Lea Fakatātā 21
Tongan Bible, Revised West VersionTranslation
Tongan Bible, Revised West Version
JPS Tanakh (Jewish Publication Society, 1917)
1ʻOku ʻi he nima ʻo Sihova ʻae loto ʻoe tuʻi, ʻo hangē ko e vai ʻoe ngaahi vaitafe: he ʻoku ne fefakatafoki ʻaki ia ko ʻene faʻiteliha ʻaʻana.
1The king's heart is in the hand of the LORD as the watercourses: He turneth it whithersoever He will.
2ʻOku matamata totonu ʻae hala kotoa pē ʻoe tangata ki hono mata ʻoʻona: ka ʻoku ʻahiʻahiʻi ʻe Sihova ʻae loto.
2Every way of a man is right in his own eyes; but the LORD weigheth the hearts.
3Ko e fai totonu mo e fakamaau, ʻoku lelei hake ia kia Sihova ʻi he feilaulau.
3To do righteousness and justice is more acceptable to the LORD than sacrifice.
4Ko e mata ʻoku fieʻeiki, mo e loto fielahi, pea mo e keli ʻae kakai angakovi, ko e angahala ia.
4A haughty look, and a proud heart — the tillage of the wicked is sin.
5ʻOku tupu ʻae mahu ʻi he fakakaukau ʻae faʻa ngāue; ka ko e masiva pe kiate ia ʻoku fai fakavavevave noa pe.
5The thoughts of the diligent tend only to plenteousness; but every one that is hasty hasteth only to want.
6Ko e maʻu ʻae koloa lahi ʻaki ʻae ʻelelo loi, ko e vaʻinga ia ʻoku vilingia fano ʻiate kinautolu ʻoku kumi ki he mate.
6The getting of treasures by a lying tongue is a vapour driven to and fro; they that seek them seek death.
7Ko e kaihaʻa ʻae kakai angakovi ʻe ʻauha ai ʻakinautolu; koeʻuhi ʻoku ʻikai te nau loto ki he fai totonu.
7The violence of the wicked shall drag them away; because they refuse to do justly.
8ʻOku pikopiko mo ʻalu kehe ʻae hala ʻoe tangata: ka ʻoku totonu ʻae ngāue ʻaʻana ʻoku loto maʻa.
8The way of man is froward and strange; but as for the pure, his work is right.
9ʻOku lelei hake ʻae nofo ki he tuliki ʻi ha tuʻafale, ʻi he nofo ʻi loto fale mo ha fefine ʻoku faʻa kē.
9It is better to dwell in a corner of the housetop, than in a house in common with a contentious woman.
10ʻOku holi ki he kovi ʻae laumālie ʻoe angahala: pea ʻoku ʻikai maʻu ha lelei ʻe hono kaungāʻapi ʻi hono ʻao.
10The soul of the wicked desireth evil; his neighbour findeth no favour in his eyes.
11ʻOka tautea ʻaia ʻoku faʻa manuki, ʻe poto ai ʻae vale: pea ka akonekina ʻae poto, ʻoku ne maʻu ai ʻae ʻilo.
11When the scorner is punished, the thoughtless is made wise; and when the wise is instructed, he receiveth knowledge.
12ʻOku fakakaukau poto ʻae tangata māʻoniʻoni ki he fale ʻoe angahala: pea ʻoku lī ki lalo ʻae angahala ʻe he ʻOtua koeʻuhi ko ʻene angahala.
12The Righteous One considereth the house of the wicked; overthrowing the wicked to their ruin.
13Ko ia ʻe tāpuni hono telinga ki he tangi ʻae masiva ʻe tangi foki ia, ka ʻe ʻikai ongoʻi ʻe ha taha.
13Whoso stoppeth his ears at the cry of the poor, he also shall cry himself, but shall not be answered.
14ʻOku lolomi ʻae ʻita ʻoka ʻatu fufū ha meʻa foaki: pea ʻoku taʻofi ʻe he totongi fufū ʻae houhau lahi.
14A gift in secret pacifieth anger, and a present in the bosom strong wrath.
15Ko e fakamaau ko e fiefiaʻanga ia ʻoe māʻoniʻoni: ka ʻe hoko ʻae fakaʻauha ki he fai kovi.
