Saame 122
Tongan Bible, Revised West VersionTranslation
Tongan Bible, Revised West Version
World English Bible
1Naʻaku fiefia ʻi heʻenau pehē mai kiate au, “Ke tau ō ki he fale ʻo Sihova.”
1I was glad when they said to me, “Let’s go to the LORD’s house!”
2ʻE tuʻu homau vaʻe ki lotoʻā ʻi ho ngaahi matapā, ʻE Selūsalema.
2Our feet are standing within your gates, Jerusalem!
3Kuo langa ʻa Selūsalema ʻo hangē ko e kolo ʻoku māʻopoʻopo:
3Jerusalem is built as a city that is compact together,
4ʻAia ʻoku ʻalu hake ki ai ʻae ngaahi faʻahinga, ʻae ngaahi faʻahinga ʻo Sihova, ki he fakamoʻoni ʻa ʻIsileli, ke ʻatu ʻae fakafetaʻi ki he huafa ʻo Sihova.
4where the tribes go up, even the LORD’s tribes, according to an ordinance for Israel, to give thanks to the LORD’s name.
5He ʻoku fokotuʻu ʻi ai ʻae ngaahi nofoʻa ʻoe fakamaau, ko e ngaahi nofoʻa ʻoe fale ʻo Tevita.
5For there are set thrones for judgment, the thrones of David’s house.
6Mou hūfia ke melino ʻa Selūsalema: “ʻE monūʻia ʻakinautolu ʻoku nau ʻofa kiate koe.
6Pray for the peace of Jerusalem. Those who love you will prosper.
7Ke ʻai ʻae melino ʻi ho ngaahi lotoʻā maka, mo e monūʻia ʻi ho ngaahi fale fakaʻeiʻeiki.”
7Peace be within your walls, and prosperity within your palaces.
8Pea koeʻuhi ko hoku ngaahi kāinga mo hoku ngaahi kaumeʻa, te u lea ni, “Ke ʻiate koe ʻae melino.”
8For my brothers’ and companions’ sakes, I will now say, “Peace be within you.”
9Koeʻuhi ko e fale ʻo Sihova ko hotau ʻOtua, te u kumi ke ke lelei ai.
9For the sake of the house of the LORD our God, I will seek your good.
Tip: use the ← and → keys to turn chapters.