ሄኖክ 77
1 Enoch (Ethiopic Book of Enoch)Original language
1 Enoch (Ethiopic Book of Enoch)
1 Enoch (Ethiopic Book of Enoch)
1ይጼውዕዎ፡ ለነፋስ፡ ቀዳማዊ፡ ጽባሓዊ፡ እስመ፡ ቀዳማዊ፡ ውእቱ፡ ወይጼውዕዎ፡ ለካልእ፡ አዜብ፡ እስመ፡ ልዑል፡ ህየ፡ ይወርድ፡ ወፈድፋደ፡ ህየ፡ ይወርድ፡ ቡሩክ፡ ዘለዓለም።
1ይጼውዕዎ፡ ለነፋስ፡ ቀዳማዊ፡ ጽባሓዊ፡ እስመ፡ ቀዳማዊ፡ ውእቱ፡ ወይጼውዕዎ፡ ለካልእ፡ አዜብ፡ እስመ፡ ልዑል፡ ህየ፡ ይወርድ፡ ወፈድፋደ፡ ህየ፡ ይወርድ፡ ቡሩክ፡ ዘለዓለም።
2ወለነፋስ፡ ዘእምዕራብ፡ ስሙ፡ ንቱግ፡ እስመ፡ በህየ፡ የሐጽጹ፡ ኵሉ፡ ብርሃናተ፡ ሰማይ፡ ወይወርዱ።
2ወለነፋስ፡ ዘእምዕራብ፡ ስሙ፡ ንቱግ፡ እስመ፡ በህየ፡ የሐጽጹ፡ ኵሉ፡ ብርሃናተ፡ ሰማይ፡ ወይወርዱ።
3ወራብዕ፡ ነፋስ፡ ዘስሙ፡ መስዕ፡ ይትከፈል፡ ሠለስተ፡ ክፍለ፡ ወአሐዱ፡ እምኔሆሙ፡ ማኅደር፡ ለሰብእ፡ ወካልእ፡ በአብሕርተ፡ ማያት፡ ወበቀላያት፡ ወበዖም፡ ወበአፍላግ፡ ወበጽልመት፡ ወበጊሜ፡ ወሣልስ፡ ክፍል፡ በገነተ፡ ጽድቅ።
3ወራብዕ፡ ነፋስ፡ ዘስሙ፡ መስዕ፡ ይትከፈል፡ ሠለስተ፡ ክፍለ፡ ወአሐዱ፡ እምኔሆሙ፡ ማኅደር፡ ለሰብእ፡ ወካልእ፡ በአብሕርተ፡ ማያት፡ ወበቀላያት፡ ወበዖም፡ ወበአፍላግ፡ ወበጽልመት፡ ወበጊሜ፡ ወሣልስ፡ ክፍል፡ በገነተ፡ ጽድቅ።
4ወሰብዐተ፡ አድባረ፡ ነዊኀነ፡ ርኢኩ፡ እለ፡ ይነውኁ፡ እምኵሉ፡ አድባር፡ እለ፡ ውስተ፡ ምድር፡ ወእምኔሆሙ፡ ይወፅእ፡ አስሐትያ፡ ወየኀልፍ፡ ወየሐውር፡ መዋዕል፡ ወዘመን፡ ወዓመት።
4ወሰብዐተ፡ አድባረ፡ ነዊኀነ፡ ርኢኩ፡ እለ፡ ይነውኁ፡ እምኵሉ፡ አድባር፡ እለ፡ ውስተ፡ ምድር፡ ወእምኔሆሙ፡ ይወፅእ፡ አስሐትያ፡ ወየኀልፍ፡ ወየሐውር፡ መዋዕል፡ ወዘመን፡ ወዓመት።
5ወሰብዐተ፡ አፍላገ፡ ዲበ፡ ምድር፡ ርኢኩ፡ ዐበይት፡ እምኵሎሙ፡ አፍላግ፡ አሐዱ፡ እምኔሆሙ፡ ይመጽእ፡ እምዐረብ፡ ወውስተ፡ ባሕር፡ ዐቢይ፡ ይክዑ፡ ማዮ።
5ወሰብዐተ፡ አፍላገ፡ ዲበ፡ ምድር፡ ርኢኩ፡ ዐበይት፡ እምኵሎሙ፡ አፍላግ፡ አሐዱ፡ እምኔሆሙ፡ ይመጽእ፡ እምዐረብ፡ ወውስተ፡ ባሕር፡ ዐቢይ፡ ይክዑ፡ ማዮ።
6ወእልክቱ፡ ክልኤቱ፡ ይመጽኡ፡ እመስዕ፡ እስከ፡ ባሕር፡ ወይክዕዉ፡ ማዮሙ፡ በባሕረ፡ ኤርትራ፡ እምሥራቅ።
6ወእልክቱ፡ ክልኤቱ፡ ይመጽኡ፡ እመስዕ፡ እስከ፡ ባሕር፡ ወይክዕዉ፡ ማዮሙ፡ በባሕረ፡ ኤርትራ፡ እምሥራቅ።
7ወእለ፡ ተርፉ፡ አርባዕቱ፡ ይወፅኡ፡ በገቦ፡ መስዕ፡ እስከ፡ ባሕረ፡ ዚኣሆሙ፡ ባሕረ፡ ኤርትራ፡ ወክልኤቱ፡ በባሕር፡ ዐቢይ፡ ይሠወጡ፡ ወበህየ፡ ይቤሉ፡ መድበራ።
7ወእለ፡ ተርፉ፡ አርባዕቱ፡ ይወፅኡ፡ በገቦ፡ መስዕ፡ እስከ፡ ባሕረ፡ ዚኣሆሙ፡ ባሕረ፡ ኤርትራ፡ ወክልኤቱ፡ በባሕር፡ ዐቢይ፡ ይሠወጡ፡ ወበህየ፡ ይቤሉ፡ መድበራ።
8ሰብዐ፡ ደሰያተ፡ ዐበይተ፡ ርኢኩ፡ በባሕር፡ ወበምድር፡ ክልኤቱ፡ በምድር፡ ወኀምስቱ፡ በባሕር፡ ዐቢይ።
8ሰብዐ፡ ደሰያተ፡ ዐበይተ፡ ርኢኩ፡ በባሕር፡ ወበምድር፡ ክልኤቱ፡ በምድር፡ ወኀምስቱ፡ በባሕር፡ ዐቢይ።
Tip: use the ← and → keys to turn chapters.