Tingtoeng 111
Greek New Testament: Textus Receptus has no text for this chapter yet.
1BOEIPA te thangthen lah.Aka thuem rhoek kah tingtunnah neh rhaengpuei lakliah thinko boeih neh BOEIPA ka uem ni.
2BOEIPA kah bibi a len rhoek te aka huem rhoek boeih loh a tlap uh.
3A bisai dongah mueithennah neh rhuepomnah om tih a duengnah khaw a yoeyah la cak.
4Lungvatnah neh thinphoei BOEIPA te poekkoepnah ham ni amah kah khobaerhambae khaw a saii.
5Amah aka rhih rhoek te maeh a paek tih a paipi te a kumhal duela a thoelh.
6Namtom rhoek kah rho te a pilnam taengah paek ham ni a bibi neh a thadueng khaw a doek.
7A kut dongkah a bibi he oltak neh tiktamnah om tih a olrhi rhoek khaw boeih cak.
8Oltak neh a thuem la aka saii rhoek tah kumhal duela pai yoeyah.
9A pilnam taengah tlannah a thak pah. A paipi cim kumhal duela a uen dongah a ming khaw a rhih om pai.
10BOEIPA hinyahnah he tah cueihnah a tongnah la om tih a olkhueng aka vai rhoek boeih taengah lungmingnah then om. Amah koehnah a yoeyah la pai.
Tip: use the ← and → keys to turn chapters.