Saame 36
Tongan Bible, Revised West VersionTranslation
Tongan Bible, Revised West Version
World English Bible
1ʻOku lea ʻae talangataʻa ʻae angakovi ki hoku loto, “ʻoku ʻikai ha manavahē ki he ʻOtua ʻi hono ʻao.”
1A revelation is within my heart about the disobedience of the wicked: There is no fear of God before his eyes.
2He ʻoku ne fakaholoholoʻi ʻe ia ia ʻi hono ʻao, ke ʻoua ke hoko ʻo hā mai ʻae kovi ʻo ʻene hia.
2For he flatters himself in his own eyes, too much to detect and hate his sin.
3Ko e ngaahi lea ʻa hono ngutu ko e kovi mo e kākā: kuo tuku ʻe ia ʻene poto mo e fai lelei.
3The words of his mouth are iniquity and deceit. He has ceased to be wise and to do good.
4ʻOku ne fifili ki he pauʻu ʻi hono mohenga; ʻoku ne fokotuʻu ʻe ia ia ʻi he hala ʻoku ʻikai lelei; ʻoku ʻikai te ne fehiʻa ki he kovi.
4He plots iniquity on his bed. He sets himself in a way that is not good. He doesn’t abhor evil.
5Ko hoʻo ʻaloʻofa, ʻE Sihova, ʻoku ʻi he ngaahi langi; pea ʻoku aʻu hake hoʻo angatonu ki he ngaahi ʻao.
5Your loving kindness, LORD, is in the heavens. Your faithfulness reaches to the skies.
6Ko hoʻo māʻoniʻoni ʻoku hangē ko e ngaahi moʻunga ʻoe ʻOtua; ko hoʻo ngaahi fakamaau ko e fuʻu moana; ʻE Sihova, ʻoku ke fakamoʻui ʻae tangata mo e manu.
6Your righteousness is like the mountains of God. Your judgments are like a great deep. LORD, you preserve man and animal.
7ʻE ʻOtua, hono ʻikai mahuʻinga fau ʻa hoʻo ʻaloʻofa! Ko ia ʻoku falala ai ʻae fānau ʻae tangata ki he malu ʻo ho kapakau.
7How precious is your loving kindness, God! The children of men take refuge under the shadow of your wings.
8Te nau fonu lahi ʻi he mahu lelei ʻo ho fale; pea te ke fakainu ʻakinautolu ʻi he vaitafe ʻo hoʻo fiemālie.
8They shall be abundantly satisfied with the abundance of your house. You will make them drink of the river of your pleasures.
9He ʻoku ʻiate koe ʻae matavai ʻoe moʻui: temau mamata ʻi hoʻo maama ki he maama.
9For with you is the spring of life. In your light we will see light.
10Ke tuʻumaʻu pe hoʻo ʻaloʻofa kiate kinautolu ʻoku nau ʻilo koe; mo hoʻo māʻoniʻoni ki he angatonu ʻi loto.
10Oh continue your loving kindness to those who know you, your righteousness to the upright in heart.
11ʻOua naʻa hoko kiate au ʻae vaʻe ʻoe laukau, pea ʻoua naʻa hiki au ʻe he nima ʻoe angakovi.
11Don’t let the foot of pride come against me. Don’t let the hand of the wicked drive me away.
12Kuo hinga ʻi ai ʻae kau fai kovi: kuo lī ki lalo ʻakinautolu, pea ʻe ʻikai te nau faʻa tuʻu hake.
12There the workers of iniquity are fallen. They are thrust down, and shall not be able to rise.
Tip: use the ← and → keys to turn chapters.