列王紀下 14
Chinese Union Version, punctuated (Traditional)
Bible Mutal (Kosraean)
1以色列 王 約哈斯 的兒子 約阿施 第二年， 猶大 王 約阿施 的兒子 亞瑪謝 登基。
1In yac akluo ke pacl Jehoash wen natul Jehoahaz el tokosra in Israel, Amaziah wen natul Joash el tokosrala lun Judah
2他登基的時候年二十五歲，在 耶路撒冷 作王二十九年。他母親名叫 約耶但 ，是 耶路撒冷 人。
2ke el yac longoul limekosr, ac el leum in Jerusalem ke yac longoul eu. Nina kial pa Jehoaddin, sie mutan Jerusalem.
3亞瑪謝 行耶和華眼中看為正的事，但不如他祖 大衛 ，乃效法他父 約阿施 一切所行的；
3Amaziah el oru ma LEUM GOD El insewowo kac, tusruktu el tia oana Tokosra David, papa matu tumal ah, a el oru oana ma Joash, papa tumal, el tuh oru.
4只是邱壇還沒有廢去，百姓仍在那裏獻祭燒香。
4El tiana ikruiya nien alu lun mwet pegan, ac mwet uh srakna orek kisa ac akosak mwe keng we.
5國一堅定，就把殺他父王的臣僕殺了，
5Ke Amaziah el eis tari ku nukewa in tokosrai lal, el onela mwet pwapa ma tuh uniya papa tumal, su tokosra in pacl sac.
6卻沒有治死殺王之人的兒子，是照 摩西 律法書上耶和華所吩咐的說：「不可因子殺父，也不可因父殺子，各人要為本身的罪而死。」
6Tusruktu el tiana onela tulik natulos, a el fahsr tukun ma LEUM GOD El sapkin in Ma Sap lal Moses su fahk: “Papa ac nina ac fah tia anwuki ke ma koluk lun tulik natulos, ac tulik ac fah tia anwuki ke ma koluk lun papa ku nina. Mwet se ac fah anwuki ke ma koluk ma el sifacna orala.”
7亞瑪謝 在 鹽谷 殺了 以東 人一萬，又攻取了 西拉 ，改名叫 約帖 ，直到今日。
7Amaziah el uniya singoul tausin mwet mweun lun Edom Ke Infahlfal Sohl, ac el sruokya siti Sela ke mweun. El pangon inen siti sac Joktheel, ac ine se inge srakna orekmakinyuk nwe misenge.
8那時， 亞瑪謝 差遣使者去見 耶戶 的孫子 約哈斯 的兒子 以色列 王 約阿施 ，說：「你來，我們二人相見 於戰場 。」
8Na Amaziah el supwala mwet utuk kas nu yorol Tokosra Jehoash lun Israel in purakul elan mweun.
9以色列 王 約阿施 差遣使者去見 猶大 王 亞瑪謝 ，說：「 黎巴嫩 的蒺藜差遣使者去見 黎巴嫩 的香柏樹，說：將你的女兒給我兒子為妻。後來 黎巴嫩 有一個野獸經過，把蒺藜踐踏了。
9Tusruktu Tokosra Jehoash el supwala top se inge nu sel: “Sie pacl ah, soko sak kokul ma kapak Fineol Lebanon el supwala sie kas nu sin sak cedar soko ac fahk, ‘Use acn nutum an in marut nu sin wen nutik uh.’ Na kosro lemnak soko fahsryak in acn sac, ac lolongya kokul soko ah, ac kunausla.
10你打敗了 以東 人就心高氣傲，你以此為榮耀，在家裏安居就罷了，為何要惹禍，使自己和 猶大 國一同敗亡呢？」
10Inge Amaziah, kom kutangla mwet Edom, ac kom arulana insefulatak kac. Lela kom in falkin wo ouiya nu sum, ac mutana in acn sum an. Efu ku kom orek purakak su ma ac kunauskomla ac mwet lom an?”
