Fwackyuk 8
Bible Mutal (Kosraean)Translation
Bible Mutal (Kosraean)
Chinese Union Version, punctuated (Traditional)
1Ke pacl se Lamb el kunausla sil akitkosr ah, inkusrao misla ke tafun ao ma.
1羔羊揭開第七印的時候，天上寂靜約有二刻。
2Na nga liye lipufan itkosr su tu ye mutun God — itukyang mwe ukuk itkosr nu selos.
2我看見那站在上帝面前的七位天使，有七枝號賜給他們。
3Ac sie pac lipufan el tuku tu ke loang uh. Oasr sie mwe neinyuk ma keng yorol, ma orekla ke gold. Itukyang nu sel mwe keng puspis in sisani nu ke pre lun mwet lun God nukewa, ac in kisakin fin mwe loang gold su oan mutun tron uh.
3另有一位天使，拿着金香爐來，站在祭壇旁邊。有許多香賜給他，要和眾聖徒的祈禱一同獻在寶座前的金壇上。
4Ac kulasr lun mwe keng uh, wi pre lun mwet lun God, sowak nu lucng liki poun lipufan su tu ye mutun God.
4那香的煙和眾聖徒的祈禱從天使的手中一同升到上帝面前。
5Na lipufan sac eisla ahlu se nein mwe keng uh, ac nwakla ke e liki loang uh, ac sisla nu fin faclu. Toko oasr ngirngir ac pusren pulahl, sarmelik lun sarom, ac faclu kusrusryak.
5天使拿着香爐，盛滿了壇上的火，倒在地上；隨有雷轟、大聲、閃電、地震。
6Na lipufan itkosr elos akola in ukya mwe ukuk itkosr natulos.
6拿着七枝號的七位天使就預備要吹。
7Lipufan se meet el ukya mwe ukuk natul. Toko, af yohk kosra ac e karkarak ke srah kahkla nu faclu. Sie tafu tolu faclu firiryak, ac sie tafu tolu ke sak firiryak, ac mah folfol nukewa firiryak.
7第一位天使吹號，就有雹子與火攙着血丟在地上；地的三分之一和樹的三分之一被燒了，一切的青草也被燒了。
8Na lipufan se akluo el ukya mwe ukuk natul. Ma se oana fineol na lulap soko firiryak ac sisila nu meoa. Sie tafu tolu lun meoa ekla nu ke srah,
8第二位天使吹號，就有彷彿火燒着的大山扔在海中；海的三分之一變成血，
9ac sie tafu tolu ke ma moul meoa misa, ac sie tafu tolu ke oak meoa uh kunausyukla.
9海中的活物死了三分之一，船隻也壞了三分之一。
10Na lipufan se aktolu el ukya mwe ukuk natul. Sie itu lulap, ma firir oana sie srokom in e, putatla liki acn lucng nu fin sie tafu tolu ke infacl ac nu fin unon in kof uh.
10第三位天使吹號，就有燒着的大星，好像火把從天上落下來，落在江河的三分之一和眾水的泉源上。
11(Inen itu sac pa “Mwen.”) Sie tafu tolu ke kof uh ekla mwen, ac mwet puspis misa ke elos nim, mweyen kof uh ekla mwen.
11（這星名叫「茵蔯」。）眾水的三分之一變為茵蔯，因水變苦，就死了許多人。
12Toko, lipufan se akakosr el ukya mwe ukuk natul. Na puokyuki sie tafu tolu ke faht, ac sie tafu tolu ke malem, ac sie tafu tolu ke itu, ouinge lohsrla sie tafu tolu in kalem lalos. Na wangin kalem ke sie tafu tolu ke len uh, ac wangin pac kalem ke sie tafu tolu ke fong uh.
12第四位天使吹號，日頭的三分之一、月亮的三分之一、星辰的三分之一都被擊打，以致日月星的三分之一黑暗了，白晝的三分之一沒有光，黑夜也是這樣。
13Na nga ngetak ac nga lohng pusren sie eagle sohksok oelucng yen engyeng uh ke el fahk, “We! Sensen! Sensen! We nu selos nukewa su muta faclu — pusren mwe ukuk lun lipufan tolu saya uh akuranna kasla!”
13我又看見一個鷹飛在空中，並聽見牠大聲說：「三位天使要吹那其餘的號。你們住在地上的民，禍哉！禍哉！禍哉！」
Tip: use the ← and → keys to turn chapters.