Luc 2
Brezhoneg (Breton Gospels, 1827)Translation
Brezhoneg (Breton Gospels, 1827)
Douay-Rheims Bible, American Edition (1899)
1En amzer-se e voe embannet ul lezenn a-berzh Kezar-Aogust, evit ma vije graet ar gont eus tud ar bed holl.
1And it came to pass, that in those days there went out a decree from Caesar Augustus, that the whole world should be enrolled.
2Ar gont kentañ-se a voe graet e-pad ma oa Kiriniuz gouarner Siria.
2This enrolling was first made by Cyrinus, the governor of Syria.
3Dre-se an holl a yae evit lakaat o anv, pep hini en e gêr.
3And all went to be enrolled, every one into his own city.
4Jozef ivez a bignas eus Galilea da Judea, eus kêr Nazared da gêr David anvet Betlehem, dre ma oa eus tiegezh hag eus familh David,
4And Joseph also went up from Galilee, out of the city of Nazareth into Judea, to the city of David, which is called Bethlehem: because he was of the house and family of David,
5evit reiñ e anv gant Mari e wreg, hag a oa dougerez.
5To be enrolled with Mary his espoused wife, who was with child.
6E-pad ma oant eno, an amzer ma tlee gwilioudiñ a erruas,
6And it came to pass, that when they were there, her days were accomplished, that she should be delivered.
7hag e c'hanas he mab kentañ-ganet, hag e mailhuras anezhañ, hag e lakaas anezhañ en ur c'hraou, abalamour ne oa ket plas evito en ostaleri.
7And she brought forth her firstborn son, and wrapped him up in swaddling clothes, and laid him in a manger; because there was no room for them in the inn.
8Bez' e oa er memes korn-bro mêsaerien a gouske er parkeier, hag a ziwalle o loened e-pad beilhadennoù an noz.
8And there were in the same country shepherds watching, and keeping the night watches over their flock.
9Setu un ael eus an Aotrou en em ziskouezas dezho ha gloar an Aotrou a lugernas en-dro dezho, hag o devoe ur spont bras.
9And behold an angel of the Lord stood by them, and the brightness of God shone round about them; and they feared with a great fear.
10Neuze an ael a lavaras dezho: N'ho pet ket aon, rak setu e tegasan deoc'h ur c'heloù mat, a vo un abeg a levenez vras evit an holl bobl,
10And the angel said to them: Fear not; for, behold, I bring you good tidings of great joy, that shall be to all the people:
11rak ganet eo hiziv deoc'h, e kêr David, ur Salver, hag a zo ar C'hrist, an Aotrou.
11For, this day, is born to you a Saviour, who is Christ the Lord, in the city of David.
12Setu amañ ur sin deoc'h: c'hwi a gavo ur bugel bihan mailhuret ha gourvezet en ur c'hraou.
12And this shall be a sign unto you. You shall find the infant wrapped in swaddling clothes, and laid in a manger.
13Ha kerkent e voe gant an ael ul lod bras eus arme an neñv, o veuliñ hag o lavarout:
13And suddenly there was with the angel a multitude of the heavenly army, praising God, and saying:
14Gloar da Zoue el lec'hioù uhel-meurbet, ha peoc'h war an douar e-touez an dud karet gantañ!
14Glory to God in the highest; and on earth peace to men of good will.
15Pa voe en em dennet an aeled diganto en neñv, ar vêsaerien a lavaras an eil d'egile: Deomp eta betek Betlehem, ha gwelomp ar pezh a zo c'hoarvezet, hag en deus an Aotrou roet da anavezout deomp.
15And it came to pass, after the angels departed from them into heaven, the shepherds said one to another: Let us go over to Bethlehem, and let us see this word that is come to pass, which the Lord hath shewed to us.
16Mont a rejont eta buan di, hag e kavjont Mari, Jozef hag ar bugel bihan a oa gourvezet er c'hraou.
16And they came with haste; and they found Mary and Joseph, and the infant lying in the manger.
17O vezañ e welet, e tisklêrjont ar pezh a oa bet lavaret dezho diwar-benn ar bugel bihan-se.
17And seeing, they understood of the word that had been spoken to them concerning this child.
