テモテへの手紙第一 6
Freedom Bible (フリーダム・バイブル)Translation
Freedom Bible (フリーダム・バイブル)
Bible Mutal (Kosraean)
1くびきの下にある奴隷は皆、自分の主人をあらゆる敬意に値する者とみなしなさい。神の御名と教えが冒涜されないためです。
1Elos nukewa su mwet kohs elos in akilen lah fal elos in sunakin mwet leum lalos, tuh mwet uh in tia kaskas koluk ke Inen God ac ke kas in luti lasr.
2信者である主人を持つ奴隷は、主人が兄弟だからといって軽んじてはなりません。むしろ、いっそうよく仕えなさい。その奉仕の益を受ける主人は、信者であり、愛されている者だからです。これらのことを教え、勧めなさい。
2Ac elos su mwet kohs lun mwet lulalfongi elos in tia pilesralos, mweyen elos ma wialos in lulalfongi. Na elos in kulansupwalos in wo, mweyen elos su eis woiyen orekma lalos elos mwet lulalfongi su elos lungse. Kom enenu in luti ac fahkak kas inge.
3もしだれかが異なる教えを説き、私たちの主イエス・キリストの健全な言葉と、敬虔にかなう教えを受け入れないなら、
3Kutena mwet fin luti sie pacna kas in luti, ac tia insese nu ke mwe luti pwaye lun Jesus Christ Leum lasr ac kas in luti ke ouiyen alu lasr uh,
4その人は高慢で何も理解せず、議論や言葉をめぐる争いに取りつかれています。そこから、ねたみ、争い、悪口、邪悪な疑い、
4el sie mwet filang ac wangin etu lal. El lungse kusen siyuk wel ac akukuin ke kalmen kas, ac ouiya inge purakak sok, amei, sufan, ac fweni koluk,
5また、心が腐り、真理を失い、敬虔を利益の手段と考える人々の絶え間ないいさかいが生じます。そのような人々から離れなさい。
5ac kwacna alein yurin mwet su lofongla ac wangin pwaye yoro. Elos nunku mu alu uh mwe akkasrupye mwet.
6しかし、満ち足りる心を伴う敬虔こそ、大きな益です。
6Pwaye, alu uh oru sie mwet in arulana kasrup, el fin falkin ma su oasr yorol.
7私たちは何も世に持って来なかったのですから、何一つ持って出ることもできません。
7Tuh wangin ma kut tuh us tuku nu faclu, ac wangin pac ma kut fah usla liki faclu!
8食べ物と衣服があれば、それで満足しましょう。
8Ouinge fin oasr yorosr mwe mongo nasr ac nuknuk lasr, lela kut in falkin ma inge.
9しかし、金持ちになろうとする人々は、誘惑とわなに陥り、愚かで有害な多くの欲望に捕らえられます。それらは人を破滅と滅びに沈めます。
9A elos su lungse in kasrup, elos putatyang nu in mwe sruhf, ac sremla ke lung lun ikwa puspis lun ma lalfon ac mwe fosrnga, su amakunulosi ac kunauselosla.
10金銭を愛することは、あらゆる種類の悪の根です。ある人々は金銭を欲しがったために信仰から迷い出て、多くの苦しみで自分自身を刺し貫きました。
10Tuh lungse mani uh okan kain koluk nukewa, ac ke nunkun mani lun kutu mwet uh, oru elos fuhleak lulalfongi lalos ac sokoela nunak lalos ke mwe asor puspis.
11しかし、神の人よ、これらのものから逃れなさい。義、敬虔、信仰、愛、忍耐、柔和を追い求めなさい。
11A kom, Timothy, kom mwet lun God, na kom in sensenkin kom liki ma inge nukewa. Kwafeang tuh kom in suwoswos, mutal, lulalfongi, lungse, muteng, ac fakpap.
12信仰の立派な戦いを戦いなさい。あなたが召された永遠のいのちをしっかりつかみなさい。あなたは多くの証人の前で、立派な告白をしたのです。
12Kom in sang kuiyom ke kasrusr lun lulalfongi, ac sruokya ku moul ma pahtpat su kom pangonyuk nu kac ke kom tuh pulaik in fahkak lulalfongi lom ye mutun mwet loh puspis.
13すべてのものにいのちを与える神の前で、またポンテオ・ピラトの前で立派な告白をなさったキリスト・イエスの前で、私はあなたに命じます。
13Ye mutun God, su asang moul nu ke ma nukewa, ac ye mutun Christ Jesus, su tuh pulaik in fahkak ma el lulalfongi ye mutal Pontius Pilate, nga sap nu sum,
14私たちの主イエス・キリストが現れる時まで、この命令を汚れなく、非難されるところなく守りなさい。
14kom in liyaung ma sapkinyuk nu sum, tuh in nasnas moul lom ac wangin mwatum nu ke Len se Jesus Christ, Leum lasr, el ac sikme.
15その現れを、定められた時に示してくださる方は、幸いなる唯一の主権者、王たちの王、主たちの主です。
15Sikme lal ac fah tuku ke pacl fal, su ma ac srisrngiyuki sin God — El su fal in kaksakinyuk, ac wangin pac sie Leum saya, Tokosra lun tokosra uh, ac Leum lun leum uh.
16ただこの方だけが不死であり、近づくことのできない光の中に住んでおられます。だれもこの方を見たことがなく、見ることもできません。この方に誉れと永遠の力がありますように。アーメン。
16El mukena pa moul oemeet me ac nu tok ma pahtpat, ac tia ku in misa. El muta in kalem su mwet uh tia ku in ngetang nu kac. Soenna oasr mwet liyal; ac wangin pac mwet ac fah ku in liyal. Lela mwet uh in akfulatyal ac etu lah ku lal oan ma pahtpat! Amen.
17今の時代の金持ちに、高慢にならず、不確かな富に望みを置かず、私たちが楽しむためにすべてのものを豊かに与えてくださる生ける神に望みを置くよう命じなさい。
17Kom in sap nu selos su kasrupkin ma lun moul se inge elos in tia inse fulat, a elos in filiya finsrak lalos, tia ke mwe kasrup ma sukawil, a ke God, su ase yohk nu sesr ma nukewa in akenganye kut.
18また、良いことを行い、良い行いに富み、惜しまずに分け与え、喜んで人と分かち合うよう命じなさい。
18Sap nu selos in oru ma wo, in kasrup ke orekma wo, in insewowo in sang, ac akola in sang ma lalos in kasru mwet.
19こうして、来るべき時に備えて、自分のために確かな土台を築き、永遠のいのちをしっかりつかむようにさせなさい。
19Elos fin oru ouinge, elos ac fah oakiya sie pwelung wo nu selos sifacna nu ke pacl fahsru, na elos fah ku in sruokya moul pwaye su moul ma pahtpat.
20テモテよ、あなたに託されたものを守りなさい。むなしいおしゃべりと、偽って「知識」と呼ばれているものの反論を避けなさい。
20Timothy, liyaung ma itukot kom in karingin. Forla liki sramsram lusrongten ac akukuin wangin sripa, ma kutu mwet uh tafongla in nunku mu “Etauk” pa ingan.
21ある人々はその知識を公言し、そのため信仰から迷い出てしまいました。 あなたがたに恵みがありますように。アーメン。
21Kutu mwet uh fahk mu etauk ouinge oasr selos, oru elos tuhlac liki inkanek in lulalfongi. Lungkulang lun God in wi kowos nukewa.
Tip: use the ← and → keys to turn chapters.