Na Helu 13
Baibala Hemolele (Hawaiian Bible, 1868 revision)
World English Bible
1OLELO mai la o Iehova ia Mose, i mai la,
1The LORD spoke to Moses, saying,
2E hoouna aku oe i na kanaka e makaikai ai i ka aina o Kanaana, kahi a'u e haawi aku nei i na mamo a Iseraela: i hookahi kanaka o kela ohana a o keia ohana a na kupuna o lakou ka oukou e hoouna aku ai, he mau luna kela mea keia mea iwaena o lakou.
2“Send men, that they may spy out the land of Canaan, which I give to the children of Israel. Of every tribe of their fathers, you shall send a man, every one a prince among them.”
3A ma ke kauoha a Iehova i hoouna aku ai o Mose ia lakou, mai ka waonahele o Parana aku: a o ia mau kanaka a pau, he mau luna lakou no na mamo a Iseraela.
3Moses sent them from the wilderness of Paran according to the commandment of the LORD. All of them were men who were heads of the children of Israel.
4Eia na inoa o lakou: no ka ohana o Reubena, o Samua ke keiki a Zakura.
4These were their names: Of the tribe of Reuben, Shammua the son of Zaccur.
5No ka ohana a Simeona, o Sapata ke keiki a Hori.
5Of the tribe of Simeon, Shaphat the son of Hori.
6No ka ohana a Iuda, o Kaleba ke keiki a Iepune.
6Of the tribe of Judah, Caleb the son of Jephunneh.
7No ka ohana a Isakara, o Igala ke keiki a Iosepa.
7Of the tribe of Issachar, Igal the son of Joseph.
8No ka ohana a Eperaima, o Hosea ke keiki a Nuna.
8Of the tribe of Ephraim, Hoshea the son of Nun.
9No ka ohana a Beniamina, o Paleti ke keiki a Rapu.
9Of the tribe of Benjamin, Palti the son of Raphu.
10No ka ohana a Zebuluna, o Gadiela ke keiki a Sodi.
10Of the tribe of Zebulun, Gaddiel the son of Sodi.
11No ka ohana a Iosepa, ka ohana a Manase, o Gadi ke keiki a, Susi.
11Of the tribe of Joseph, of the tribe of Manasseh, Gaddi the son of Susi.
12No ka ohana a Dana, o Amiela ke keiki a Gemali.
12Of the tribe of Dan, Ammiel the son of Gemalli.
13No ka ohana a Asera, o Setiela ke keiki a Mikaela.
13Of the tribe of Asher, Sethur the son of Michael.
14No ka ohana a Napetali, o Nabi ke keiki a Vopesi.
14Of the tribe of Naphtali, Nahbi the son of Vophsi.
15No ka ohana a Gada, o Geuela ke keiki a Maki.
15Of the tribe of Gad, Geuel the son of Machi.
16Oia na inoa o na kanaka a Mose i hoouna aku ai e makaikai i ka aina. A kapa aku la o Mose ia Hosea ke keiki a Nuna, o Iosua.
16These are the names of the men who Moses sent to spy out the land. Moses called Hoshea the son of Nun Joshua.
17Hoouna aku la o Mose ia lakou e makaikai i ka aina o Kanaana, i aku la hoi ia lakou, E haele oukou ma keia aoao kukuluhema, a e pii iluna i ka mauna.
17Moses sent them to spy out the land of Canaan, and said to them, “Go up this way by the South, and go up into the hill country.
18E nana i ke ano o ka aina, a me na kanaka e noho ana ilaila, he ikaika paha lakou, he nawaliwali paha; he hapa paha lakou, he nui loa paha;
18See the land, what it is; and the people who dwell therein, whether they are strong or weak, whether they are few or many;
19Me ka aina hoi a lakou e noho la, he maikai paha, he ino paha; a me na kulanakauhale a lakou e noho la, ma na halelewa paha, ma na pakaua paha;
19and what the land is that they dwell in, whether it is good or bad; and what cities they are that they dwell in, whether in camps, or in strongholds;
20A me ke ano o ka aina, he momona paha, he wi paha; he laau paha ilaila, aole paha: i nui hoi ka ikaika o oukou, a e lawe mai i kekahi hua o ka aina. O ka manawa ia o ka huawaina pala mua.
20and what the land is, whether it is fertile or poor, whether there is wood therein, or not. Be courageous, and bring some of the fruit of the land.” Now the time was the time of the first-ripe grapes.
21Pii aku la lakou a makaikai ae la i ka aina, mai ka waonahele o Zina a hiki aku i Rehoba, ma ke ala e hele aku ai i Hamata.
