Psalmorum 100
Greek New Testament, word by word (STEPBible TAGNT) has no text for this chapter yet.
Psalmus ipsi David. [Misericordiam et judicium cantabo tibi, Domine; psallam,
2et intelligam in via immaculata: quando venies ad me? Perambulabam in innocentia cordis mei, in medio domus meæ.
3Non proponebam ante oculos meos rem injustam; facientes prævaricationes odivi; non adhæsit mihi
4cor pravum; declinantem a me malignum non cognoscebam.
5Detrahentem secreto proximo suo, hunc persequebar: superbo oculo, et insatiabili corde, cum hoc non edebam.
6Oculi mei ad fideles terræ, ut sedeant mecum; ambulans in via immaculata, hic mihi ministrabat.
7Non habitabit in medio domus meæ qui facit superbiam; qui loquitur iniqua non direxit in conspectu oculorum meorum.
8In matutino interficiebam omnes peccatores terræ, ut disperderem de civitate Domini omnes operantes iniquitatem.]
Tip: use the ← and → keys to turn chapters.