Saame 118
Tongan Bible, Revised West VersionTranslation
Tongan Bible, Revised West Version
World English Bible
1Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.
1Give thanks to the LORD, for he is good, for his loving kindness endures forever.
2Ke lea ni ʻe ʻIsileli, “ʻOku tolonga ʻo taʻengata ʻa ʻene ʻaloʻofa.”
2Let Israel now say that his loving kindness endures forever.
3Ke lea ni ʻae fale ʻo ʻElone, “ʻOku tolonga ʻo taʻengata ʻa ʻene ʻaloʻofa.”
3Let the house of Aaron now say that his loving kindness endures forever.
4Tuku ke lea ni ʻakinautolu ʻoku nau manavahē kia Sihova, ʻoku tolonga ʻo taʻengata ʻa ʻene ʻaloʻofa.
4Now let those who fear the LORD say that his loving kindness endures forever.
5Naʻaku ui kia Sihova ʻi he mamahi: pea naʻe talia au ʻe Sihova, mo ne tuku au ki he potu ʻataʻatā.
5Out of my distress, I called on the LORD. The LORD answered me with freedom.
6ʻOku kau maʻaku ʻa Sihova; ʻe ʻikai te u manavahē ko e hā ʻe faʻa fai ʻe he tangata kiate au.
6The LORD is on my side. I will not be afraid. What can man do to me?
7ʻOku fai maʻaku ʻa Sihova mo kinautolu ʻoku nau tokoni au: ko ia te u mamata ai kiate kinautolu ʻoku nau fehiʻa kiate au.
7The LORD is on my side among those who help me. Therefore I will look in triumph at those who hate me.
8ʻOku lelei lahi ʻae falala kia Sihova ʻi he falala ki he tangata.
8It is better to take refuge in the LORD, than to put confidence in man.
9ʻOku lelei lahi ʻae falala kia Sihova ʻi he falala ki he ngaahi ʻeiki.
9It is better to take refuge in the LORD, than to put confidence in princes.
10Naʻe kāpui au ʻe he ngaahi puleʻanga kotoa pē: ka ʻi he huafa ʻo Sihova te u fakaʻauha ʻakinautolu.
10All the nations surrounded me, but in the LORD’s name I cut them off.
11Naʻa nau takatakai au; ʻio, naʻa nau kāpui au: ka ʻi he huafa ʻo Sihova te u fakaʻauha ʻakinautolu.
11They surrounded me, yes, they surrounded me. In the LORD’s name I indeed cut them off.
12Naʻa nau kāpui au ʻo hangē ko e fanga pi; kuo tāmateʻi ʻakinautolu ʻo hangē ko e afi ʻi he ʻakau talatala: he te u fakaʻauha ʻakinautolu ʻi he huafa ʻo Sihova.
12They surrounded me like bees. They are quenched like the burning thorns. In the LORD’s name I cut them off.
13Kuo ke tekeʻi mālohi au koeʻuhi ke u hinga ai: ka naʻe tokoni au ʻe Sihova
13You pushed me back hard, to make me fall, but the LORD helped me.
14Ko hoku mālohi ʻa Sihova mo ʻeku hiva, pea kuo hoko ia ko hoku fakamoʻui.
14The LORD is my strength and song. He has become my salvation.
15Ko e lea ʻoe fiefia mo e fakamoʻui ʻoku ʻi he ngaahi fale fehikitaki ʻoe angatonu: ʻoku fai mālohi ʻae nima toʻomataʻu ʻo Sihova.
15The voice of rejoicing and salvation is in the tents of the righteous. “The right hand of the LORD does valiantly.
16Kuo hiki hake ʻae nima toʻomataʻu ʻo Sihova: ʻoku fai mālohi ʻae nima toʻomataʻu ʻo Sihova.
16The right hand of the LORD is exalted! The right hand of the LORD does valiantly!”
17ʻE ʻikai te u mate, kae moʻui, ʻo fakahā ʻae ngaahi ngāue ʻa Sihova.
17I will not die, but live, and declare the LORD’s works.
18Kuo tautea fakamamahiʻi au ʻe Sihova: ka ʻoku teʻeki ai te ne tukuange au ki he mate.
18The LORD has punished me severely, but he has not given me over to death.
19Toʻo kiate au ʻae ngaahi matapā ʻoe māʻoniʻoni: te u hū ai, pea u fakamālō kia Sihova:
19Open to me the gates of righteousness. I will enter into them. I will give thanks to the LORD.
20Ko e matapā eni ʻo Sihova, ʻaia ʻe hū ai ʻae angatonu.
20This is the gate of the LORD; the righteous will enter into it.
21Te u fakamālō kiate koe: he kuo ke ongoʻi au, pea kuo ke hoko ko hoku fakamoʻui.
21I will give thanks to you, for you have answered me, and have become my salvation.
22Ko e maka naʻe liʻaki ʻe he kau tufunga kuo hoko ia ko e fungani maka ʻoe tuliki.
22The stone which the builders rejected has become the cornerstone.
23Ko e ngāue eni ʻa Sihova; pea ko e meʻa fakaofo ʻi hotau ʻao.
23This is the LORD’s doing. It is marvelous in our eyes.
24Ko e ʻaho eni kuo ngaohi ʻe Sihova; te tau fiefia pea nekeneka ai.
24This is the day that the LORD has made. We will rejoice and be glad in it!
25ʻE Sihova, ʻoku ou kole kiate koe, ke ke fakamoʻui ni: ʻE Sihova, ʻoku ou kole kiate koe, ke ke tuku mai ni ʻae monūʻia.
25Save us now, we beg you, LORD! LORD, we beg you, send prosperity now.
26Ke monūʻia ia ʻoku haʻu ʻi he huafa ʻo Sihova: kuo mau tāpuekina ʻakimoutolu mei he fale ʻo Sihova.
26Blessed is he who comes in the LORD’s name! We have blessed you out of the LORD’s house.
27Ko e ʻOtua ko Sihova ia, ʻaia kuo ne fakahā ʻae maama kiate kitautolu: mou nonoʻo ʻae feilaulau ʻaki ʻae ngaahi afo ki he ngaahi nifo, ʻoe feilaulauʻanga.
27The LORD is God, and he has given us light. Bind the sacrifice with cords, even to the horns of the altar.
28Ko koe ko hoku ʻOtua, pea te u fakamālō kiate koe: ko koe ko hoku ʻOtua, te u fakahikihikiʻi koe.
28You are my God, and I will give thanks to you. You are my God, I will exalt you.
29Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.
29Oh give thanks to the LORD, for he is good, for his loving kindness endures forever.
Tip: use the ← and → keys to turn chapters.