoomakaukau na ke koraka i kana ai, I ka wa i uwe ai kana mau keiki i ke Akua, A ua auwana no ka nele i ka ai?
Tip: use the ← and → keys to turn chapters.