1YA jatutujon otro biaje mananagüe gui oriyan tase; ya mandaña guiya güiya dangculo na linajyan taotao, enao mina jumalom gui un batco, ya matachong gui tase; ya todo y linajyan taotao manestaba gui jilo tano gui oriyan tase.

1Again he began to teach by the seaside. A great multitude was gathered to him, so that he entered into a boat in the sea and sat down. All the multitude were on the land by the sea.

2Ya jafanagüe sija megae pot acomparasion, ya ilegña nu sija gui finanagüeña.

2He taught them many things in parables, and told them in his teaching,

3Ecungog: Estagüe y tatanom na jumuyong para ufananom.

3“Listen! Behold, the farmer went out to sow.

4Ya anae manananom, palo mamodong gui oriyan chalan; ya mato y pajaron y aire ya macano.

4As he sowed, some seed fell by the road, and the birds came and devoured it.

5Ya y palo mamodong gui jilo acho, anae ti megae na oda; ya enseguidas mandoco, sa ti tadong gui eda.

5Others fell on the rocky ground, where it had little soil, and immediately it sprang up, because it had no depth of soil.

6Lao anae cajulo y atdao, sinenggue, sa taejaleñija manmalayo.

6When the sun had risen, it was scorched; and because it had no root, it withered away.

7Ya y palo mamodong gui entalo tituca sija; ya mandoco y tituca sija, ya chiniguet, ya ti manogcha.

7Others fell among the thorns, and the thorns grew up and choked it, and it yielded no fruit.

8Ya y palo mamodong gui mauleg na tano, ya manmanogcha, ya mangajulo ya manmegae; ya uno manogcha treinta, y otro sesenta, y otro ciento.

8Others fell into the good ground and yielded fruit, growing up and increasing. Some produced thirty times, some sixty times, and some one hundred times as much.”

9Ayo nae ilegña nu sija: Y gae talanga para ufanjungog, güiya uecungog.

9He said, “Whoever has ears to hear, let him hear.”

10Ya anae estaba güe güiyaja, y manestaba gue oriyaña yan y dose, mafaesen güi ni y acomparasion sija.

10When he was alone, those who were around him with the twelve asked him about the parables.

11Ya ilegña nu sija: Jamyo manmanae y misterion raenon Yuus; lao y mangaegue gui sumanjiyong, pot acomparasion nae umafatinas todo estesija;

11He said to them, “To you is given the mystery of God’s Kingdom, but to those who are outside, all things are done in parables,

12Para y manlilie, jalie ya ti jasiente; ya y manecungog, manmanjungog, lao ti jatungo; sa no sea ufanmabra talo, ya ufanmmaasie ni isaoñija.

12that ‘seeing they may see and not perceive, and hearing they may hear and not understand, lest perhaps they should turn again, and their sins should be forgiven them.’”

13Ya ilegña nu sija: Ti intingo este na acomparasion? Jafa taemano nae, tungonmiyo todo ni acomparasion sija?

13He said to them, “Don’t you understand this parable? How will you understand all of the parables?

14Y tatanom jatanme y finijo.

14The farmer sows the word.

15Ya este yuje sija y oriyan chalan, anae manmatanme y finijo; lao despues di jajungog, mato si Satanas, enseguidas, ya janajanao y finijo ni matanme gui corasonñija.

15The ones by the road are the ones where the word is sown; and when they have heard, immediately Satan comes and takes away the word which has been sown in them.

16Parejoja locue yan este sija y manmatanme gui jilo acho; anae majungog y finijo, enseguidas maresibe todo ni y minagofñija;

16These in the same way are those who are sown on the rocky places, who, when they have heard the word, immediately receive it with joy.

17Lao taya jaleñija, ya ti jadura apmam; sa anae cajulo y triniste, pat y pinetsigue pot y finijo, enseguidas maninefende.

17They have no root in themselves, but are short-lived. When oppression or persecution arises because of the word, immediately they stumble.

18Ya este yuje sija y manmatanme gui entalo tituca sija; y jumungog y finijo;

18Others are those who are sown among the thorns. These are those who have heard the word,

19Lao y inadajen este y tano, yan y dinaguen y güinaja sija, yan y minalago ni guaja gui palo güinaja sija, manjalom ya machiguet y finijo ya jumuyong ti manogcha.

19and the cares of this age, and the deceitfulness of riches, and the lusts of other things entering in choke the word, and it becomes unfruitful.

20Ya este yuje sija y manmatanme gui mauleg na tano; y jumungog y finijo ya maresibe, ya manmanogcha, ya uno treinta y otro sesenta, y otro siento.

20Those which were sown on the good ground are those who hear the word, accept it, and bear fruit, some thirty times, some sixty times, and some one hundred times.”