18An holl re o c'hleve a oa souezhet bras eus ar pezh a oa bet lavaret dezho gant ar vêsaerien.
18And all that heard, wondered; and at those things that were told them by the shepherds.
19Mari a vire an holl draoù-se, o tistremen anezho en he c'halon.
19But Mary kept all these words, pondering them in her heart.
20Hag ar vêsaerien a zistroas, en ur reiñ gloar ha meuleudi da Zoue, evit kement o devoa klevet ha gwelet, hervez ma oa bet lavaret dezho.
20And the shepherds returned, glorifying and praising God, for all the things they had heard and seen, as it was told unto them.
21Pa voe deuet an eizhvet devezh evit amdroc'hañ ar bugel, e voe galvet JEZUZ, anv a oa bet roet dezhañ gant an ael, a-raok ma oa koñsevet e kof e vamm.
21And after eight days were accomplished, that the child should be circumcised, his name was called JESUS, which was called by the angel, before he was conceived in the womb.
22Ha pa voe deuet, hervez lezenn Moizez, an deizioù dezho da vezañ glanaet, e voe kaset ar bugel da Jeruzalem, evit e ginnig d'an Aotrou
22And after the days of her purification, according to the law of Moses, were accomplished, they carried him to Jerusalem, to present him to the Lord:
23(hervez ma'z eo skrivet e lezenn an Aotrou: Pep paotr kentañ-ganet a vo gouestlet da Zoue),
23As it is written in the law of the Lord: Every male opening the womb shall be called holy to the Lord:
24hag evit kinnig en aberzh, hervez ar pezh a zo skrivet e lezenn an Aotrou, ur re durzhunelled, pe ziv goulmig.
24And to offer a sacrifice, according as it is written in the law of the Lord, a pair of turtledoves, or two young pigeons:
25Bez' e oa e Jeruzalem un den anvet Simeon; an den-se a oa reizh hag a zouje Doue; gortoz a rae frealz Israel, hag ar Spered-Santel a oa warnañ.
25And behold there was a man in Jerusalem named Simeon, and this man was just and devout, waiting for the consolation of Israel; and the Holy Ghost was in him.
26Disklêriet e voe dezhañ a-berzh Doue dre ar Spered-Santel, penaos ne varvje ket, a-raok m'en dije gwelet Krist an Aotrou.
26And he had received an answer from the Holy Ghost, that he should not see death, before he had seen the Christ of the Lord.
27Dont a reas en templ dre ar Spered, hag evel ma oa an tad hag ar vamm o tegas ar bugel bihan Jezuz, evit ober en e geñver hervez giz al lezenn,
27And he came by the Spirit into the temple. And when his parents brought in the child Jesus, to do for him according to the custom of the law,
28e kemeras anezhañ etre e zivrec'h, hag e veulas Doue, o lavarout:
28He also took him into his arms, and blessed God, and said:
29Aotrou, laosk bremañ da servijer da vont e peoc'h, hervez da c'her,
29Now thou dost dismiss thy servant, O Lord, according to thy word in peace;
30rak va daoulagad o deus gwelet da silvidigezh,
30Because my eyes have seen thy salvation,
31an hini ac'h eus graet dirak an holl bobloù,
31Which thou hast prepared before the face of all peoples:
32ar sklêrijenn a dle sklaeriañ an holl dud, ha gloar da bobl Israel.
32A light to the revelation of the Gentiles, and the glory of thy people Israel.
33Ha Jozef hag e vamm a oa souezhet eus an traoù a lavared anezhañ.
33And his father and mother were wondering at those things which were spoken concerning him.
34Simeon o bennigas, hag a lavaras da Vari, e vamm: Setu, ar bugel-se a zo lakaet da vezañ kouezhadenn hag adsavidigezh evit kalz en Israel, ha da vezañ ur sin eus enebiezh,
34And Simeon blessed them, and said to Mary his mother: Behold this child is set for the fall, and for the resurrection of many in Israel, and for a sign which shall be contradicted;
35en hevelep doare ma vo soñjezonoù kalon kalz dizoloet; hag evidout-te, ur c'hleze a dreuzo da ene.
35And thy own soul a sword shall pierce, that, out of many hearts, thoughts may be revealed.
