ʻEkisotosi 20
Tongan Bible, Revised West VersionTranslation
Tongan Bible, Revised West Version
Bíblia Portuguesa Mundial (Brazilian Portuguese)
1Pea naʻe folofolaʻaki ʻe he ʻOtua ʻae ngaahi folofola ni kotoa pē, ʻo pehē,
1Deus falou todas estas palavras, dizendo:
2“Ko au ko Sihova ko homou ʻOtua, kuo u ʻomi koe mei he fonua ko ʻIsipite, mei he fale ʻoe pōpula.
2“Eu sou o SENHOR, o seu Deus, que o tirou da terra do Egito, da casa da escravidão.
3“ʻOua naʻa ke maʻu mo au ha ʻotua kehe ʻi hoku ʻao.
3“Você não terá outros deuses diante de mim.
4“ʻOua naʻa ke ngaohi kiate koe ha fakatātā, pe ha meʻa fakatatau ʻe taha ʻi ha meʻa ʻi he langi ʻi ʻolunga, pe ha meʻa ʻoku ʻi he fonua ʻi lalo ni, pe ki ha meʻa ʻoku ʻi he vai ʻi he lalo fonua:
4“Você não fará para si nenhum ídolo, nem imagem alguma de qualquer coisa que está nos céus em cima, ou que está na terra embaixo, ou que está nas águas debaixo da terra:
5“ʻOua naʻa ke punou hifo koe kiate kinautolu, pe tauhi ki ai: he ko au Sihova ko ho ʻOtua ko e ʻOtua fuaʻa au, ʻoku ou totongi ʻae hia ʻae ngaahi tamai ki he fānau, ʻo aʻu ki hono tolu mo hono fā ʻoe toʻutangata ʻokinautolu ʻoku fehiʻa kiate au;
5você não se prostrará diante deles, nem os servirá, pois eu, o SENHOR, o seu Deus, sou Deus zeloso, que visito a iniquidade dos pais nos filhos, na terceira e na quarta geração daqueles que me odeiam,
6Pea u fakahā ʻae ʻaloʻofa ki he ngaahi toko afe ʻokinautolu ʻoku ʻofa kiate au mo tauhi ʻeku ngaahi fekau.
6e mostro bondade amorosa a milhares daqueles que me amam e guardam os meus mandamentos.
7“ʻOua naʻa ke takuanoa ʻae huafa ʻo Sihova ko ho ʻOtua; koeʻuhi ʻe ʻikai lau ʻe Sihova ko e taʻehalaia ia, ʻaia ʻoku ne takuanoa hono huafa.
7“Você não fará mau uso do nome do SENHOR seu Deus, pois o SENHOR não deixará impune aquele que fizer mau uso do seu nome.
8“Manatu ki he ʻaho Sāpate, ke tauhi ia ke māʻoniʻoni.
8“Lembre-se do dia de sábado, para santificá-lo.
9Ko e ʻaho ʻe ono ke ke ngāue ai, ʻo fai ai hoʻo ngāue kotoa pē:
9Você trabalhará seis dias, e fará toda a sua obra,
10Ka ko hono fitu ʻoe ʻaho ko e Sāpate ia ʻo Sihova ko ho ʻOtua: ʻoua naʻa ke fai ʻi ai ha ngāue ʻe taha, ʻa koe, pe ko ho foha, pe ko ho ʻofefine, ko hoʻo tamaioʻeiki, pe ko hoʻo kaunanga, pe ko hoʻo fanga manu, pe ko e muli ʻoku nofo ʻi ho lotoʻā;
10mas o sétimo dia é o sábado para o SENHOR, o seu Deus. Você não fará nenhum trabalho nele, nem você, nem o seu filho, nem a sua filha, nem o seu servo, nem a sua serva, nem os seus animais, nem o estrangeiro que está dentro das suas portas;
11He naʻe ngaohi ʻe Sihova ʻi he ʻaho ʻe ono, ʻae langi, mo e fonua, mo e tahi, mo e ngaahi meʻa kotoa pē ʻoku ʻi ai, pea ne mālōlō ʻi hono fitu ʻoe ʻaho: ko ia naʻe tāpuakiʻi ai ʻe Sihova ʻae ʻaho Sāpate ʻo ne fakatapui ia.
11pois em seis dias o SENHOR fez os céus e a terra, o mar e tudo o que neles há, e descansou no sétimo dia; portanto, o SENHOR abençoou o dia de sábado e o santificou.
12“Fakaʻapaʻapa ki hoʻo tamai mo hoʻo faʻē: koeʻuhi ke fuoloa ho ngaahi ʻaho ʻi he fonua ʻoku foaki ʻe Sihova ko ho ʻOtua kiate koe.
12“Honre o seu pai e a sua mãe, para que os seus dias se prolonguem na terra que o SENHOR, o seu Deus, lhe dá.
13“ʻOua naʻa ke fakapō.
13“Você não matará.