21Ylegña nu sija locue: Esta machule y candet para umapolo gui papa medida, pat gui papa cama? Ya ti para umapolo gui jilo lamasa?

21He said to them, “Is a lamp brought to be put under a basket or under a bed? Isn’t it put on a stand?

22Sa taya na manaatog, ti umafatanñaejon; ni gae gui secreto ya ti umababa.

22For there is nothing hidden except that it should be made known, neither was anything made secret but that it should come to light.

23Yaguin guaja gaetalanga para ufanjungog, güiya uecungog.

23If any man has ears to hear, let him hear.”

24Ylegña nu sija locue: Adaje jafa y jiningogmiyo. Y medida anae inmediye sija, ayoja nae infanmamidiye jamyo; ya infanmanae jamyo mas.

24He said to them, “Take heed what you hear. With whatever measure you measure, it will be measured to you; and more will be given to you who hear.

25Sa y guaja, umanae: ya y taya, esta y güinajaña, unajanao.

25For whoever has, to him more will be given; and he who doesn’t have, even that which he has will be taken away from him.”

26Ya ilegña: Taegüine y raenon Yuus, yaguin un taotao manyute semiya gui jalom oda;

26He said, “God’s Kingdom is as if a man should cast seed on the earth,

27Ya maego, ya cajulo gui puenge yan jaane, ya semiya mapta ya doco, ti jatungo jafataemano.

27and should sleep and rise night and day, and the seed should spring up and grow, though he doesn’t know how.

28Sa y tano güiyaja manogcha, finena jagon, enseguidas y espiga, despues y grano bula gui espiga.

28For the earth bears fruit by itself: first the blade, then the ear, then the full grain in the ear.

29Ya yaguin y tinegcha dumangculo, enseguidas mapolo y sese para mangoco, sa mato y cosecha.

29But when the fruit is ripe, immediately he puts in the sickle, because the harvest has come.”

30Ya ilegña: Jafajit nae tanaparejo y raenon Yuus? pat jafa na acomparasion nae taacompara?

30He said, “How will we liken God’s Kingdom? Or with what parable will we illustrate it?

31Parejo yan un granon mostasa, ni y anae matanme gui tano, achogja güiya mas diquique gui entalo todo y semiya sija ni y guaja gui jilo y tano.

31It’s like a grain of mustard seed, which, when it is sown in the earth, though it is less than all the seeds that are on the earth,

32Lao anae matanme, doco, ya güiya mas dangculo qui todo na golae, ya manramas ni mandangculo na ramasña; ya pot este y pajaron y aire siña mañaga gui papa y nijongña.

32yet when it is sown, grows up and becomes greater than all the herbs, and puts out great branches, so that the birds of the sky can lodge under its shadow.”

33Yan megae sija na acomparasion parejo yan este sija, jasangane sija finijo, jaftaemano y siña jajungog.

33With many such parables he spoke the word to them, as they were able to hear it.

34Ya sin acomparasion ti jasangane sija; lao y disipoluña sija anae mañisijaja janaclaruye todo.

34Without a parable he didn’t speak to them; but privately to his own disciples he explained everything.

35Ya ilegña nu sija güijija na jaane, anae esta pupuenge: Nije tafanmalofan gui otro banda.

35On that day, when evening had come, he said to them, “Let’s go over to the other side.”

36Ya jadingo y linajyan taotao, ya macone güe mañija, anae gaegue güe sui jalom batco. Ya guaja locue palo diquique na batco mañisija.

36Leaving the multitude, they took him with them, even as he was, in the boat. Other small boats were also with him.

37Ya cajulo un dangculon pagyon manglo, ya jinatme ni napo sija y jalom batco, ya ninabula.

37A big wind storm arose, and the waves beat into the boat, so much that the boat was already filled.

38Ya güiya gaegue gui popa na mamaego gui jilo alunan; ya mayajo, ya ilegñija nu güiya: Maestro, taya unadadaje na infanmatae?

38He himself was in the stern, asleep on the cushion; and they woke him up and asked him, “Teacher, don’t you care that we are dying?”

39Ya cajulo güe, ya jalalatde y manglo, ya ilegña ni tase: Pacaca famatquilo. Ya bumasta y manglo, ya guaja dangculo na catma.

39He awoke and rebuked the wind, and said to the sea, “Peace! Be still!” The wind ceased and there was a great calm.

40Ya ilegña nu sija: Jafa jamyo na gosmanmaañao? Taye jinengguenmiyo trabia?

40He said to them, “Why are you so afraid? How is it that you have no faith?”

41Ya mangosmanmaañao, ya ilegñija entre sija: Jaye este, na asta y manglo yan y tase maosgue güe?

41They were greatly afraid and said to one another, “Who then is this, that even the wind and the sea obey him?”

Tip: use the ← and → keys to turn chapters.