1GUAJA dos na jaane antes di guipot y pascua yan y taelibadura na pan: ya y magas mamale sija, yan y escriba sija, maaliligao jaftaemano para umafababa, ya umacone, ya umapuno.

1Now the feast of the pasch, and of the Azymes was after two days; and the chief priests and the scribes sought how they might by some wile lay hold on him, and kill him.

2Lao ilegñija: Munga gui guipot na jaane, sa noseaja uguaja atboroto ni y taotao sija.

2But they said: Not on the festival day, lest there should be a tumult among the people.

3Ya anae estaba guiya Betania, gui guima Simon y ategtog, ya matachong gui lamasa para uchocho; mato un palaoan mañuñule un alabastro na boteyan inggüenten puro nardo, na gosguaguan; ya mafag y boteya, ya jachuda gui jilo y ilon Jesus.

3And when he was in Bethania, in the house of Simon the leper, and was at meat, there came a woman having an alabaster box of ointment of precious spikenard: and breaking the alabaster box, she poured it out upon his head.

4Ya guaja sija ninafanbubo sanjalomñija, ya ilegñija: Jafa este na inggüente na manalalastimaja?

4Now there were some that had indignation within themselves, and said: Why was this waste of the ointment made?

5Maulegña umabende pot tresientos peseta, ya ufanmanae y mamobble: ya malalatde y palaoan.

5For this ointment might have been sold for more than three hundred pence, and given to the poor. And they murmured against her.

6Lao si Jesus ilegña: Pologüe namaesa. Jafaja na inatbororota güe? Mauleg finatinasña nu guajo.

6But Jesus said: Let her alone, why do you molest her? She hath wrought a good work upon me.

7Sa manjajamyoja yan y mamobble siempre; ya ngaeanja nae manmalago jamyo, infatinasja mauleg guiya sija: lao guajo ti tafanjijitaja siempre.

7For the poor you have always with you: and whensoever you will, you may do them good: but me you have not always.

8Güiya jafatinas taemanoja y ninasiñaña: güiya mato antes, para uinggüentiye y tataotaojo, para y naftan.

8She hath done what she could: she is come beforehand to anoint my body for burial.

9Magajet jusangane jamyo: Manoja este na ebangelio nae mapredica, gui todo y tano, este locue y finatinasña umasangan, para memoriasña.

9Amen, I say to you, wheresoever this gospel shall be preached in the whole world, that also which she hath done, shall be told for a memorial of her.

10Ya si Judas Iscariote, uno gui dose, mapos malag y magas mamale, para umentrega güe guiya sija.

10And Judas Iscariot, one of the twelve, went to the chief priests, to betray him to them.

11Ya anae majungog, ninafansenmagof, ya mapromete manae güe salape. Ya jaaliligao jaftaemano para uinentrega.

11Who hearing it were glad; and they promised him they would give him money. And he sought how he might conveniently betray him.

12Ya y finenana na jaane y taelibadura na pan, anae maofrese y pascua, y disipuluña ilegñija nu güiya; Manojam malagomo guato ya infamauleg nae para unchocho gui pascua?

12Now on the first day of the unleavened bread, when they sacrificed the pasch, the disciples say to him: Whither wilt thou that we go, and prepare for thee to eat the pasch?

13Ya jatago y dos gui disipuluña, ya ilegña nu sija: Janao fanmalag y siuda, sa infanasoda güije yan un taotao na mangangatga un jarran janom: dalalag güe.

13And he sendeth two of his disciples, and saith to them: Go ye into the city; and there shall meet you a man carrying a pitcher of water, follow him;

14Ya amanoja nae jumalom, alog ni y taotao guma: Y Maestro, ilegña: Mangue y aposento ni y anae para infañocho gui pascua yan y disipulujo?

14And whithersoever he shall go in, say to the master of the house, The master saith, Where is my refectory, where I may eat the pasch with my disciples?

15Ya güiya infanfinanue un dangculo na cuatto; esta mafamauleg yan listo; ayo nae famauleg para jita.

15And he will shew you a large dining room furnished; and there prepare ye for us.

16Ya y disipuluña sija manmapos, ya manmato gui siuda, ya jasoda jaftaemano y mansinangane sija: ya mafamauleg para y pascua.

16And his disciples went their way, and came into the city; and they found as he had told them, and they prepared the pasch.

17Ya y pupuenge mato yan y dose.

17And when evening was come, he cometh with the twelve.