15To do justly is joy to the righteous, but ruin to the workers of iniquity.
16ʻE nofomaʻu ʻi he fakatahaʻanga ʻoe kakai mate, ʻae tangata ko ia ʻoku hē mei he hala ʻoe poto.
16The man that strayeth out of the way of understanding shall rest in the congregation of the shades.
17Ko ia ʻoku manako ki he vaʻinga ʻe hoko ia ko e tangata masiva: ʻe ʻikai koloaʻia ia ʻaia ʻoku manako ki he kava mo e lolo.
17He that loveth pleasure shall be a poor man; he that loveth wine and oil shall not be rich.
18ʻE fetongi ʻe he angahala ʻae māʻoniʻoni, pea mo ia ʻoku fai kovi ʻae angatonu.
18The wicked is a ransom for the righteous; and the faithless cometh in the stead of the upright.
19ʻOku lelei hake ʻae nofo ʻi he toafa, ʻi he nonofo mo ha fefine faʻa kē mo faʻa ʻita.
19It is better to dwell in a desert land, than with a contentious and fretful woman.
20ʻOku ai ʻae koloa ke manako ki ai, pea mo e lolo ʻi he fale ʻoe poto; ka ʻoku fakaʻosi noa pe ia ʻe he tangata vale.
20There is desirable treasure and oil in the dwelling of the wise; but a foolish man swalloweth it up.
21Ko ia ʻoku tulituli pau ki he māʻoniʻoni mo e ʻaloʻofa te ne maʻu ʻae moʻui, mo e māʻoniʻoni, pea mo e ongolelei.
21He that followeth after righteousness and mercy findeth life, prosperity, and honour.
22ʻOku kaka ʻe he tangata poto ʻae ʻā ʻoe kolo ʻae mālohi, ʻo ne maumauʻi hono mālohi mo ene viki.
22A wise man scaleth the city of the mighty, and bringeth down the stronghold wherein it trusteth.
23Ko ia ʻoku tauhi hono ngutu mo hono ʻelelo, ʻoku fakahaofi ʻe ia hono laumālie mei he ngaahi mamahi.
23Whoso keepeth his mouth and his tongue keepeth his soul from troubles.
24Ko fielahi mo manuki fieʻeiki, ko e hingoa ia ʻoʻona ʻoku faʻa ʻita ʻi he laukau.
24A proud and haughty man, scorner is his name, even he that dealeth in overbearing pride.
25Ko e holi ʻae fakapikopiko ʻe mate ai ia; he ʻoku fakafisi hono nima ki he ngāue.
25The desire of the slothful killeth him; for his hands refuse to labour.
26ʻOku manumanu ʻaupito ia ʻi he ʻaho ʻo poʻuli: ka ʻoku faʻa foaki ʻae māʻoniʻoni ʻo ʻikai te ne faʻa taʻofia ia.
26There is that coveteth greedily all the day long; but the righteous giveth and spareth not.
27Ko e meʻa fakalielia ʻae feilaulau ʻae angahala: kae huanoa ʻi hono ʻomi ia mo e loto kovi!
27The sacrifice of the wicked is an abomination; how much more, when he bringeth it with the proceeds of wickedness?
28ʻE ʻauha ʻae fakamoʻoni loi: ka ko e tangata ʻoku faʻa fakafanongo ʻoku lea maau ia.
28A false witness shall perish; but the man that obeyeth shall speak unchallenged.
29ʻOku fakafefeka ʻe he tangata angakovi ʻa hono mata: ka ʻoku fakakaukau ʻe he angatonu ki hono hala.
29A wicked man hardeneth his face; but as for the upright, he looketh well to his way.
30ʻOku ʻikai ha poto pe ha fakakaukau, pe ha tuʻutuʻuni ʻe faʻa tuʻu kia Sihova.
30There is no wisdom nor understanding nor counsel against the LORD.
31ʻOku teuteu ʻae hoosi ki he ʻaho ʻoe tau: ka ʻoku meia Sihova ʻae faʻa ikuna.
31The horse is prepared against the day of battle; but victory is of the LORD.
Tip: use the ← and → keys to turn chapters.