ሄኖክ 1
1 Enoch (Ethiopic Book of Enoch)Original language
1 Enoch (Ethiopic Book of Enoch)
1 Enoch (Ethiopic Book of Enoch)
1ቃለ፡ በረከት፡ ዘሄኖክ፡ በከመ፡ ባረከ፡ ኅሩያነ፡ ወጻድቃነ፡ እለ፡ ሀለዉ፡ ይኩኑ፡ በዕለተ፡ ምንዳቤ፡ ለአሰስሎ፡ ኵሉ፡ እኩያን፡ ወረሲዓን።
1ቃለ፡ በረከት፡ ዘሄኖክ፡ በከመ፡ ባረከ፡ ኅሩያነ፡ ወጻድቃነ፡ እለ፡ ሀለዉ፡ ይኩኑ፡ በዕለተ፡ ምንዳቤ፡ ለአሰስሎ፡ ኵሉ፡ እኩያን፡ ወረሲዓን።
2ወአውሥአ፡ ሄኖክ፡ ወይቤ፡ ብእሲ፡ ጻድቅ፡ ዘእምኀበ፡ እግዚአብሔር፡ እንዘ፡ አዕይንቲሁ፡ ክሡታት፡ ወይሬኢ፡ ራእየ፡ ቅዱስ፡ ዘበሰማያት፡ ዘአርአዩኒ፡ መላእክት፡ ወሰማዕኩ፡ ዘእምኀቤሆሙ፡ ኵሎ፡ ወአእመርኩ፡ አነ፡ ዘእሬኢ፡ ወአኮ፡ ለዝ፡ ትውልድ፡ አላ፡ ለዘይመጽኡ፡ ትውልድ፡ ርሑቃን።
2ወአውሥአ፡ ሄኖክ፡ ወይቤ፡ ብእሲ፡ ጻድቅ፡ ዘእምኀበ፡ እግዚአብሔር፡ እንዘ፡ አዕይንቲሁ፡ ክሡታት፡ ወይሬኢ፡ ራእየ፡ ቅዱስ፡ ዘበሰማያት፡ ዘአርአዩኒ፡ መላእክት፡ ወሰማዕኩ፡ ዘእምኀቤሆሙ፡ ኵሎ፡ ወአእመርኩ፡ አነ፡ ዘእሬኢ፡ ወአኮ፡ ለዝ፡ ትውልድ፡ አላ፡ ለዘይመጽኡ፡ ትውልድ፡ ርሑቃን።
3በእንተ፡ ኅሩያን፡ እቤ፡ ወአውሣእኩ፡ በእንቲኣሆሙ፡ ምስለ፡ ዘይወፅእ፡ ቅዱስ፡ ወዐቢይ፡ እማኅደሩ።
3በእንተ፡ ኅሩያን፡ እቤ፡ ወአውሣእኩ፡ በእንቲኣሆሙ፡ ምስለ፡ ዘይወፅእ፡ ቅዱስ፡ ወዐቢይ፡ እማኅደሩ።
4ወአምላከ፡ ዓለም፡ ወእምህየ፡ ይከይድ፡ ዲበ፡ ሲና፡ ደብር፡ ወያስተርኢ፡ በትዕይንቱ፡ ወያስተርኢ፡ በጽንዐ፡ ኀይሉ፡ እምሰማይ።
4ወአምላከ፡ ዓለም፡ ወእምህየ፡ ይከይድ፡ ዲበ፡ ሲና፡ ደብር፡ ወያስተርኢ፡ በትዕይንቱ፡ ወያስተርኢ፡ በጽንዐ፡ ኀይሉ፡ እምሰማይ።
5ወይፈርሁ፡ ኵሉ፡ ወያድለቀልቁ፡ ትጉሃን፡ ወይነሥኦሙ፡ ፍርሀት፡ ወረዓድ፡ ዐቢይ፡ እስከ፡ አጽናፈ፡ ዓለም።
5ወይፈርሁ፡ ኵሉ፡ ወያድለቀልቁ፡ ትጉሃን፡ ወይነሥኦሙ፡ ፍርሀት፡ ወረዓድ፡ ዐቢይ፡ እስከ፡ አጽናፈ፡ ዓለም።
6ወይደነግፁ፡ አድባር፡ ነዋኃን፡ ወይቴሐቱ፡ አውግር፡ ነዊኃን፡ ወይትመሰዉ፡ ከመ፡ መዓረ፡ ግራ፡ እምላህብ።
6ወይደነግፁ፡ አድባር፡ ነዋኃን፡ ወይቴሐቱ፡ አውግር፡ ነዊኃን፡ ወይትመሰዉ፡ ከመ፡ መዓረ፡ ግራ፡ እምላህብ።
7ወትሰጠም፡ ምድር፡ ወኵሉ፡ ዘውስተ፡ ምድር፡ ይትሀጐል፡ ወይከውን፡ ፍትሕ፡ ላዕለ፡ ኵሉ፡ ወላዕለ፡ ጻድቃን፡ ኵሎሙ።
7ወትሰጠም፡ ምድር፡ ወኵሉ፡ ዘውስተ፡ ምድር፡ ይትሀጐል፡ ወይከውን፡ ፍትሕ፡ ላዕለ፡ ኵሉ፡ ወላዕለ፡ ጻድቃን፡ ኵሎሙ።
8ለጻድቃንሰ፡ ሰላመ፡ ይገብር፡ ሎሙ፡ ወየዐቅቦሙ፡ ለኅሩያን፡ ወይከውን፡ ሣህል፡ ላዕሌሆሙ፡ ወይከውኑ፡ ኵሎሙ፡ ዘአምላክ፡ ወይሤርሑ፡ ወይትባረኩ፡ ወይበርህ፡ ሎሙ፡ ብርሃነ፡ አምላክ።
8ለጻድቃንሰ፡ ሰላመ፡ ይገብር፡ ሎሙ፡ ወየዐቅቦሙ፡ ለኅሩያን፡ ወይከውን፡ ሣህል፡ ላዕሌሆሙ፡ ወይከውኑ፡ ኵሎሙ፡ ዘአምላክ፡ ወይሤርሑ፡ ወይትባረኩ፡ ወይበርህ፡ ሎሙ፡ ብርሃነ፡ አምላክ።
9ወናሁ፡ መጽአ፡ በትእልፊት፡ ቅዱሳን፡ ከመ፡ ይግበር፡ ፍትሐ፡ ላዕሌሆሙ፡ ወያህጕሎሙ፡ ለረሲዓን፡ ወይትዋቀሥ፡ ኵሎ፡ ዘሥጋ፡ በእንተ፡ ኵሉ፡ ዘገብሩ፡ ወረሰዩ፡ ላዕሌሁ፡ ኃጥኣን፡ ወረሲዓን።
9ወናሁ፡ መጽአ፡ በትእልፊት፡ ቅዱሳን፡ ከመ፡ ይግበር፡ ፍትሐ፡ ላዕሌሆሙ፡ ወያህጕሎሙ፡ ለረሲዓን፡ ወይትዋቀሥ፡ ኵሎ፡ ዘሥጋ፡ በእንተ፡ ኵሉ፡ ዘገብሩ፡ ወረሰዩ፡ ላዕሌሁ፡ ኃጥኣን፡ ወረሲዓን።
Tip: use the ← and → keys to turn chapters.