18Ya anae manmatatachong ya mañochocho, si Jesus ilegña: Magajet jusangane jamyo: Uno guiya jamyo umentregayo; güiyaja uchumocho yan guajo.

18And when they were at table and eating, Jesus saith: Amen I say to you, one of you that eateth with me shall betray me.

19Ayo nae ninafangostriste, ya ilegñija nu güiya uno yan otro: Guajo? y otro ilegña: Guajo?

19But they began to be sorrowful, and to say to him one by one: Is it I?

20Ayo nae manope ilegña nu sija: Uno gui dose ni y jumajame manotche gui tason.

20Who saith to them: One of the twelve, who dippeth with me his hand in the dish.

21Y Lajin taotao magajet na mapos, ni y esta matugue pot güiya: lao namaase ayo na taotao ni y jaentrega y Lajin taotao. Maulegña ayo na taotao na ti umafañago.

21And the Son of man indeed goeth, as it is written of him: but woe to that man by whom the Son of man shall be betrayed. It were better for him, if that man had not been born.

22Ya anae mañochocho, jachule si Jesus y pan, ya jabendise, ya jaipe, ya janae sija, ilegña: Chile ya incano, sa este y tataotaojo.

22And whilst they were eating, Jesus took bread; and blessing, broke, and gave to them, and said: Take ye. This is my body.

23Ya jachule y posuelo, ya anae munjayan janae grasia, janae sija: ya todos manguimen.

23And having taken the chalice, giving thanks, he gave it to them. And they all drank of it.

24Ya ilegña nu sija: Este y jâgâjo, gui nuebo na testamento, ni machuda pot y megae.

24And he said to them: This is my blood of the new testament, which shall be shed for many.

25Magajet jusangane jamyo, na ti juguimen talo ni y tinegcha ubas, asta ayo na jaane, na juguimen nuebo gui raenon Yuus.

25Amen I say to you, that I will drink no more of the fruit of the vine, until that day when I shall drink it new in the kingdom of God.

26Ya anae munjayan macanta un himno, manmapos manmalag y finabeca Olibo.

26And when they had said an hymn, they went forth to the mount of Olives.

27Ya si Jesus ilegña nu sija: Todos jamyo infaninefende pot guajo; sa esta matugue: Bae jupanag y pastot, ya y quinilo sija ufanmachalapon.

27And Jesus saith to them: You will all be scandalized in my regard this night; for it is written, I will strike the shepherd, and the sheep shall be dispersed.

28Lao despues di lâlâyo talo, ya cumajuloyo, jujanao esta y menanmiyo guiya Galilea.

28But after I shall be risen again, I will go before you into Galilee.

29Ayo nae si Pedro ilegña: Achogja todos maninefende; lao guajo aje.

29But Peter saith to him: Although all shall be scandalized in thee, yet not I.

30Ya sinangane as Jesus ilegña: Magajet jusanganejao na jago pagoja na puenge, antes qui uoo dos biaje y gayo, unpuneyo tres biaje.

30And Jesus saith to him: Amen I say to thee, today, even in this night, before the cock crow twice, thou shall deny me thrice.

31Lao guiya janaguefchadeg y cuentosña, ilegña: Yanguin jumitamatae, ti jupunejao ni jaftaemano. Taegüineja locue sinanganñija todos.

31But he spoke the more vehemently: Although I should die together with thee, I will not deny thee. And in like manner also said they all.

32Ya manmato un lugat na y naaña Gethsemane: ya ilegña ni y disipuluña sija: Fanmatatachong güine, mientras mananaetaeyo.

32And they came to a farm called Gethsemani. And he saith to his disciples: Sit you here, while I pray.

33Ya jacone gachongña si Pedro, yan si Santiago, yan si Juan, ya jatutujon manmajalang, yan mangostriste,

33And he taketh Peter and James and John with him; and he began to fear and to be heavy.

34Ya ilegña nu sija: Y antijo sentriste asta qui jumatae; fañaga güine, ya iafanmamulan.

34And he saith to them: My soul is sorrowful even unto death; stay you here, and watch.

35Ya jumanao mona didide, dumimo papa gui jilo oda, ya manaetae, na yanguin siña, ufalofan y ora guiya güiya.

35And when he was gone forward a little, he fell flat on the ground; and he prayed, that if it might be, the hour might pass from him.

36Ya ilegña: Abba, Tata: todo y güinaja mansiña para jago; nasuja este y posuelo guiya guajo: lao ti taemanoja minalagojo, na y minalagomo.

