ሄኖክ 5
1 Enoch (Ethiopic Book of Enoch)Original language
1 Enoch (Ethiopic Book of Enoch)
1 Enoch (Ethiopic Book of Enoch)
1ጠየቁ፡ እፎ፡ ዕፀው፡ በሐመልማለ፡ አቍጽል፡ ይትከደኑ፡ ወይፈርዩ፡ ወለብዉ፡ በእንተ፡ ኵሉ፡ በከመ፡ ገብረ፡ ለክሙ፡ ለእሎንቱ፡ ኵሎሙ፡ ዘሕያው፡ ለዓለም።
1ጠየቁ፡ እፎ፡ ዕፀው፡ በሐመልማለ፡ አቍጽል፡ ይትከደኑ፡ ወይፈርዩ፡ ወለብዉ፡ በእንተ፡ ኵሉ፡ በከመ፡ ገብረ፡ ለክሙ፡ ለእሎንቱ፡ ኵሎሙ፡ ዘሕያው፡ ለዓለም።
2ወምግባሩ፡ ቅድሜሁ፡ ለለ፡ ዓመት፡ ዘይከውን፡ ወኵሉ፡ ምግባሩ፡ ይትቀነዩ፡ ሎቱ፡ ወኢይትመየጡ፡ አላ፡ በከመ፡ ሠርዐ፡ አምላክ፡ ከመ፡ ዝ፡ ይትገበር፡ ኵሉ።
2ወምግባሩ፡ ቅድሜሁ፡ ለለ፡ ዓመት፡ ዘይከውን፡ ወኵሉ፡ ምግባሩ፡ ይትቀነዩ፡ ሎቱ፡ ወኢይትመየጡ፡ አላ፡ በከመ፡ ሠርዐ፡ አምላክ፡ ከመ፡ ዝ፡ ይትገበር፡ ኵሉ።
3ወርእዩ፡ እፎ፡ አብሕርት፡ ወአፍላግ፡ ኅቡረ፡ ይፌጽሙ፡ ኵሎ፡ ግብሮሙ።
3ወርእዩ፡ እፎ፡ አብሕርት፡ ወአፍላግ፡ ኅቡረ፡ ይፌጽሙ፡ ኵሎ፡ ግብሮሙ።
4ወአንትሙሰ፡ ኢተዐገሥክሙ፡ ወኢገበርክሙ፡ ትእዛዘ፡ እግዚእ፡ አላ፡ ተዐደውክሙ፡ ወሐመይክሙ፡ ዐቢያተ፡ ወድሩካተ፡ ቃላተ፡ በአፍ፡ ርኵስት፡ ዘዚኣክሙ፡ ላዕለ፡ ዕበየ፡ ዚኣሁ፡ ይቡሳነ፡ ልብ፡ ኢትከውነክሙ፡ ሰላም።
4ወአንትሙሰ፡ ኢተዐገሥክሙ፡ ወኢገበርክሙ፡ ትእዛዘ፡ እግዚእ፡ አላ፡ ተዐደውክሙ፡ ወሐመይክሙ፡ ዐቢያተ፡ ወድሩካተ፡ ቃላተ፡ በአፍ፡ ርኵስት፡ ዘዚኣክሙ፡ ላዕለ፡ ዕበየ፡ ዚኣሁ፡ ይቡሳነ፡ ልብ፡ ኢትከውነክሙ፡ ሰላም።
5ወበእንተ፡ ዝ፡ አንትሙ፡ መዋዕሊክሙ፡ ትረግሙ፡ ወዓመታተ፡ ሕይወትክሙ፡ ታሀጕሉ፡ ወይበዝኅ፡ መርገም፡ ዘለዓለም፡ ወኢይከውነክሙ፡ ሣህል።
