Proverbs 29
JPS Tanakh (Jewish Publication Society, 1917)
Tongan Bible, Revised West Version
1He that being often reproved hardeneth his neck shall suddenly be broken, and that without remedy.
1Ko ia kuo liunga lahi hono valokiʻi kae fakakekeva ʻe ia hono kia, ʻe fakaʻauha fakafokifā ia, pea ʻe ʻikai ha fakamoʻui ki ai.
2When the righteous are increased, the people rejoice; but when the wicked beareth rule, the people sigh.
2ʻOka pule ʻae māʻoniʻoni ʻoku fiefia ai ʻae kakai: ka ʻoka maʻu ʻae pule ʻe he angahala ʻoku mamahi ai ʻae kakai.
3Whoso loveth wisdom rejoiceth his father; but he that keepeth company with harlots wasteth his substance.
3Ko ia ʻoku manako ki he poto ʻoku ne fakafiefiaʻi ʻa ʻene tamai: ka ʻoku maumauʻi ʻene koloa ʻe ia ʻoku kaumeʻa mo e kau faʻa feʻauaki.
4The king by justice establisheth the land; but he that exacteth gifts overthroweth it.
4Ko e meʻa ʻi he fakamaau totonu ʻae tuʻi ʻoku fokotuʻumaʻu ai ʻae fonua: ka ko ia ʻoku ne faʻa maʻu ʻae ngaahi foaki ʻoku ne fakamalaʻia ia.
5A man that flattereth his neighbour spreadeth a net for his steps.
5Ko e tangata ko ia ʻoku lea lapu ki hono kaungāʻapi, ʻoku ʻaʻau ʻe ia ʻae kupenga ki hono vaʻe.
6In the transgression of an evil man there is a snare; but the righteous doth sing and rejoice.
6Ko e fai angahala ʻae tangata angakovi ko e tauhele ia: ka ʻoku hiva mo fiefia ʻae māʻoniʻoni.
7The righteous taketh knowledge of the cause of the poor; the wicked understandeth not knowledge.
7ʻOku tokanga ʻae māʻoniʻoni ki he masiva: ka ʻoku ʻikai tokanga ʻae angakovi ke ʻiloʻi ia.
8Scornful men set a city in a blaze; but wise men turn away wrath.
8ʻOku tutu ʻae kolo ʻe he kau tangata manuki; ka ʻoku taʻofi atu ʻae houhau ʻe he kakai poto.
9If a wise man contendeth with a foolish man, whether he be angry or laugh, there will be no rest.
9Kapau ʻoku fakakikihi ʻae tangata poto mo ha tangata vale, neongo ʻene lili pe kata, ʻe ʻikai ha fiemālie ʻe tupu ai.
10The men of blood hate him that is sincere; and as for the upright, they seek his life.
10ʻOku fehiʻa ki he angatonu ʻaia ʻoku fieinu ki he toto: ka ʻoku kumi hono laumālie ʻe he māʻoniʻoni.
11A fool spendeth all his spirit; but a wise man stilleth it within him.
11ʻOku fakahā ʻe he vale ʻa hono loto kotoa pē: ka ʻoku fakalaulauloto ʻe he poto ki he ʻamui:
12If a ruler hearkeneth to falsehood, all his servants are wicked.
12Kapau ʻoku faʻa tokanga ʻaia ʻoku pule ki he ngaahi loi, ʻe hoko ʻo kovi ʻa ʻene kau tamaioʻeiki kotoa pē.
13The poor man and the oppressor meet together; the LORD giveth light to the eyes of them both.
13ʻOku faʻa fakataha pe ʻae masiva pea mo e kākā: pea ʻoku fakatou māmangia hona mata meia Sihova.
14The king that faithfully judgeth the poor, his throne shall be established for ever.
14ʻE fokotuʻumaʻu ke taʻengata ʻae nofoʻa fakaʻeiʻeiki ʻoe tuʻi, ko ia ʻoku fai totonu ʻae fakamaau ki he masiva.
15The rod and reproof give wisdom; but a child left to himself causeth shame to his mother.
15ʻOku tupu ʻae poto mei he meʻa tā mo e valoki: ka ko e tamasiʻi ʻoku tuku pe ki heʻene faʻiteliha ʻoku ne fakamaaʻi ʻa ʻene faʻē.
16When the wicked are increased, transgression increaseth; but the righteous shall gaze upon their fall.
16ʻOka tupu ʻo tokolahi ʻae kakai angahala, ʻoku tupu mo e fai kovi: ka ʻe mamata ʻae māʻoniʻoni ki heʻenau hinga.
17Correct thy son, and he will give thee rest; yea, he will give delight unto thy soul.
17Ke ke tauteʻi ho foha, pea te ke fiemālie ʻiate ia: ʻio, te ne fakafiefiaʻi ho laumālie.
18Where there is no vision, the people cast off restraint; but he that keepeth the law, happy is he.
18ʻOka ʻikai ʻi ai ha kikite ʻoku malaʻia ʻae kakai; ka ʻoku monūʻia ia ʻaia ʻoku fai ki he fono.
19A servant will not be corrected by words; for though he understand, there will be no response.
19ʻE ʻikai poto ʻae tamaioʻeiki ʻi ha lea valoki: he naʻa mo ʻene ʻiloʻi ʻe ʻikai te ne talangofua.
20Seest thou a man that is hasty in his words? there is more hope for a fool than for him.
20ʻOku ke mamata ki ha tangata ʻoku faʻa lea vave? ʻOku tau ʻamanaki lelei hake ki he vale ʻiate ia.
21He that delicately bringeth up his servant from a child shall have him become master at the last.
21Ko ia ʻoku fakahikihiki ʻa ʻene tamaioʻeiki talu ʻene kei tamasiʻi, ʻe faifai pea hoko ia ʻamui ko hono foha.
22An angry man stirreth up strife, and a wrathful man aboundeth in transgression.
22ʻOku fakatupu ʻae fekeʻikeʻi ʻe he tangata faʻa ʻita, pea ʻoku lahi ʻae fai hala ʻae tangata loto fili.
23A man's pride shall bring him low; but he that is of a lowly spirit shall attain to honour.
23Ko e fielahi ʻae tangata, ʻe fakahifo ai ia ki lalo; ka ʻe poupou hake ʻae laumālie ʻoe angavaivai ʻaki ʻae ongoongolelei.
24Whoso is partner with a thief hateth his own soul: he heareth the adjuration and uttereth nothing.
24Ko ia ʻoku kaumeʻa mo e kaihaʻa ʻoku fehiʻa ia ki hono laumālie ʻoʻona: pea ʻoku fanongo ʻe ia ki he kape, ka ʻe ʻikai te ne fakahā ia.
25The fear of man bringeth a snare; but whoso putteth his trust in the LORD shall be set up on high.
25Ko e manavahē ki ha tangata, ʻoku hoko ia ko e tauhele: ka ʻe moʻui pe ia ʻaia ʻoku falala kia Sihova.
26Many seek the ruler's favour; but a man's judgment cometh from the LORD.
26ʻOku kumi ʻe he tokolahi ki he loto lelei ʻo ia ʻoku pule; ka ʻoku meia Sihova ʻae fakamaau ki he tangata taki taha.
27An unjust man is an abomination to the righteous; and he that is upright in the way is an abomination to the wicked.
27Ko e tangata taʻefaitotonu ʻoku fakalielia ia ki he angatonu. Pea ko ia ʻoku fai totonu ʻi hono hala ʻoku fakalielia ia ki he angahala.
Tip: use the ← and → keys to turn chapters.