Korineto II. 3
Baibala Hemolele (Hawaiian Bible, 1868 revision)
Douay-Rheims Bible, American Edition (1899)
1E HOOMAKA hou anei makou e hoomaikai aku ia makou iho? a e hemahema anei makou e like me kekahi poe i na palapala hoike ia oukou, a i na palapala hoike mai o oukou mai?
1Do we begin again to commend ourselves? Or do we need (as some do) epistles of commendation to you, or from you?
2O oukou no ka makou palapala i kakauia maloko o ko makou naau, i ikeia a i heluheluia e na kanaka a pau.
2You are our epistle, written in our hearts, which is known and read by all men:
3No ka mea, ua hoike akaka ia, o oukou no ka Kristo palapala a makou i hana'i, i kakauia aole me ka inika, aka, me ka Uhane o ke Akua ola; aole maloko o na papa pohaku aka, maloko o na papa io o ka naau.
3Being manifested, that you are the epistle of Christ, ministered by us, and written not with ink, but with the Spirit of the living God; not in tables of stone, but in the fleshly tables of the heart.
4Pela ko makou manao maopopo i ke Akua ma o Kristo la:
4And such confidence we have, through Christ, towards God.
5Aole hoi e hiki ia makou kekahi mea ma ko makou noonoo ana, o makou wale; aka, o ke Akua no ko makou mea e hiki ai.
5Not that we are sufficient to think any thing of ourselves, as of ourselves: but our sufficiency is from God.
6Oia ka i hoomakaukau ia makou i kahuna no ke kauoha hou, aole ma ke kanawai, aka, ma ka Uhane: no ka mea, ke pepehi mai nei ke kanawai, a ke hoola mai nei ka Uhane.
6Who also hath made us fit ministers of the new testament, not in the letter, but in the spirit. For the letter killeth, but the spirit quickeneth.
7Ina paha ua nani ka oihana no ka make i kakauia maloko o na pohaku me na huaolelo, i hiki ole i na mamo a Iseraela ke haka pono aku i ka maka o Mose, no ke alohi o kona maka, ka mea e nalowale ana;
7Now if the ministration of death, engraven with letters upon stones, was glorious; so that the children of Israel could not steadfastly behold the face of Moses, for the glory of his countenance, which is made void:
8Aole anei e oi nui aku ka nani o ka oihana o ka Uhane?
8How shall not the ministration of the spirit be rather in glory?
9No ka mea, ina paha he nani ko ka oihana hoohewa, he oiaio no, ua pakela aku ka nani o ka oihana hoapono.
9For if the ministration of condemnation be glory, much more the ministration of justice aboundeth in glory.
10No keia mea, aohe nani o kela mea i hoouaniia pela, no keia pakela nani.
10For even that which was glorious in this part was not glorified, by reason of the glory that excelleth.
11Ina he nani ko kela mea i hoonalowaleia; oiaio, he nani ko ka mea e mau loa aku ana.
11For if that which is done away was glorious, much more that which remaineth is in glory.
12No ia hoi, no ka loaa ana mai ia makou keia manaolana, he olelo wiwo ole ka makou:
12Having therefore such hope, we use much confidence:
13Aole like me Mose i uhi iho ai i kona maka i ka pale, i hiki ole i na mamo a Iseraela ke nana pono i ka hope o ua mea la e nalowale ana:
13And not as Moses put a veil upon his face, that the children of Israel might not steadfastly look on the face of that which is made void.
14Aka, ua hoopouliia ko lakou naau; no ka mea, a hiki i neia manawa, i ka heluhelu ana i ke kauoha kahiko, ua koe no ka pale, aole i weheia; ua pau no hoi ia mea ia Kristo.
14But their senses were made dull. For, until this present day, the selfsame veil, in the reading of the old testament, remaineth not taken away (because in Christ it is made void).
15A i neia manawa, i ka heluhelu ana i ka Mose, e kau ana no ua pale la maluna o ko lakou naau.
15But even until this day, when Moses is read, the veil is upon their heart.
16Aia huli mai ia i ka Haku, alaila e laweia aku no ua pale la.
16But when they shall be converted to the Lord, the veil shall be taken away.
17A o ka Haku, oia ka Uhane: a ma kahi e noho ai ka Uhane o ka Haku, ua noa ia wahi.
17Now the Lord is a Spirit. And where the Spirit of the Lord is, there is liberty.
18Aka, me ka maka i uhi ole ia, ke ike aku nei makou a pau i ka nani o ka Haku, e like me ke aka ma ke aniani, a ua hoano hou ia makou ma ka like ana o ua aka la, ma ka nani e mahuahua ana, e ko ka Haku nona ka Uhane.
18But we all beholding the glory of the Lord with open face, are transformed into the same image from glory to glory, as by the Spirit of the Lord.
Tip: use the ← and → keys to turn chapters.