36And he saith: Abba, Father, all things are possible to thee: remove this chalice from me; but not what I will, but what thou wilt.

37Ya mato talo guato ya jasoda sija manmaego, ya ilegña as Pedro: Simon mamaegojao? ti siñajao bumela un oraja?

37And he cometh, and findeth them sleeping. And he saith to Peter: Simon, sleepest thou? couldst thou not watch one hour?

38Fanbela, yan infanmanaetae; para chamiyo fanjajalom gui tentasion: Y Espiritu magajet na malago; lao y catne echecho.

38Watch ye, and pray that you enter not into temptation. The spirit indeed is willing, but the flesh is weak.

39Ya jumanao talo ya manaetae ya ayoja mismo na sinangan.

39A going away again, he prayed, saying the same words.

40Ya anae tumalo guato jasoda talo sija na manmamaego: sa y atadogñija mangosmacat, ya ti ujatungo jafa umaope güe.

40And when he returned, he found them again asleep, (for their eyes were heavy,) and they knew not what to answer him.

41Ya mato talo gui mina tres biaje, ya ilegña nu sija: Fanmaego pago, ya infandescansa: esta najong; y ora esta mato; lie y Lajin taotao na maentrega gui canae y manisao sija.

41And he cometh the third time, and saith to them: Sleep ye now, and take your rest. It is enough: the hour is come: behold the Son of man shall be betrayed into the hands of sinners.

42Fangajulo ya nije tafanjanao; sa esta y umentregayo jijot.

42Rise up, let us go. Behold, he that will betray me is at hand.

43Ya enseguidas, mientras cumuecuentos, mato si Judas, uno gui dose, ya mañisija yan un linajyan taotao, manmañuñule espada, yan galute guinen y magas mamale, yan y escriba, yan y manamco sija.

43And while he was yet speaking, cometh Judas Iscariot, one of the twelve: and with him a great multitude with swords and staves, from the chief priests and the scribes and the ancients.

44Ya ayo y umentrega güe, mannae señat, ilegña: Jaye y juchico, güiya ayo: guiot ya inquene na seguro.

44And he that betrayed him, had given them a sign, saying: Whomsoever I shall kiss, that is he; lay hold on him, and lead him away carefully.

45Ya enseguidas nae matogüe, jumajanaoja guato guiya güiya, ya ilegña: Maestro; ya jachico.

45And when he was come, immediately going up to him, he saith: Hail, Rabbi; and he kissed him.

46Ya ayonae mapolo canae sija gui jiloña ya macone.

46But they laid hands on him, and held him.

47Ya uno guiya sija ni y tumotojgue gui oriya, jalagnos y espadaña, ya jataga y tentago y magas mamale, ya jautut talangaña.

47An one of them that stood by, drawing a sword, struck a servant of the chief priest, and cut off his ear.

48Ya manope si Jesus ilegña nu sija: Ada manmato jamyo calang contra y saque, na manmañuñule jamyo espada, yan galute para inguiotyo?

48And Jesus answering, said to them: Are you come out as to a robber, with swords and staves to apprehend me?

49Guinen manjijitaja todo y jaane gui templo manmamananagüe, ya ti inquequeneyo? lao mafatinas este para umacumple y tinigue.

49I was daily with you in the temple teaching, and you did not lay hands on me. But that the scriptures may be fulfilled.

50Ya madingo, ya manmalago todos.

50Then his disciples leaving him, all fled away.

51Ya dinalalaggüe un patgon na taotao, na jatatampe güe un sábanas, sa taya magagago: ya y mamatgon sija na taotao, maguot güe.

51And a certain young man followed him, having a linen cloth cast about his naked body; and they laid hold on him.

52Lao güiya japolo y sábanas, ya malago sin magago.

52But he, casting off the linen cloth, fled from them naked.

53Ya macone si Jesus para y magas na pale: ya mandaña y manmagas mamale yan y manamco, yan y escriba sija.

53And they brought Jesus to the high priest; and all the priests and the scribes and the ancients assembled together.

54Ya si Pedro dinalalag güe, lao chago, asta gui sanjalom, sanjalom y palasyon y magas na pale: ya matachong yan y tentago sija, ya janama maope güe gui guafe.

54And Peter followed him from afar off, even into the court of the high priest; and he sat with the servants at the fire, and warmed himself.

