Job 15
JPS Tanakh (Jewish Publication Society, 1917)
Tongan Bible, Revised West Version
1Then answered Eliphaz the Temanite, and said:
1Pea naʻe toki tali ʻe Elifasi mei Timani, ʻo ne pehē,
2Should a wise man make answer with windy knowledge, and fill his belly with the east wind?
2“He ʻoku taau mo e tangata poto ke lau meʻa vaʻinga, mo fakapito hono kete ʻaki ʻae matangi hahake?
3Should he reason with unprofitable talk, or with speeches wherewith he can do no good?
3ʻOku taau ʻene leaʻaki ʻae lea taʻeʻaonga? Pe ko e ngaahi lau ʻe ʻikai te ne lavaʻi ʻaki ha lelei?
4Yea, thou doest away with fear, and impairest devotion before God.
4ʻIo, ʻoku ke liʻaki ʻae manavahē, pea ke taʻofi ʻae lotu ʻi he ʻao ʻoe ʻOtua.
5For thine iniquity teacheth thy mouth, and thou choosest the tongue of the crafty.
5He ʻoku lea ʻaki ʻe ho ngutu ʻa hoʻo angahala, ka ʻoku ke fili ki he ʻelelo ʻoe fakaoloolo.
6Thine own mouth condemneth thee, and not I; yea, thine own lips testify against thee.
6ʻOku talatalaakiʻi koe ʻe ho ngutu pe ʻoʻou, kae ʻikai ko au: ʻio, ko ho loungutu pe ʻoʻou ʻoku fakamoʻoni kiate koe.
7Art thou the first man that was born? Or wast thou brought forth before the hills?
7“He ko e ʻuluaki tangata koe naʻe fanauʻi? Pe naʻe fakatupu koe ʻi muʻa ʻi he ngaahi moʻunga?
8Dost thou hearken in the council of God? And dost thou restrain wisdom to thyself?
8He kuo ke fanongo ʻe koe ki he meʻa fufū ʻae ʻOtua? Pea ʻoku ke fakangata ʻae poto kiate koe?
9What knowest thou, that we know not? What understandest thou, which is not in us?
9Ko e hā ʻoku ke ʻilo, ka ʻoku ʻikai te mau ʻilo? Ko e hā ʻoku ke ʻilo pau, ʻaia ʻoku ʻikai ʻiate kimautolu?
10With us are both the gray-headed and the very aged men, much older than thy father.
10ʻOku ʻiate kimautolu ʻae ʻuluhinā mo e kau mātuʻa, ʻoku motuʻa lahi ʻi hoʻo tamai.
11Are the consolations of God too small for thee, and the word that dealeth gently with thee?
11He ʻoku siʻi ʻae ngaahi fakafiemālie ʻae ʻOtua kiate koe? He ʻoku ai ha meʻa fakalilolilo ʻiate koe?
12Why doth thy heart carry thee away? And why do thine eyes wink?
12Ko e hā ʻoku ʻāvea ai koe ʻe ho loto? Pea ʻoku lalama ho mata ʻi he hā.
13That thou turnest thy spirit against God, and lettest such words go out of thy mouth.
13Koeʻuhi ʻoku ke fakafoki ho loto ke tuʻu ki he ʻOtua, pea tuku ke tafe ʻae ngaahi lea ni mei ho ngutu?
14What is man, that he should be clean? And he that is born of a woman, that he should be righteous?
14Ko e hā ʻae tangata, ke pehē ʻoku maʻa ia? Pe ha taha ʻoku fanauʻi ʻe he fefine, ke pehē ʻoku tonuhia ia?
15Behold, He putteth no trust in His holy ones; yea, the heavens are not clean in His sight.
15Vakai, ʻoku ʻikai falala siʻi ʻe ia ki heʻene kau māʻoniʻoni; ʻio, naʻa mo e ngaahi langi ʻoku ʻikai maʻa ia ʻi hono ʻao.
16How much less one that is abominable and impure, man who drinketh iniquity like water!
16Ka ʻe fēfē hono lahi hake ʻoe fakalielia mo e ʻuli ʻoe tangata, ʻaia ʻoku ne inumia ʻae angahala ʻo hangē ha vai?
17I will tell thee, hear thou me; and that which I have seen I will declare —
17“Te u fakahā kiate koe, fanongo kiate au; pea ko ia kuo u mamata ai te u fakamatala atu;
18Which wise men have told from their fathers, and have not hid it;
18ʻAia naʻe tala ʻe he kakai poto mei heʻenau ngaahi tamai, ʻo ʻikai fufū ia:
19Unto whom alone the land was given, and no stranger passed among them.