14“ʻOua naʻa ke tono fefine.
14“Você não cometerá adultério.
15“ʻOua naʻa ke kaihaʻa.
15“Você não furtará.
16ʻOua naʻa ke tukuakiʻi ʻa ho kaungāʻapi.
16“Você não dará falso testemunho contra o seu próximo.
17“ʻOua naʻa ke manumanu ki he fale ʻo ho kaungāʻapi, ʻoua naʻa ke manumanu ki he mali ʻo ho kaungāʻapi, pe ki heʻene tamaioʻeiki, pe ki heʻene kaunanga, pe ki heʻene fanga pulu, pe ki heʻene asi, pe ki ha meʻa ʻe taha ʻoku ʻa ho kaungāʻapi.
17“Você não cobiçará a casa do seu próximo. Você não cobiçará a mulher do seu próximo, nem o seu servo, nem a sua serva, nem o seu boi, nem o seu jumento, nem coisa alguma que pertença ao seu próximo.”
18¶ Pea naʻe mamata ʻae kakai kotoa pē ki he ngaahi mana, mo e ngaahi ʻuhila, mo e longoaʻa lahi ʻoe meʻa lea, mo e kohu ʻoe moʻunga: pea ʻi heʻenau mamata ki ai, naʻa nau holomui, ʻo tuʻu mai mei he mamaʻo.
18Todo o povo percebeu os trovões, os relâmpagos, o som da trombeta e a montanha fumegando. Quando o povo viu isso, tremeu e ficou a distância.
19Pea naʻa nau lea kia Mōsese, “Ke ke lea koe kiate kimautolu, pea te mau tokanga ki ai: kaeʻoua naʻa folofola ʻae ʻOtua kiate kimautolu, telia naʻa mau mate.
19Eles disseram a Moisés: “Fale você mesmo conosco, e nós ouviremos; mas não deixe que Deus fale conosco, para que não morramos.”
20Pea talaange ʻe Mōsese ki he kakai, “ʻOua ʻe manavahē; he kuo hāʻele mai ʻae ʻOtua, ko homou ʻahiʻahiʻi, pea ke ʻi homou ʻao ʻene manavahē, ke ʻoua naʻa mou fai angahala.”
20Moisés disse ao povo: “Não tenham medo, pois Deus veio para prová-los, e para que o temor dele esteja diante de vocês, a fim de que não pequem.”
21Pea naʻe tuʻu ʻae kakai mei he mamaʻo, pea ʻunuʻunu atu ʻa Mōsese ki he poʻuli matolu, ʻaia naʻe ʻafio ai ʻae ʻOtua.
21O povo ficou a distância, e Moisés se aproximou da densa escuridão onde Deus estava.
22¶ Pea naʻe folofola ʻa Sihova kia Mōsese, “Ke ke lea ki he fānau ʻa ʻIsileli, ʻo pehē, Kuo mou mamata ki heʻeku lea kiate kimoutolu mei langi.
22O SENHOR disse a Moisés: “Isto é o que você dirá aos filhos de Israel: 'Vocês mesmos viram que eu falei com vocês do céu.
23ʻOua naʻa mou ngaohi ke fakalahi ʻaki au ha ngaahi ʻotua siliva, pea ʻoua naʻa mou ngaohi kiate kimoutolu ʻae ngaahi ʻotua koula.
23Certamente vocês não farão deuses de prata ou deuses de ouro para si mesmos, para estarem ao meu lado.
24¶ Ke ke ngaohi ʻae feilaulauʻanga kelekele kiate au, pea ke fai ai hoʻo ngaahi feilaulau tutu, mo hoʻo ngaahi feilaulau fakalelei, ʻa hoʻo fanga sipi, mo e fanga pulu: pea ʻi he potu kotoa pē ʻoku ou fakahā ai hoku huafa, te u haʻu ai kiate koe, pea te u tāpuakiʻi koe.
24Vocês farão um altar de terra para mim, e sacrificarão sobre ele os seus holocaustos e as suas ofertas pacíficas, as suas ovelhas e o seu gado. Em todo lugar onde eu registrar o meu nome, virei a vocês e os abençoarei.
25Pea kapau ʻoku ke fie ngaohi kiate au ʻae feilaulauʻanga maka, ʻoua naʻa ke ngaohi ʻaki ia ʻae maka kuo tā: he kapau te ke hiki ki ai ha toki, kuo ke ʻuliʻi ia.
25Se vocês me fizerem um altar de pedra, não o construirão de pedras lavradas; pois se levantarem a sua ferramenta sobre ele, vocês o profanarão.
26Pea ʻoua naʻa ke ʻalu hake ʻi ha tuʻunga ki hoku feilaulauʻanga, telia naʻa ʻiloʻi ai hoʻo telefua.
26Vocês não subirão por degraus ao meu altar, para que a sua nudez não seja exposta sobre ele.'”
Tip: use the ← and → keys to turn chapters.