Siope 5
Tongan Bible, Revised West VersionTranslation
Tongan Bible, Revised West Version
World English Bible
1“Ui eni, ka ʻoku ai ha taha te ne talia koe; pea ko hai ʻi he kau māʻoniʻoni te ke hanga ki ai?
1“Call now; is there any who will answer you? To which of the holy ones will you turn?
2He ʻoku tāmateʻi ʻe he houhau ʻae tangata vale, pea fakaʻauha ʻe he tuputāmaki ʻae fakavalevale.
2For resentment kills the foolish man, and jealousy kills the simple.
3Kuo u mamata ki he vale kuo aka, kae fakafokifā ne u tuku hono ʻapi ki he malaʻia.
3I have seen the foolish taking root, but suddenly I cursed his habitation.
4ʻOku mamaʻo ʻene fānau mo e hūfanga, ʻoku taʻomia ʻakinautolu ʻi he matapā, pea ʻoku ʻikai ha fakahaofia.
4His children are far from safety. They are crushed in the gate. Neither is there any to deliver them,
5ʻOku kai honau taʻu ʻe he fiekaia, ʻo ne faʻao ia, ʻio, mei he loto ʻakau talatala, pea ʻoku folo hifo ʻe he kaihaʻa ʻenau koloa.
5whose harvest the hungry eat up, and take it even out of the thorns. The snare gapes for their substance.
6Neongo ʻoku ʻikai ʻalu hake mei he efu ʻae angahala, pea ʻoku ʻikai tupu mei he kelekele ʻae mamahi;
6For affliction doesn’t come out of the dust, neither does trouble spring out of the ground;
7Ka kuo fanauʻi ʻae tangata ki he mamahi, ʻo hangē ko e puna hake ʻae kalofiama.
7but man is born to trouble, as the sparks fly upward.
8“Ko ia te u kumi ki he ʻOtua, pea te u tuku ʻeku ngāue ki he ʻOtua:
8“But as for me, I would seek God. I would commit my cause to God,
9He ko ia ia ʻoku ne faʻa fai ʻae ngaahi meʻa lahi mo taʻefaʻaʻilo; ko e ngaahi meʻa fakaofo mo taʻefaʻalaua:
9who does great things that can’t be fathomed, marvelous things without number;
10Ko ia ia ʻoku ne foaki ʻae ʻuha ki he kelekele, pea ne fekau hifo ʻae ngaahi vai ki he tokaʻanga ngoue:
10who gives rain on the earth, and sends waters on the fields;
11Koeʻuhi ke hiki ki ʻolunga ʻakinautolu ʻoku māʻulalo; kae hakeakiʻi ke moʻui ʻakinautolu ʻoku tangi.
11so that he sets up on high those who are low, those who mourn are exalted to safety.
12ʻOku ne motuhi ʻae fakakaukau ʻoe fie poto, pea ʻoku ʻikai faʻa fai ai ʻe honau nima ha momoʻi meʻa.
12He frustrates the plans of the crafty, so that their hands can’t perform their enterprise.
13ʻOku ne tauheleʻi ʻae poto ʻi heʻenau fiepoto: pea ko e fakakaukau ʻoe anga pikopiko ʻoku fakataʻeaongaʻi,
13He takes the wise in their own craftiness; the counsel of the cunning is carried headlong.
14ʻOku nau fekitaki mo e poʻuli ʻi he kei ʻaho, pea tautaufā ʻi he hoʻatāmālie ʻo hangē ko e pō.
14They meet with darkness in the day time, and grope at noonday as in the night.
15Ka ʻoku ne fakahaofia ʻae masiva mei he heletā ʻo honau ngutu, pea mei he nima ʻoe mālohi.
15But he saves from the sword of their mouth, even the needy from the hand of the mighty.
16ʻOku tupu ai ʻi he masiva ʻae ʻamanaki lelei, pea ko e angahala ʻe tāpuni hono ngutu ʻoʻona.
16So the poor has hope, and injustice shuts her mouth.
17“Vakai, ʻoku monūʻia ʻae tangata ʻoku tautea ʻe he ʻOtua: ko ia, ʻoua naʻa ke taʻetokangaʻi ʻae tautea mei he Māfimafi:
17“Behold, happy is the man whom God corrects. Therefore do not despise the chastening of the Almighty.
18He ʻoku ne fakamamahi, pea ʻoku ne nonoʻo: ʻoku ne hokaʻi, kae fakamoʻui ʻe hono nima ʻoʻona.
18For he wounds and binds up. He injures and his hands make whole.
19ʻE fakahaofi ʻe ia ʻa koe ʻi he mamahi ʻe ono: ʻio, ʻi he meʻa ʻe fitu ʻe ʻikai ha kovi te ne lavaʻi koe.
19He will deliver you in six troubles; yes, in seven no evil will touch you.
20Te ne huhuʻi koe mei he mate ʻi he honge: pea mei he mālohi ʻoe heletā ʻi he tau.
20In famine he will redeem you from death; in war, from the power of the sword.
21ʻE fufū koe mei he tautea ʻoe ʻelelo: pea ka haʻu ʻae fakaʻauha ʻe ʻikai te ke manavahē ai.
21You will be hidden from the scourge of the tongue, neither will you be afraid of destruction when it comes.
22Te ke kata koe ʻi he fakaʻauha mo e honge: pea ʻe ʻikai te ke manavahē ki he fanga manu fekai ʻoe fonua.
22You will laugh at destruction and famine, neither will you be afraid of the animals of the earth.
23He te mou kaumeʻa mo e ngaahi maka ʻoe fonua: pea ʻe fiemālie mo koe ʻae fanga manu ʻoe fonua.
23For you will be allied with the stones of the field. The animals of the field will be at peace with you.
24Pea te ke ʻilo ʻe melino pe ho nofoʻanga; te ke ʻaʻahi ki ho ʻapi, pea ʻe ʻikai te ke angahala.
24You will know that your tent is in peace. You will visit your fold, and will miss nothing.
25Pea te ke ʻilo foki ʻe tokolahi ho hako, pea ʻe tatau hoʻo fānau mo e mohuku ʻoe fonua.
25You will know also that your offspring will be great, your offspring as the grass of the earth.
26Te ke hoko ki ho tanuʻanga ʻi he motuʻa lelei, ʻo hangē ko e ʻū koane ʻi hono faʻahitaʻu.
26You will come to your grave in a full age, like a shock of grain comes in its season.
27Vakai ko e meʻa ni, kuo mau ʻekea, pea ʻoku pehē pe ia; fanongo ki ai, pea ke ʻilo ia maʻau.
27Behold, we have researched it. It is so. Hear it, and know it for your good.”
Tip: use the ← and → keys to turn chapters.