Solomona 8
Baibala Hemolele (Hawaiian Bible, 1868 revision)
World English Bible
1A OLE anei i hea mai ka naauao? Aole anei i pane mai ka ike i kona leo?
1Doesn’t wisdom cry out? Doesn’t understanding raise her voice?
2Maluna o na wahi kiekie, ma ke ala, Ma kahi o na alanui, ku ae la oia.
2On the top of high places by the way, where the paths meet, she stands.
3Ma na ipuka, ma ke alo o ke kulanakauhale, Ma na wahi e komo ai, kahea mai la oia.
3Beside the gates, at the entry of the city, at the entry doors, she cries aloud:
4Ke hea aku nei au ia oukou, e na kanaka; O ko'u leo hoi i na keiki a kanaka.
4“I call to you men! I send my voice to the sons of mankind.
5E na mea ike ole, e ike oukou i ke akamai; E hoonaauao hoi oukou, e ka poe naaupo.
5You simple, understand prudence! You fools, be of an understanding heart!
6E hoolohe mai, no ka mea, e hai ana au i na mea maikai; O ka oaka ana hoi o ko'u mau lehelehe ma na mea pono ia.
6Hear, for I will speak excellent things. The opening of my lips is for right things.
7No ka mea, e hoike mai kuu waha i ka oiaio; He mea hoopailua ka hewa i ko'u mau lehelehe.
7For my mouth speaks truth. Wickedness is an abomination to my lips.
8Ma ka pono na olelo a pau a ko'u waha; Aole wahahee, aohe mea kekee malaila.
8All the words of my mouth are in righteousness. There is nothing crooked or perverse in them.
9Pau loa no ia i ka pololei i ka mea naauao, Ua kupono hoi i ka poe i loaa ka ike.
9They are all plain to him who understands, right to those who find knowledge.
10E koho oukou i ke aoia mai, aole ke kala, A me ka ike hoi mamua o ke gula maikai.
10Receive my instruction rather than silver, knowledge rather than choice gold.
11No ka mea, ua maikai ka naauao mamua o na momi; A o na mea i makemakeia a pau, aole i like me ia.
11For wisdom is better than rubies. All the things that may be desired can’t be compared to it.
12Owau hoi, o ka naauao, ke pili nei i ke akamai, Ua loaa ia'u ka ike i na mea e naauao ai.
12“I, wisdom, have made prudence my dwelling. Find out knowledge and discretion.
13O ka makau ia Iehova, oia ke inaina aku i ka hewa; O ka haaheo, o ka hookiekie, o ka aoao ino, O ka waha aaka, oia ka'u i hoowahawaha aku ai.
13The fear of the LORD is to hate evil. I hate pride, arrogance, the evil way, and the perverse mouth.
14Ia'u ka ike a me ke akamai; Owau no ka noonoo, ia'u hoi ka ikaika.
14Counsel and sound knowledge are mine. I have understanding and power.
15Ma o'u nei no e nohoalii ai na alii, A e kau aku ai no hoi na kaukaualii i ke kanawai pono.
15By me kings reign, and princes decree justice.
16Ma o'u nei no hoi e hoomalu ai na kiaaina, A me na'lii, a me na lunakanawai a pau o ka honua.
16By me princes rule, nobles, and all the righteous rulers of the earth.
17He aloha ko'u i ka poe e aloha mai ia'u; O ka poe imi pono mai, o lakou ke loaa ia'u.
17I love those who love me. Those who seek me diligently will find me.
18Me au ka waiwai a me ka hanohano; O ka waiwai e mau ana hoi a me ka pono.
18With me are riches, honor, enduring wealth, and prosperity.
19Ua maikai ko'u hua mamua o ke gula a me ke gula maikai; He mea kohoia hoi ka waiwai ma o'u nei mamua o ke kala.
19My fruit is better than gold, yes, than fine gold, my yield than choice silver.
20Ma ke ala o ka pono ka'u e alakai ai, Mawaena hoi o na alanui o ka hoopono:
20I walk in the way of righteousness, in the middle of the paths of justice,
21I hooili au i ka waiwai no ka poe aloha mai ia'u, A e hoopiha au i ko lakou waihona waiwai.
21that I may give wealth to those who love me. I fill their treasuries.
22Na Iehova no wau i kinohou o kona noho ana, Mamua o kana hana ana i ka wa kahiko.
22“The LORD possessed me in the beginning of his work, before his deeds of old.
23Mai ka po mai ua hoonohoia au, Mai kinohi mai, mamua hoi o ka honua.
23I was set up from everlasting, from the beginning, before the earth existed.
24I ka wa i ole ai na wahi hohonu, ua hanau no au, I wa i ole ai na puuawai i piha i ka wai.
24When there were no depths, I was born, when there were no springs abounding with water.
25Mamua o ka hoonoho ana i na mauna, Mamua o na kuahiwi ua hanau au:
25Before the mountains were settled in place, before the hills, I was born;
26Aole hoi oia i hana i ka honua a me na kula, A me kahi huna lepo iki o ka honua.
26while as yet he had not made the earth, nor the fields, nor the beginning of the dust of the world.
27I kona hohola ana i ka lani, owau no kekahi malaila, I kona kau ana i ke kanawai maluna o ka hohonu;
27When he established the heavens, I was there. When he set a circle on the surface of the deep,
28I kona hoolewalewa ana i na ao maluna, I kona hoonoho ana i na punawai o ka hohonu;
28when he established the clouds above, when the springs of the deep became strong,
29I kona kau ana i ke kanawai no ka moana, I ole e hu wale aku na kai mamua ona; I kona hookumu paa ana i ka honua:
29when he gave to the sea its boundary, that the waters should not violate his commandment, when he marked out the foundations of the earth,
30Alaila, owau pu kekahi me ia me he keiki hiwahiwa la; O kona olioli no au i kela la i keia la, E hauoli mau ana hoi imua o kona alo;
30then I was the craftsman by his side. I was a delight day by day, always rejoicing before him,
31E hauoli ana i na wahi i noho ai na kanaka o ka honua ona; O ko'u olioli nui hoi, aia me na keiki a kanaka.
31rejoicing in his whole world. My delight was with the sons of men.
32Ano la, e na keiki, e hoolohe mai ia'u; Pomaikai ka poe i malama mai i ko'u aoao.
32“Now therefore, my sons, listen to me, for blessed are those who keep my ways.
33E hoolohe mai i ke ao ana a e hoomanao iho, Mai pale ae oukou.
33Hear instruction, and be wise. Don’t refuse it.
34Pomaikai ke kanaka ke lohe mai i ka'u, He kiai hoi oia, i ko'u mau puka i kela la i keia la, Ke kakali hoi oia ma na kia o ko'u mau puka.
34Blessed is the man who hears me, watching daily at my gates, waiting at my door posts.
35No ka mea, o ka mea o'u i loaa ai, ua loaa ia ia ke ola, E loaa hoi ia ia ka lokomaikaiia mai e Iehova.
35For whoever finds me finds life, and will obtain favor from the LORD.
36Aka, o ka mea i hana ino mai ia'u, ua pepehi oia i kona uhane iho; O ka poe inaina mai ia'u oia ka i koho i ka make.
36But he who sins against me wrongs his own soul. All those who hate me love death.”
Tip: use the ← and → keys to turn chapters.