Lea Fakatātā 5
Tongan Bible, Revised West VersionTranslation
Tongan Bible, Revised West Version
King James Version with Apocrypha
1ʻE hoku foha, tokanga ki heʻeku poto, pea ke fakaongo ho telinga ki heʻeku ʻilo:
1My son, attend unto my wisdom, and bow thine ear to my understanding:
2Koeʻuhi ke ke tokangaʻi ʻae fakapotopoto, pea ke maʻu pe ʻi ho loungutu ʻae ʻilo.
2That thou mayest regard discretion, and that thy lips may keep knowledge.
3He ʻoku toʻi ʻae loungutu ʻoe fefine muli ʻo hangē ko e ngeʻesi ʻoe honi, pea ʻoku molemole lahi hake ʻi he lolo ʻa hono ngutu:
3¶ For the lips of a strange woman drop as an honeycomb, and her mouth is smoother than oil:
4Ka ʻoku tatau mo e kona ʻīʻī ʻa hono ikuʻanga, ʻo māsila ʻo hangē ha heletā fakatoumata.
4But her end is bitter as wormwood, sharp as a twoedged sword.
5ʻOku ʻalu hifo hono vaʻe ki he mate, ʻoku fakatau atu ʻa ʻene ngaahi laka ki heli.
5Her feet go down to death; her steps take hold on hell.
6Pea telia naʻa ke fakakaukau ki he hala ʻoe moʻui, ʻoku fakafihi ʻe ia hono ngaahi ʻaluʻanga, ke ʻoua naʻa ke ʻiloʻi ia.
6Lest thou shouldest ponder the path of life, her ways are moveable, that thou canst not know them .
7Ko ia ʻae fānau, ke mou fanongo kiate au, pea ʻoua naʻa mou hē mei he ngaahi lea ʻa hoku ngutu.
7Hear me now therefore, O ye children, and depart not from the words of my mouth.
8Ke fakamamaʻo ʻaupito ho hala meiate ia, pea ʻoua naʻa ke ofi ki he matapā ʻo hono fale:
8Remove thy way far from her, and come not nigh the door of her house:
9Telia naʻa ke foaki ho ongolelei ki ha kakai kehe, pea moho ngaahi taʻu ki he kakai loto fakafasifasi:
9Lest thou give thine honour unto others, and thy years unto the cruel:
10Telia naʻa pito ʻae kau muli ʻi ho mālohi; pea ʻe ʻi he fale ʻoe muli hoʻo ngaahi ngāue;
10Lest strangers be filled with thy wealth; and thy labours be in the house of a stranger;
11Pea ke tangi mamahi ʻamui, ʻoka kai ʻo ʻosi ho kakano mo ho sino,
11And thou mourn at the last, when thy flesh and thy body are consumed,
12ʻo ke pehē ai, “ʻOiauē, naʻe lahi ʻeku fehiʻa ki he akonaki, pea naʻe manukiʻi ʻe hoku loto ʻae valoki;
12And say, How have I hated instruction, and my heart despised reproof;
13Pea naʻe ʻikai teu talangofua ki he leʻo ʻo hoku kau akonaki, pe fakatokangaʻi hoku telinga kiate kinautolu naʻa nau ako kiate au!
13And have not obeyed the voice of my teachers, nor inclined mine ear to them that instructed me!
14Naʻaku meimei kau ʻi he kovi kotoa pē, ʻi he lotolotonga ʻoe haʻohaʻonga mo e fakatahaʻanga.”
14I was almost in all evil in the midst of the congregation and assembly.
15Inu ʻae vai mei ho lepa pe ʻoʻou, mo e vaitafe mei he vai keli pe ʻoʻou.
15¶ Drink waters out of thine own cistern, and running waters out of thine own well.
16Ke tafe atu ho ngaahi mangamangaʻi vai, mo e vaitafe ʻoe ngaahi vai ki he ngaahi hala.
16Let thy fountains be dispersed abroad, and rivers of waters in the streets.
17Ke tuku ia ko hoʻo meʻa ʻaʻau pe, pea ʻoua naʻa kau ai mo koe ha muli.
17Let them be only thine own, and not strangers’ with thee.
18Ke monūʻia ho matavai: pea ke fiefia koe ʻi ho uaifi ʻaia naʻa ke maʻu ʻi hoʻo kei talavou.
18Let thy fountain be blessed: and rejoice with the wife of thy youth.
19Ke tatau pe ia mo e hainite ʻofa mo e kāseli fakaʻofoʻofa; pea ke fiemālie maʻuaipē koe ʻi hono fatafata; pea ke fakafiefiaʻi koe ʻi he ʻaho kotoa pē ʻi heʻene ʻofa.
19Let her be as the loving hind and pleasant roe; let her breasts satisfy thee at all times; and be thou ravished always with her love.
20ʻE hoku foha, ko e hā ka ke ka hē ai ʻi he fefine muli, pea fāʻufua ki he fatafata ʻoe muli?
20And why wilt thou, my son, be ravished with a strange woman, and embrace the bosom of a stranger?
21He ʻoku tokaimaʻananga ʻi he ʻao ʻo Sihova ʻae ngaahi hala ʻoe tangata, pea ʻoku vakai ʻe ia ʻa hono ngaahi ʻaluʻanga.
21For the ways of man are before the eyes of the LORD , and he pondereth all his goings.
22ʻE moʻua ʻae angahala ʻi heʻene ngaahi hia ʻaʻana, pea ʻe haʻisia ʻaki ia ʻae afo ʻo ʻene angahala.
22¶ His own iniquities shall take the wicked himself, and he shall be holden with the cords of his sins.
23ʻE mate taʻeakonekina ia; pea ʻe hē ia ko e meʻa ʻi he lahi ʻo ʻene vale.
23He shall die without instruction; and in the greatness of his folly he shall go astray.
Tip: use the ← and → keys to turn chapters.