Êxodo 24
Bíblia Portuguesa Mundial (Brazilian Portuguese)
Tongan Bible, Revised West Version
1Ele disse a Moisés: “Subam ao SENHOR, você, Arão, Nadabe, Abiú e setenta dos anciãos de Israel; e adorem à distância.
1Pea pehē ʻe ia kia Mōsese, “ʻAlu hake koe kia Sihova, ʻa koe mo ʻElone, mo Natapi, mo ʻApiu, mo e kau mātuʻa ʻo ʻIsileli ʻe toko fitungofulu; pea punou hifo ʻakimoutolu mei he mamaʻo ʻo hū.
2Só Moisés se aproximará do SENHOR, mas eles não se aproximarão. O povo não subirá com ele.”
2Pea ko Mōsese tokotaha pe ʻe haʻu ʻo ofi kia Sihova: kaeʻoua te nau haʻu ʻo ofi; pea ʻoua naʻa ʻalu hake ʻae kakai mo ia.”
3Moisés veio e contou ao povo todas as palavras do SENHOR e todas as ordenanças; e todo o povo respondeu a uma só voz e disse: “Todas as palavras que o SENHOR falou, nós faremos.”
3¶ Pea naʻe haʻu ʻa Mōsese ʻo ne tala ki he kakai ʻae ngaahi folofola kotoa pē ʻa Sihova, mo e ngaahi fono kotoa pē; pea tali lea taha pe ʻae kakai kotoa pē, ʻonau pehē, “Ko e ngaahi lea kotoa pē kuo folofolaʻaki ʻe Sihova te mau fai.”
4Moisés escreveu todas as palavras do SENHOR, então levantou-se de manhã cedo e construiu um altar ao pé do monte, com doze colunas para as doze tribos de Israel.
4Pea naʻe tohi ʻe Mōsese ʻae ngaahi folofola kotoa pē ʻa Sihova, pea tuʻu hengihengi hake ia ʻi he pongipongi, ʻo ne langa ʻae feilaulauʻanga ʻi he lalo moʻunga, mo e maka ʻe hongofulu ma ua, ʻo fakatatau ki he faʻahinga ʻe hongofulu ma ua ʻo ʻIsileli.
5Ele enviou jovens dos filhos de Israel, que ofereceram holocaustos e sacrificaram ofertas pacíficas de novilhos ao SENHOR.
5Pea fekau ʻe ia ʻae kau talavou ʻi he fānau ʻa ʻIsileli, pea naʻa nau ʻatu ʻae ngaahi feilaulau tutu kia Sihova, mo e ngaahi feilaulau ʻoe melino, ko e fanga pulu.
6Moisés pegou metade do sangue e colocou em bacias, e a outra metade do sangue ele aspergiu sobre o altar.
6Pea naʻe toʻo ʻe Mōsese hono vaeua mālieʻanga ʻoe toto, ʻo ne lingi ia ki he ngaahi ipu; pea ko hono vahe ʻe taha ʻoe toto naʻa ne luluku ʻaki ʻae feilaulauʻanga.
7Ele pegou o livro da aliança e o leu aos ouvidos do povo, e eles disseram: “Faremos tudo o que o SENHOR disse, e seremos obedientes.”
7Pea toʻo ʻe ia ʻae tohi ʻoe fuakava, ʻo ne lau ia ke ongoʻi ʻe he kakai: pea naʻa nau tala, ‘Ko e meʻa kotoa pē kuo folofola ki ai ʻa Sihova te mau fai, pea te mau talangofua.”
8Moisés pegou o sangue, aspergiu-o sobre o povo e disse: “Vejam, este é o sangue da aliança que o SENHOR fez com vocês a respeito de todas estas palavras.”
8Pea naʻe toʻo ʻe Mōsese ʻae toto, ʻo ne luluku ia ki he kakai, ʻo ne pehē, “Vakai, ko e toto ʻoe fuakava, ʻaia kuo fai ʻe Sihova mo kimoutolu ʻi he ngaahi folofola ni kotoa pē.”
9Então subiram Moisés, Arão, Nadabe, Abiú e setenta dos anciãos de Israel.
