Psalmaro 23
Londona Biblio (Esperanto, 1910)Translation
Coptic New Testament has no text for this chapter yet.
1La Eternulo estas mia paŝtisto; mi mankon ne havos.
2Sur verdaj herbejoj Li ripozigas min, Apud trankvilaj akvoj Li kondukas min.
3Li kvietigas mian animon; Li kondukas min laŭ vojo de la vero, pro Sia nomo.
4Eĉ kiam mi iros tra valo de densa mallumo, Mi ne timos malbonon, ĉar Vi estas kun mi; Via bastono kaj apogiĝilo trankviligos min.
5Vi kovras por mi tablon antaŭ miaj malamikoj; Vi ŝmiris per oleo mian kapon, mia pokalo estas plenigita.
6Nur bono kaj favoro sekvos min en la daŭro de mia tuta vivo; Kaj mi restos en la domo de la Eternulo eterne.
Tip: use the ← and → keys to turn chapters.