Luo Chronicle 23
Bible Mutal (Kosraean)Translation
Bible Mutal (Kosraean)
Bíblia Portuguesa Mundial (Brazilian Portuguese)
1Tukun yac onkosr, Jehoiada mwet tol, el wotela mu pacl fal in oasr ma orek. El orala sie pwapa yurin captain limekosr lun un mwet mweun inge: Azariah wen natul Jeroham, Ishmael wen natul Jehohanan, Azariah wen natul Obed, Maaseiah wen natul Adaiah, ac Elishaphat wen natul Zichri.
1No sétimo ano, Joiada fortaleceu-se, e tomou os capitães de cem — Azarias, filho de Jeroão, Ismael, filho de Joanã, Azarias, filho de Obede, Maaseias, filho de Adaías, e Elisafate, filho de Zicri — para uma aliança com ele.
2Elos fahsrelik nu in siti nukewa lun Judah, ac usani mwet Levi ac sifen sou nukewa nu Jerusalem.
2Eles percorreram Judá e reuniram os levitas de todas as cidades de Judá, e os chefes das casas paternas de Israel, e vieram para Jerusalém.
3Elos nukewa tukeni nu in Tempul, ac elos orala sie wulela yorol Joash, wen natul tokosra. Jehoiada el fahk nu selos, “Pa inge wen nutin tokosra se ma tufahna misa ah. El ac tokosrala inge, in oana ke LEUM GOD El tuh wulela mu mwet in sou lal David pa ac tokosra.
3Toda a assembleia fez uma aliança com o rei na casa de Deus. Joiada lhes disse: “Eis que o filho do rei deve reinar, como o SENHOR falou a respeito dos filhos de Davi.
4Pa inge ma kut ac oru. Ke mwet tol ac mwet Levi elos ac tuku in oru ma kunalos ke len Sabbath, na sie tafu tolu selos ac taran mutunoa nu ke Tempul,
4Esta é a coisa que vocês devem fazer: uma terça parte de vocês, que entram no sábado, dos sacerdotes e dos levitas, serão guardas das portas.
5ac sie tafu tolu selos ac taran lohm sin tokosra, ac mwet lula ac fah som nu ke Mutunpot Pwelung. Na mwet nukewa ac fah toeni ke nien tukeni likin Tempul uh.
5Uma terça parte estará na casa do rei; e uma terça parte na porta do fundamento. Todo o povo estará nos pátios da casa do SENHOR.
6Wangin mwet ac fah utyak nu in Tempul sayen mwet tol ac mwet Levi, su oasr ma kunalos we. Elos ku in utyak mweyen elos aknasnasyeyuk tari, ac mwet nukewa saya enenu in akos na ma LEUM GOD El sapkin, ac muta likinum uh.
6Mas que ninguém entre na casa do SENHOR, exceto os sacerdotes e aqueles que ministram dentre os levitas. Eles entrarão, pois são santos, mas todo o povo seguirá as instruções do SENHOR.
7Mwet Levi elos ac tu raunella tokosra, ac sruok na cutlass natulos, ac elos ac fah welul tokosra nu yen nukewa el ac som nu we. Kutena mwet su srike in utyak nu in Tempul ac fah anwuki.”
7Os levitas cercarão o rei, cada homem com suas armas na mão. Quem quer que entre na casa, que seja morto. Estejam com o rei quando ele entrar e quando ele sair.”
8Mwet Levi ac mwet Judah elos oru oana ma Jehoiada, mwet tol, el sapkin. Kais sie un mwet inge tiana filfilla in som finne safla pacl in orekma lalos in Tempul. Ke ma inge, u sasu se ma ac tuku, ac u se ma safla pacl la, elos ac tukenina muta akola nu ke sap lun captain lun mwet mweun.
8Assim, os levitas e todo o Judá fizeram conforme tudo o que o sacerdote Joiada ordenou. Cada um tomou os seus homens, aqueles que deviam entrar no sábado, com aqueles que deviam sair no sábado, pois o sacerdote Joiada não dispensou as turmas.
9Jehoiada el sang osra, ac mwe loeyuk yohk ac mwe loeyuk srik, su ma natul Tokosra David ma oanna in Tempul, nu sin captain lun un mwet mweun uh.
9O sacerdote Joiada entregou aos capitães de cem as lanças, os escudos pequenos e os escudos grandes que haviam sido do rei Davi, os quais estavam na casa de Deus.
10El kitalik mwet mweun ma sruok cutlass natulos in tu yen nukewa mutun Tempul uh, in taranul tokosra.
10Ele posicionou todo o povo, cada homem com sua arma na mão, desde o lado direito da casa até o lado esquerdo da casa, junto ao altar e à casa, ao redor do rei.