5ወበእንተ፡ ዝ፡ አንትሙ፡ መዋዕሊክሙ፡ ትረግሙ፡ ወዓመታተ፡ ሕይወትክሙ፡ ታሀጕሉ፡ ወይበዝኅ፡ መርገም፡ ዘለዓለም፡ ወኢይከውነክሙ፡ ሣህል።
6ወበውእቱ፡ መዋዕል፡ ትሁቡ፡ ሰላመ፡ ዚኣክሙ፡ በርግመት፡ ዘለዓለም፡ ለኵሉ፡ ጻድቃን፡ ወኪያክሙ፡ ይረግሙ፡ ኃጥኣን፡ ዘልፈ፡ ወለክሙ፡ ኅቡረ፡ ምስለ፡ ኃጥኣን።
6ወበውእቱ፡ መዋዕል፡ ትሁቡ፡ ሰላመ፡ ዚኣክሙ፡ በርግመት፡ ዘለዓለም፡ ለኵሉ፡ ጻድቃን፡ ወኪያክሙ፡ ይረግሙ፡ ኃጥኣን፡ ዘልፈ፡ ወለክሙ፡ ኅቡረ፡ ምስለ፡ ኃጥኣን።
7ወለኅሩያንሰ፡ ይከውን፡ ብርሃን፡ ወፍሥሓ፡ ወሰላም፡ ወእሙንቱ፡ ይወርስዋ፡ ለምድር፡ ወለክሙሰ፡ ረሲዓን፡ ይከውነክሙ፡ ርግመት።
7ወለኅሩያንሰ፡ ይከውን፡ ብርሃን፡ ወፍሥሓ፡ ወሰላም፡ ወእሙንቱ፡ ይወርስዋ፡ ለምድር፡ ወለክሙሰ፡ ረሲዓን፡ ይከውነክሙ፡ ርግመት።
8ወእመሂ፡ ይትወሀቦሙ፡ ለኅሩያን፡ ጥበብ፡ ወኵሎሙ፡ እሎንቱ፡ የሐይዉ፡ ወኢይደግሙ፡ አብሶ፡ ኢ፡ በረሲዕ፡ ወኢ፡ በትዕቢት፡ አላ፡ ይገንዩ፡ ዘቦሙ፡ ጥበብ።
8ወእመሂ፡ ይትወሀቦሙ፡ ለኅሩያን፡ ጥበብ፡ ወኵሎሙ፡ እሎንቱ፡ የሐይዉ፡ ወኢይደግሙ፡ አብሶ፡ ኢ፡ በረሲዕ፡ ወኢ፡ በትዕቢት፡ አላ፡ ይገንዩ፡ ዘቦሙ፡ ጥበብ።
9ወኢይደግሙ፡ አብሶ፡ ወኢይትኴነኑ፡ ኵሎ፡ መዋዕለ፡ ሕይወቶሙ፡ ወኢይመውቱ፡ በመዓት፡ ወኢ፡ በመቅሠፍት፡ አላ፡ ኍልቈ፡ መዋዕለ፡ ሕይወቶሙ፡ ይፌጽሙ፡ ወይልህቅ፡ ሕይወቶሙ፡ በሰላም፡ ወዓመታተ፡ ፍሥሓሆሙ፡ ይበዝኁ፡ በሐሤት፡ ወበሰላም፡ ዘለዓለም፡ ውስተ፡ ኵሉ፡ መዋዕለ፡ ሕይወቶሙ።
9ወኢይደግሙ፡ አብሶ፡ ወኢይትኴነኑ፡ ኵሎ፡ መዋዕለ፡ ሕይወቶሙ፡ ወኢይመውቱ፡ በመዓት፡ ወኢ፡ በመቅሠፍት፡ አላ፡ ኍልቈ፡ መዋዕለ፡ ሕይወቶሙ፡ ይፌጽሙ፡ ወይልህቅ፡ ሕይወቶሙ፡ በሰላም፡ ወዓመታተ፡ ፍሥሓሆሙ፡ ይበዝኁ፡ በሐሤት፡ ወበሰላም፡ ዘለዓለም፡ ውስተ፡ ኵሉ፡ መዋዕለ፡ ሕይወቶሙ።
Tip: use the ← and → keys to turn chapters.