9¶ Pea toki ʻalu hake ai ʻa Mōsese, mo ʻElone, mo Natapi, mo ʻApiu, mo e kau mātuʻa ʻo ʻIsileli ʻe toko fitungofulu.
10Eles viram o Deus de Israel. Debaixo de seus pés havia como que um pavimento de pedra de safira, como o próprio céu em clareza.
10Pea naʻa nau mamata ki he ʻOtua ʻo ʻIsileli; pea naʻe ʻi hono lalo vaʻe ʻae ngāue ʻo hangē ha faliki maka ko e safaia, pea naʻe tatau mo e langi maʻa ʻa hono malama.
11Ele não estendeu a mão contra os nobres dos filhos de Israel. Eles viram a Deus, e comeram e beberam.
11Pea naʻe ʻikai hili hono nima ki he kau mātuʻa ʻoe fānau ʻa ʻIsileli; pea naʻa nau mamata ki he ʻOtua foki, ʻonau kai mo inu.
12O SENHOR disse a Moisés: “Suba a mim no monte e fique aqui, e eu lhe darei as tábuas de pedra com a lei e os mandamentos que escrevi, para que você os ensine.”
12¶ Pea naʻe folofola ʻa Sihova kia Mōsese, “ʻAlu hake koe kiate au ʻi he moʻunga, pea nofo ai: pea te u tuku kiate koe ʻae maka lafalafa ʻe ua, pea mo e fono, mo e ngaahi fekau kuo u tohi; koeʻuhi ke ke ako ʻaki ia.”
13Moisés levantou-se com Josué, seu servo, e Moisés subiu ao Monte de Deus.
13Pea naʻe tuʻu hake ʻa Mōsese mo hono tauhi ko Siosiua: pea naʻe ʻalu hake ʻa Mōsese ki he moʻunga ʻoe ʻOtua.
14Ele disse aos anciãos: “Esperem aqui por nós, até que voltemos a vocês. Eis que Arão e Hur estão com vocês. Quem estiver envolvido em uma disputa pode ir a eles.”
14Pea naʻe tala ʻe ia ki he kau mātuʻa, “Mou tatali ʻi heni kiate kimaua, ke ʻoua ke ma toe ʻomi kiate kimoutolu: pea vakai, ʻoku ʻiate kimoutolu ʻa ʻElone, mo Hua: kapau ʻe ai ha meʻa ʻi ha tangata ke fai, ke haʻu ia kiate kinaua.”
15Moisés subiu ao monte, e a nuvem cobriu o monte.
15Pea naʻe ʻalu hake ʻa Mōsese ki he moʻunga, pea naʻe ʻuʻufi ʻae moʻunga ʻe he ʻao.
16A glória do SENHOR repousou sobre o Monte Sinai, e a nuvem o cobriu por seis dias. No sétimo dia, ele chamou Moisés do meio da nuvem.
16Pea naʻe nofo mai ʻae nāunau ʻo Sihova ki he moʻunga ko Sainai, pea naʻe ʻuʻufi ia ʻe he ʻao ʻi he ʻaho ʻe ono: pea naʻe folofola ia kia Mōsese ʻi hono fitu ʻoe ʻaho mei he loto ʻao.
17A aparência da glória do SENHOR era como um fogo consumidor no topo do monte, aos olhos dos filhos de Israel.
17Pea naʻe hā mai ʻae nāunau ʻo Sihova ʻo hangē ko e afi fakaʻauha ʻi he tumutumu ʻoe moʻunga, ʻi he ʻao ʻoe fānau ʻa ʻIsileli.
18Moisés entrou no meio da nuvem e subiu ao monte; e Moisés esteve no monte quarenta dias e quarenta noites.
18Pea naʻe ʻalu ʻa Mōsese ki he loto ʻao, ʻo ʻalu hake ki he moʻunga: pea naʻe ʻi he moʻunga ʻa Mōsese ʻi he ʻaho ʻe fāngofulu mo e pō ʻe fāngofulu.
Tip: use the ← and → keys to turn chapters.