11Na Jehoiada el pwanulla Joash nu likinuma, ac sang tefuro se nu fin sifacl, oayapa sie ma simla ke ma oakwuk nu sin sie tokosra. Ouinge Joash el tokosrala. Jehoiada mwet tol, ac wen natul, elos mosrwella Joash, na mwet nukewa sala, “Lela in paht moul lal tokosra!”
11Então eles trouxeram para fora o filho do rei, colocaram a coroa nele, deram-lhe a aliança, e o fizeram rei. Joiada e seus filhos o ungiram, e disseram: “Viva o rei!”
12Athaliah el lohngak ke mwet uh sasa in akfulatyal tokosra, na el sulaklak som nu ke Tempul, yen mwet uh tukeni we.
12Quando Atalia ouviu o barulho do povo correndo e louvando o rei, ela veio até o povo na casa do SENHOR.
13Na el ngetla liye tokosra sasu sac ke nien utyak nu in Tempul, su tu ke sru soko ma srisrila nu sin tokosra, rauniyukla sin captain lun mwet mweun ac mwet ukuk. Mwet nukewa sasa ke engan ac ukya mwe ukuk, ac mwet on lun Tempul elos srital ke mwe on natulos ac kol akfulat ma orek inge. Athaliah el foloyak ac seya nuknuk lal, ac wowoyak ac fahk, “Sulallal! Sulallal!”
13Então ela olhou, e eis que o rei estava junto à sua coluna na entrada, com os capitães e os trombetistas junto ao rei. Todo o povo da terra se alegrava e tocava trombetas. Os cantores também tocavam instrumentos musicais e lideravam o canto de louvor. Então Atalia rasgou suas roupas e disse: “Traição! Traição!”
14Jehoiada el tia lungse in anwuki Athaliah sisken Tempul uh. Ouinge el pangon captain lun un mwet mweun ac fahk nu selos, “Usalla inmasrlon tak lun mwet mweun an, ac uniya kutena mwet su srike in molella.”
14O sacerdote Joiada trouxe para fora os capitães de cem que estavam nomeados sobre o exército, e lhes disse: “Tragam-na para fora por entre as fileiras; e quem quer que a siga, que seja morto à espada.” Pois o sacerdote disse: “Não a matem na casa do SENHOR.”
15Elos sruokilya ac usalla nu lohm sin tokosra, ac elos unilya sisken Mutunpot Horse.
15Então eles abriram caminho para ela. Ela foi até a entrada da porta dos cavalos para a casa do rei; e eles a mataram lá.
16Jehoiada, mwet tol, el orala sie wulela tuh el, ac Tokosra Joash, ac mwet uh, ac fah mwet lun LEUM GOD .
16Joiada fez uma aliança entre si mesmo, todo o povo e o rei, de que eles seriam o povo do SENHOR.
17Na elos nukewa som nu ke tempul lal Baal ac kunausla. Elos fukulya loang we ac ma sruloala we, ac unilya Mattan, mwet tol lun Baal, sisken loang we.
17Todo o povo foi à casa de Baal, a derrubou, quebrou seus altares e suas imagens em pedaços, e matou Matã, o sacerdote de Baal, diante dos altares.
18Jehoiada el sang orekma nukewa in Tempul in oan inpoun mwet tol ac mwet Levi. Elos in oru oana oakwuk lal Tokosra David nu selos ac in furreak ma ac kisakinyuk nu sin LEUM GOD , fal nu ke Ma Sap lal Moses. Ma pac kunalos in karingin on ac pacl in akfulat.
18Joiada nomeou os oficiais da casa do SENHOR sob a direção dos sacerdotes levíticos, os quais Davi havia distribuído na casa do SENHOR, para oferecerem os holocaustos do SENHOR, como está escrito na lei de Moisés, com alegria e com cânticos, conforme Davi havia ordenado.
19Jehoiada el oayapa filiya mwet topang ke mutunoa in Tempul, tuh kutena mwet su tia nasnas fal nu ke oakwuk lun alu, in tia utyak nu we.
19Ele colocou os guardas das portas nas portas da casa do SENHOR, para que ninguém que estivesse impuro em qualquer coisa entrasse.
20Captain lun un mwet mweun, sifen sou, mwet kacto, ac mwet nukewa saya, elos welul Jehoiada pwanulla tokosra liki Tempul nu ke lohm sin tokosra. Elos utyak ke mutunpot se ma oa emeet, na tokosra el som muta fin tron lal ah.
20Ele tomou os capitães de cem, os nobres, os governantes do povo e todo o povo da terra, e desceu com o rei da casa do SENHOR. Eles passaram pela porta superior para a casa do rei, e assentaram o rei no trono do reino.
21Insien mwet nukewa sessesla ke engan, ac siti sac muta misla tukun Athaliah el anwuki.
21Assim, todo o povo da terra se alegrou, e a cidade ficou tranquila. Eles haviam matado Atalia à espada.
Tip: use the ← and → keys to turn chapters.