36Bez' e oa ivez eno Anna ar brofedez, merc'h Fanuel, eus meuriad Aser; oadet bras e oa, hag he devoa bevet gant he fried seizh vloaz, abaoe he gwerc'hded.
36And there was one Anna, a prophetess, the daughter of Phanuel, of the tribe of Aser; she was far advanced in years, and had lived with her husband seven years from her virginity.
37Chomet e oa intañvez, oadet a bevar bloaz ha pevar ugent pe war-dro, n'ae ket er-maez eus an templ, o servijañ Doue noz-deiz er yunoù hag er pedennoù.
37And she was a widow until fourscore and four years; who departed not from the temple, by fastings and prayers serving night and day.
38O vezañ deuet d'an eur-mañ, e veule ivez an Aotrou, hag e komze diwar-benn Jezuz ouzh an holl dud eus Jeruzalem a c'hortoze an daspren.
38Now she, at the same hour, coming in, confessed to the Lord; and spoke of him to all that looked for the redemption of Israel.
39Goude m'o devoe graet pep tra hervez lezenn an Aotrou, e tistrojont e Galilea, da Nazared, o c'hêr.
39And after they had performed all things according to the law of the Lord, they returned into Galilee, to their city Nazareth.
40Hag ar bugel a greske hag en em nerzhe [e spered], o vezañ leuniet a furnez; ha gras Doue a oa warnañ.
40And the child grew, and waxed strong, full of wisdom; and the grace of God was in him.
41E dad hag e vamm a yae beb bloaz da Jeruzalem, da c'houel ar Pask.
41And his parents went every year to Jerusalem, at the solemn day of the pasch,
42P'en devoe Jezuz daouzek vloaz, e pignjont da Jeruzalem, hervez giz ar gouel.
42And when he was twelve years old, they going up into Jerusalem, according to the custom of the feast,
43Pa voe deizioù ar gouel tremenet, evel ma tistroent ac'hane, ar bugel Jezuz a chomas e Jeruzalem; Jozef hag e vamm n'anavezjont ket-se.
43And having fulfilled the days, when they returned, the child Jesus remained in Jerusalem; and his parents knew it not.
44Met, o soñjal e oa en o zouez, e valejont un devezh; neuze e klaskjont anezhañ e-touez o c'herent hag ar re eus o anaoudegezh;
44And thinking that he was in the company, they came a day’s journey, and sought him among their kinsfolks and acquaintance.
45pa n'en kavent ket, e tistrojont da Jeruzalem d'e glask.
45And not finding him, they returned into Jerusalem, seeking him.
46Hag a-benn tri devezh e kavjont anezhañ en templ, azezet e-touez an doktored, o selaou anezho hag oc'h ober goulennoù outo.
46And it came to pass, that, after three days, they found him in the temple, sitting in the midst of the doctors, hearing them, and asking them questions.
47Kement hini a gleve anezhañ a oa souezhet gant e furnez hag e respontoù.
47And all that heard him were astonished at his wisdom and his answers.
48Pa welas e dud anezhañ, e voent souezhet, hag e vamm a lavaras dezhañ: Va bugel, perak ec'h eus graet evel-se deomp? Setu, da dad ha me, en glac'har, a glaske ac'hanout.
48And seeing him, they wondered. And his mother said to him: Son, why hast thou done so to us? behold thy father and I have sought thee sorrowing.
49Eñ a lavaras dezho: Perak em c'hlaskec'h? N'ouiec'h ket eo ret din bezañ dalc'het gant labourioù va Zad?
49And he said to them: How is it that you sought me? did you not know, that I must be about my father’s business?
50Met int ne gomprenjont ket ar pezh a lavare dezho.
50And they understood not the word that he spoke unto them.
51Mont a reas neuze ganto hag e teuas da Nazared, hag e touje dezho. E vamm a vire an holl draoù-se en he c'halon.
51And he went down with them, and came to Nazareth, and was subject to them. And his mother kept all these words in her heart.
52Jezuz a greske e furnez, e ment, hag e gras, dirak Doue ha dirak an dud.
52And Jesus advanced in wisdom, and age, and grace with God and men.
Tip: use the ← and → keys to turn chapters.