55Ya y magas mamale, yan todo y inetnon ofisiat, manmanaliligao testimonio contra si Jesus para umapuno; lao taya masoda.

55And the chief priests and all the council sought for evidence against Jesus, that they might put him to death, and found none.

56Sa megae manmannae ti manmagajet na testimonio contra güiya: lao y testimonioñija ti manparejo.

56For many bore false witness against him, and their evidences were not agreeing.

57Ya mangajulo palo ni manmannae contra güiya y testimonio na ti manmagajet, ilegñija:

57And some rising up, bore false witness against him, saying:

58Injingog y ilegña: Juyulang este na templo, ni y mafatinas nu canae, ya y tres na jaane, janacajulo talo otro na ti finatinas canae.

58We heard him say, I will destroy this temple made with hands, and within three days I will build another not made with hands.

59Lao este na testimonioñija, locue ti manparejo.

59And their witness did not agree.

60Ya y magas na pale tumojgue julo gui talolo, ya jafaesen si Jesus ilegña: Ti unfanope ni jafa? Jafa este sija na testimonioñija contra jago?

60And the high priest rising up in the midst, asked Jesus, saying: Answerest thou nothing to the things that are laid to thy charge by these men?

61Lao mamatquiquiloja, taya inepeña. Tumalo y magas na pale finaesen ilegña: Jago si Jesucristo Lajin y Bendito?

61But he held his peace, and answered nothing. Again the high priest asked him, and said to him: Art thou the Christ the Son of the blessed God?

62Ya si Jesus ilegña: Guajo; ya umamaela y tiempo anae inlie y Lajin taotao matatachong gui agapa y gaeninasiña na canae, ya umamaela gui jalom y mapagajes y langet.

62And Jesus said to him: I am. And you shall see the Son of man sitting on the right hand of the power of God, and coming with the clouds of heaven.

63Ayonae y magas na pale, jatiteg y magaguña, ya ilegña: Para jafajit palo testigo sija?

63Then the high priest rending his garments, saith: What need we any further witnesses?

64Injingogja y chinatfinoña contra si Yuus: Jafa jinasonmimiyo? Ya todos manmañentensia para umapuno.

64You have heard the blasphemy. What think you? Who all condemned him to be guilty of death.

65Ya y palo matutujon matolae, yan matatampe mataña, yan mapatmada, ya ilegñija nu güiya: Profetisa: ya y ofisiat sija rumesibe güe ya japatmada ni y canaeñija.

65And some began to spit on him, and to cover his face, and to buffet him, and to say unto him: Prophesy: and the servants struck him with the palms of their hands.

66Ya anae si Pedro gaegue gue sanpapa gui palasyo, mato un palaoan tentago y magas na pale:

66Now when Peter was in the court below, there cometh one of the maidservants of the high priest.

67Ya anae jalie si Pedro na janamamaepe güe, jaatan ya ilegña: Jago locue manjajamyo yan si Jesus Nasareno?

67And when she had seen Peter warming himself, looking on him she saith: Thou also wast with Jesus of Nazareth.

68Lao jadague ilegña: Ti jutungo, ni jutungo jafa ilelegmo. Ya mapos juyong gui cajida; ya umoo y gayo.

68But he denied, saying: I neither know nor understand what thou sayest. And he went forth before the court; and the cock crew.

69Ya linie talo ni y palaoan, ya jatutujon sumangane ayo sija y manotojgue gui oriyaña: Este uno guiya sija.

69And again a maidservant seeing him, began to say to the standers by: This is one of them.

70Ya jadague talo. Ti apmam ayo y manotojgue gui oriya ilegñija as Pedro: Magajet na jago uno guiya sija? sa jago taotao Galileajao.

70But he denied again. And after a while they that stood by said again to Peter: Surely thou art one of them; for thou art also a Galilean.

71Lao jatutujon mamatdise yan manjula ya ilegña: Ti jutungo este na taotao y insasangan.

71But he began to curse and to swear, saying; I know not this man of whom you speak.

72Ya enseguidas y mina dos biaje umoo y gayo. Jajaso si Pedro y sinangan, jaftaemano si Jesus nu güiya ilegña: Antes que uoo y gayo dos biaje, undagueyo tres biaje. Ya anae jajaso, tumanges.

72And immediately the cock crew again. And Peter remembered the word that Jesus had said unto him: Before the cock crow twice, thou shalt thrice deny me. And he began to weep.

Tip: use the ← and → keys to turn chapters.