19ʻAkinautolu pē naʻe foaki ki ai ʻae fonua, pea naʻe ʻikai feʻaluʻaki ha muli ʻiate kinautolu.
20The wicked man travaileth with pain all his days, even the number of years that are laid up for the oppressor.
20ʻOku langa mamahi ʻae tangata angahala ʻi he ʻaho kotoa pē, pea ʻoku fufū mei he fakaaoao ʻae lau ʻoe ngaahi taʻu.
21A sound of terrors is in his ears: in prosperity the destroyer shall come upon him.
21Ko e ongo fakailifia ʻoku ʻi hono telinga: ʻi he lolotonga ʻo ʻene monūʻia ʻe hoko kiate ia ʻae fakaʻauha.
22He believeth not that he shall return out of darkness, and he is waited for of the sword.
22ʻOku ʻikai ʻamanaki ʻe ia ke ne liu mai mei he fakapoʻuli, pea ʻoku talia ia ʻe he heletā.
23He wandereth abroad for bread: 'Where is it?' He knoweth that the day of darkness is ready at his hand.
23ʻOku ʻalu fano pe ia ʻo kumi ʻae mā, ʻo pehē, ‘Ko mā ia?’ ʻOku ne ʻilo ʻoku ofi ʻae ʻaho ʻoe fakapoʻuli.
24Distress and anguish overwhelm him; they prevail against him, as a king ready to the battle.
24ʻE fakamanavahēʻi ia ʻe he mamahi mo e feinga; te na ikuna ia, ʻo hangē ha tuʻi kuo teu ki he tuʻa.
25Because he hath stretched out his hand against God, and behaveth himself proudly against the Almighty;
25He ʻoku ne mafao atu hono nima ki he ʻOtua, ʻo ne fakamālohi ia ʻo tuʻu ki he Māfimafi.
26He runneth upon him with a stiff neck, with the thick bosses of his bucklers.
26ʻOku ne ʻohofi kiate ia, ʻio, ki hono kia, ki he ngaahi potu matolu ʻo hono sifa fatafata:
27Because he hath covered his face with his fatness, and made collops of fat on his loins;
27Koeʻuhi ʻoku ne fai ke fuʻu pupula hono mata, pea ne fangapesi ke matolu ʻae ngako ʻi hono ngaahi potu.
28And he hath dwelt in desolate cities, in houses which no man would inhabit, which were ready to become heaps.
28Ka ʻoku ne nofo ʻi he ngaahi kolo lala, ʻi he ngaahi fale ʻoku ʻikai nofo ai ha taha, ʻaia kuo tuʻutuʻuni ko e ngaahi tuʻunga veve.
29He shall not be rich, neither shall his substance continue, neither shall their produce bend to the earth.
29ʻE ʻikai koloaʻia ia, ʻe ʻikai tuʻumaʻu ʻene ngaahi meʻa, pea ʻe ʻikai te ne faʻa fai ke fakatolonga hono lelei ʻi he fonua.
30He shall not depart out of darkness; the flame shall dry up his branches, and by the breath of His mouth shall he go away.
30ʻE ʻikai ʻalu ia mei he fakapoʻuli; ʻe mangia ʻe he afi ʻa hono ngaahi vaʻa, pea ʻi he mānava ʻo hono fofonga ʻe mole atu ia.
31Let him not trust in vanity, deceiving himself; for vanity shall be his recompense.
31Ke ʻoua naʻa falala ia ʻaia kuo kākaaʻi ki he vaʻinga: ko hono totongi ko e vaʻinga pe.
32It shall be accomplished before his time, and his branch shall not be leafy.
32ʻE fakamoʻoni eni ʻi he teʻeki hoko hono ʻaho, pea ʻe ʻikai maʻuiʻui hono vaʻa.
33He shall shake off his unripe grape as the vine, and shall cast off his flower as the olive.
33ʻE lulu ʻe ia ke tō hono fuhi kālepi taʻemomoho ʻo hangē pe ko e vaine, pea te ne fakamokulu hono fisi ʻo hangē pē ko e ʻolive.
34For the company of the godless shall be desolate, and fire shall consume the tents of bribery.
34He koeʻuhi ʻe lala ʻae fakatahaʻanga ʻoe kau angahala, pea ʻe fakaʻauha ʻe he afi ʻae ngaahi fale naʻe maʻu ʻaki ʻae koloa kovi.
35They conceive mischief, and bring forth iniquity, and their belly prepareth deceit.
35ʻOku nau tuʻituʻia ʻi he pauʻu, pea nau fanauʻi ʻae vaʻinga, pea ʻoku teuteu ʻe honau loto ʻae kākā.
Tip: use the ← and → keys to turn chapters.