Ioba 26
Baibala Hemolele (Hawaiian Bible, 1868 revision)
Baibala Hemolele (Hawaiian Bible, 1868 revision)
1A LAILA olelo mai la o Ioba, i mai la,
1A LAILA olelo mai la o Ioba, i mai la,
2Pehea la oe i kokua mai ai i ka mea nawaliwali? A hooikaika mai hoi oe i ka lima ikaika ole?
2Pehea la oe i kokua mai ai i ka mea nawaliwali? A hooikaika mai hoi oe i ka lima ikaika ole?
3Pehea la oe i ao mai ai i ka mea ike ole? A hoike nui mai hoi oe i ka noeau?
3Pehea la oe i ao mai ai i ka mea ike ole? A hoike nui mai hoi oe i ka noeau?
4Ia wai anei oe i hai aku i na olelo? Nowai ka hanu i puka ae mai ou mai la?
4Ia wai anei oe i hai aku i na olelo? Nowai ka hanu i puka ae mai ou mai la?
5O na mea i make, ua haalulu lakou mai lalo mai, O na wai a me kolaila poe e noho ana.
5O na mea i make, ua haalulu lakou mai lalo mai, O na wai a me kolaila poe e noho ana.
6Ua ahuwale ka ka po imua ona, Aohe uhi no kahi o ka poe i make.
6Ua ahuwale ka ka po imua ona, Aohe uhi no kahi o ka poe i make.
7Ua hohola aku ia i ke kukuluakau maluna o ka neoneo, Ua kau aku i ka honua maluna o ka mea ole.
7Ua hohola aku ia i ke kukuluakau maluna o ka neoneo, Ua kau aku i ka honua maluna o ka mea ole.
8Ua hoopaa oia i na wai maloko o na ao ona, Aole i nahae ke ao malalo o lakou.
8Ua hoopaa oia i na wai maloko o na ao ona, Aole i nahae ke ao malalo o lakou.
9Ua uhi no ia i ke alo o kona nohoalii, Ua hohola aku i kona ao maluna ona.
9Ua uhi no ia i ke alo o kona nohoalii, Ua hohola aku i kona ao maluna ona.
10Ua hoopuni oia i na wai i ka palena, A hiki i kahi e pau ai ka malamalama iloko o ka pouli.
10Ua hoopuni oia i na wai i ka palena, A hiki i kahi e pau ai ka malamalama iloko o ka pouli.
11O na kia o ka lani ua haalulu, A weliweli hoi i kona papa ana mai.
11O na kia o ka lani ua haalulu, A weliweli hoi i kona papa ana mai.
12Ua hoomalielie oia i ke kai ma kona mana, A ma kona naauao, hahau iho ia i kona kiekie.
12Ua hoomalielie oia i ke kai ma kona mana, A ma kona naauao, hahau iho ia i kona kiekie.
13Ma kona Uhane ua hoonani oia i na lani; Na kona lima i hana i ka nahesa e lele ana.
13Ma kona Uhane ua hoonani oia i na lani; Na kona lima i hana i ka nahesa e lele ana.
14Aia hoi, oia kekahi mau mea o kona mau aoao; Nani hoi ka uuku o ka mea i loheia nona! A o ka hekili o kona mana owai la ka mea e ike pono?
14Aia hoi, oia kekahi mau mea o kona mau aoao; Nani hoi ka uuku o ka mea i loheia nona! A o ka hekili o kona mana owai la ka mea e ike pono?
Tip: use the ← and → keys to turn chapters.