21So they went up, and spied out the land from the wilderness of Zin to Rehob, to the entrance of Hamath.
22A pii aku la lakou ma ke kukulu hema, a hiki aku i Heberona, i kahi o Ahimana, o Sesai a me Talemai, na keiki a Anaka. (Ua hookumuia o Heberona ehiku makahiki mamua o Zoana i Aigupita.)
22They went up by the South, and came to Hebron; and Ahiman, Sheshai, and Talmai, the children of Anak, were there. (Now Hebron was built seven years before Zoan in Egypt.)
23A hele aku lakou i ke kahawai i Esekola, a old iho la i kekahi lala me ka huiwaina hookahi, a amo mai la maluna o ka mamaka mawaena o na kanaka elua, O na pomeraite kekahi a me na fiku.
23They came to the valley of Eshcol, and cut down from there a branch with one cluster of grapes, and they bore it on a staff between two. They also brought some of the pomegranates and figs.
24Ua kapaia ia wahi ke kahawai o I Esekola, no ka huiwaina a na mamo a Iseraela i oki ai malaila.
24That place was called the valley of Eshcol, because of the cluster which the children of Israel cut down from there.
25A hala na la he kanaha o ka makaikai ana i ka ama, hoi mai la lakou.
25They returned from spying out the land at the end of forty days.
26Hele mai la lakou a hiki io Mose la a me Aarona, a me ke anaina kanaka a pau o na mamo a Iseraela, i ka waonahele o Parana, i Kadesa; a hoakaka mai la lakou ia laua, a i ke anaina kanaka a pau, a hoike mai la i ka hua o ka aina.
26They went and came to Moses, to Aaron, and to all the congregation of the children of Israel, to the wilderness of Paran, to Kadesh; and brought back word to them and to all the congregation. They showed them the fruit of the land.
27Olelo mai la lakou ia ia, i mai la, Ua hele aku makou i ka aina au i hoouna aku ai ia makou, a he oiaio no e kahe ana ka waiu a me ka meli ilaila; eia hoi ka hua o ia wahi.
27They told him, and said, “We came to the land where you sent us. Surely it flows with milk and honey, and this is its fruit.
28Aka, ua ikaika na kanaka e noho ana ma ia aina; a na paa i na papohaku na kulanakauhale, a nui loa: eia hoi kekahi, ua ike makou i na keiki a Anaka malaila.
28However, the people who dwell in the land are strong, and the cities are fortified and very large. Moreover, we saw the children of Anak there.
29E noho ana ka Ameleka ma ka aina kukuluhema; o ka Heta, me ka Iebusa, a me ka Amora, ua noho lakou ma na mauna; a ua noho ko Kanaana ma ka moana a ma kapa o Ioredane.
29Amalek dwells in the land of the South. The Hittite, the Jebusite, and the Amorite dwell in the hill country. The Canaanite dwells by the sea, and along the side of the Jordan.”
30Hoomalielie iho o Kaleba i kanaka imua o Mose, i mai la, E hele koke aku kakou, a e komo i ka aina; no ka mea, e hiki pono no ia kakou ke lanakila maluna ona.
30Caleb stilled the people before Moses, and said, “Let’s go up at once, and possess it; for we are well able to overcome it!”
31Aka, i mai la na kanaka i hele pu me ia, Aole e hiki ia kakou ke hele ku e i ua poe kanaka la; no ka mea, ua oi aku ko lakou ikaika i ko kakou.
31But the men who went up with him said, “We aren’t able to go up against the people; for they are stronger than we.”
32A lawe mai la lakou i ka olelo hoino i ka aina a lakou i makaikai aku ai i na mamo a Iseraela, i mai la, O ka aina kahi a makou i kaahele ai e makaikai aku, he aina ia e hoopau ana i na kanaka e noho ana malaila: a o na kanaka a pau a makou i ike ai malaila, he poe kanaka nunui.
32They brought up an evil report of the land which they had spied out to the children of Israel, saying, “The land, through which we have gone to spy it out, is a land that eats up its inhabitants; and all the people who we saw in it are men of great stature.
33Malaila makou i ike ai i na kanaka nunui, i na keiki a Anaka, na ka poe kanaka nunui mai: ua like makou me na uhini i ko makou maka, a pela hoi makou imua o ko lakou maka.
33There we saw the Nephilim, the sons of Anak, who come from the Nephilim. We were in our own sight as grasshoppers, and so we were in their sight.”
Tip: use the ← and → keys to turn chapters.