Mātiu 28
Tongan Bible, Revised West VersionTranslation
Tongan Bible, Revised West Version
Chinese Union Version, punctuated (Traditional)
1Pea kuo hili ʻae Sāpate, pea kamata hoko ʻae ʻuluaki ʻaho ʻoe uike, mo ʻene omi ʻa Mele Makitaline, mo e Mele ʻe taha, ke vakai ki he fonualoto.
1安息日將盡，七日的頭一日，天快亮的時候， 抹大拉 的 馬利亞 和那個 馬利亞 來看墳墓。
2Pea ʻiloange, naʻe mofuike lahi: he naʻe ʻalu hifo ʻae ʻāngelo ʻae ʻEiki mei he langi, pea ne filifilihi ʻae maka mei he matapā, pea hekeheka ai.
2忽然，地大震動；因為有主的使者從天上下來，把石頭滾開，坐在上面。
3Naʻe tatau hono mata mo e ʻuhila, pea hinehina hono kofu ʻo hangē ko e ʻuha hinehina.
3他的相貌如同閃電，衣服潔白如雪。
4Pea naʻe tetetete ʻae kau leʻo ʻi he manavahē kiate ia, ʻonau liliu ʻo hangē ko e kau mate.
4看守的人就因他嚇得渾身亂戰，甚至和死人一樣。
5Pea lea ʻae ʻāngelo ki he ongo fafine, ʻo pehēange, “ʻOua naʻa mo manavahē ʻakimoua: he ʻoku ou ʻilo ʻoku mo kumi ʻa Sisu, ʻaia naʻe tutuki ki he ʻakau.
5天使對婦女說：「不要害怕！我知道你們是尋找那釘十字架的耶穌。
6ʻOku ʻikai ʻi heni ia: he kuo toetuʻu, ʻo hangē ko ʻene lea. Mo omi, ʻo mamata ki he potu naʻe tokoto ai ʻae ʻEiki.
6他不在這裏，照他所說的，已經復活了。你們來看安放主的地方。
7Pea mo ō ke vave, ʻo tala ki heʻene kau ākonga ‘kuo toetuʻu ia mei he mate; pea vakai, ʻoku ʻalu muʻomuʻa ia ʻiate kimoutolu ki Kaleli: te mou mamata kiate ia ʻi ai:’ vakai, kuo u tala ia kiate kimoua.”
7快去告訴他的門徒，說他從死裏復活了，並且在你們以先往 加利利 去，在那裏你們要見他。看哪，我已經告訴你們了。」
8Pea ne na ō leva mei he fonualoto, ʻi he manavahē mo e fiefia lahi, ʻo na feleleʻi ke fakahā mai ki heʻene kau ākonga.
8婦女們就急忙離開墳墓，又害怕，又大大地歡喜，跑去要報給他的門徒。
9¶ Pea ʻi heʻena ʻalu ke tala ki heʻene kau ākonga, ʻiloange, kuo fakafetaulaki mai ʻa Sisu kiate kinaua, ʻo ne pehē, “Siʻotoʻofa.” Pea naʻa na omi ʻo puke hono vaʻe, ʻo hū kiate ia.
9忽然，耶穌遇見她們，說：「願你們平安！」她們就上前抱住他的腳拜他。
10Pea toki pehē ai ʻe Sisu kiate kinaua, “ʻOua ʻe manavahē: ʻalu ʻo tala ki hoku ngaahi kāinga ke nau ʻalu ki Kaleli, pea te nau mamata ai kiate au.”
10耶穌對她們說：「不要害怕！你們去告訴我的弟兄，叫他們往 加利利 去，在那裏必見我。」
11¶ Pea ʻi heʻena ō, vakai, naʻe haʻu ki he kolo ʻae niʻihi ʻoe kau leʻo, ʻo fakahā ki he kau taulaʻeiki lahi ʻae ngaahi meʻa kotoa pē kuo fai.
11她們去的時候，看守的兵有幾個進城去，將所經歷的事都報給祭司長。
12Pea kuo fakataha ʻakinautolu mo e kau mātuʻa, pea hili ʻenau fakakaukau, naʻa nau ʻoatu ʻae ngaahi paʻanga lahi ki he kau tau,
12祭司長和長老聚集商議，就拿許多銀錢給兵丁，說：
13ʻonau pehē, “Mou lea, ʻo pehē , ‘Naʻe haʻu ʻene kau ākonga ʻi he pō, ʻo kaihaʻasi ia lolotonga ʻemau mohe.’
13「你們要這樣說：『夜間我們睡覺的時候，他的門徒來，把他偷去了。』
14Pea kapau ʻe ongo atu ʻae meʻa ni ki he pule, te mau fakalotoʻi ia, kae maluʻi ʻakimoutolu.”
14倘若這話被巡撫聽見，有我們勸他，保你們無事。」
15Ko ia naʻa nau toʻo ai ʻae ngaahi paʻanga, ʻonau fai ʻo hangē ko hono akonekina ʻakinautolu: pea ʻoku maʻu ʻae tala ni ʻi he kakai Siu ʻo aʻu ki he ʻaho ni.
15兵丁受了銀錢，就照所囑咐他們的去行。這話就傳說在 猶太 人中間，直到今日。
16¶ Pea naʻe ʻalu ai ʻae kau ākonga ʻe toko hongofulu ma tokotaha ki Kaleli, ki he moʻunga ʻaia naʻe fakahā ʻe Sisu kiate kinautolu.
16十一個門徒往 加利利 去，到了耶穌約定的山上。
17Pea kuo nau mamata kiate ia, pea nau hū kiate ia: ka naʻe fakataʻetaʻetui ʻae niʻihi.
17他們見了耶穌就拜他，然而還有人疑惑。
18Pea haʻu ʻa Sisu ʻo lea kiate kinautolu, ʻo pehē, “Kuo tuku kiate au ʻae mālohi kotoa pē ʻi he langi mo māmani.
18耶穌進前來，對他們說：「天上地下所有的權柄都賜給我了。
19Ko ia ke ʻalu ʻakimoutolu, ʻo fakalotuʻi ʻae ngaahi puleʻanga kotoa pē, ʻo papitaiso ʻakinautolu ʻi he huafa ʻoe Tamai, mo e ʻAlo, mo e Laumālie Māʻoniʻoni:
19所以，你們要去，使萬民作我的門徒，奉父、子、聖靈的名給他們施洗 。
20ʻO akonaki atu kiate kinautolu ke nau tokanga ki he ngaahi meʻa kotoa pē ʻaia kuo u fekau kiate kimoutolu: pea vakai, ʻoku ou ʻiate kimoutolu maʻuaipē, ʻo aʻu ki he ngataʻanga ʻo māmani.” ʻEmeni.
20凡我所吩咐你們的，都教訓他們遵守，我就常與你們同在，直到世界的末了。」
Tip: use the ← and → keys to turn chapters.