11亞瑪謝 卻不肯聽這話。於是 以色列 王 約阿施 上來，在 猶大 的 伯‧示麥 與 猶大 王 亞瑪謝 相見 於戰場 。
11Tuh Amaziah el srangesr lohng, ouinge Tokosra Jehoash ac mwet lal ah illa in mweun lainul in acn Beth Shemesh in Judah.
12猶大 人敗在 以色列 人面前，各自逃回家裏去了。
12Mwet mweun lal Amaziah kutangyukla, ac elos nukewa kaingla nu yen selos.
13以色列 王 約阿施 在 伯‧示麥 擒住 亞哈謝 的孫子、 約阿施 的兒子 猶大 王 亞瑪謝 ，就來到 耶路撒冷 ，拆毀 耶路撒冷 的城牆，從 以法蓮 門直到 角門 共四百肘，
13Jehoash el sruokilya Amaziah ac usalla sie mwet sruoh, na el utyak nu Jerusalem ac rakinya pot ke siti uh, mutawauk ke Mutunpot Ephraim lac nwe ke Mutunpot Insruwasrik. Lusen acn musalla inge oasr ke yact luofoko.
14又將耶和華殿裏與王宮府庫裏所有的金銀和器皿都拿了去，並帶人去為質，就回 撒馬利亞 去了。
14El eis silver ac gold nukewa ma el ku in konauk, ac kufwa nukewa in Tempul, ac mwe kasrup nukewa inkul sin tokosra, ac elos us ma inge folokla nu Samaria. Ac el oayapa us mwet ma el sruokya ke mweun ah welul.
15約阿施 其餘所行的事和他的勇力，並與 猶大 王 亞瑪謝 爭戰的事，都寫在 以色列 諸王記上。
15Ma nukewa saya su Jehoash el orala, weang pulaik lal ke el mweun lainul Tokosra Amaziah lun Judah, simla oasr in Sramsram Matu Ke Tokosra Lun Israel .
16約阿施 與他列祖同睡，葬在 撒馬利亞 ， 以色列 諸王的墳地裏。他兒子 耶羅波安 接續他作王。
16Jehoash el misa ac pukpuki inkulyuk lun tokosra in Samaria, ac Jeroboam Akluo, wen natul, el aolul in tokosra.
17以色列 王 約哈斯 的兒子 約阿施 死後， 猶大 王 約阿施 的兒子 亞瑪謝 又活了十五年。
17Tokosra Amaziah lun Judah el moul yac singoul limekosr tukun misa lal Tokosra Jehoash lun Israel.
18亞瑪謝 其餘的事都寫在 猶大 列王記上。
18Ma nukewa saya ma Amaziah el orala simla oasr in Sramsram Matu Ke Tokosra Lun Judah .
19耶路撒冷 有人背叛 亞瑪謝 ，他就逃到 拉吉 ；叛黨卻打發人到 拉吉 將他殺了。
19Oasr sie pwapa lukma orek in acn Jerusalem in anwuki Amaziah, na el kaingla nu ke siti Lachish, ac mwet lokoalok lal ukwalla nwe we ac unilya.
20人就用馬將他的屍首馱到 耶路撒冷 ，葬在 大衛城 他列祖的墳地裏。
20Manol folokinyukla nu Jerusalem fin horse soko, ac pukpuki inkulyuk lun tokosra in Siti sel David.
21猶大 眾民立 亞瑪謝 的兒子 亞撒利雅 接續他父作王，那時他年十六歲。
21Na mwet Judah elos akleumyalak Uzziah, wen natul Amaziah, tuh elan tokosrala ke el yac singoul onkosr.
22亞瑪謝 與他列祖同睡之後， 亞撒利雅 收回 以拉他 仍歸 猶大 ，又重新修理。
22Tukun papa tumal ah misa, Uzziah el sruokya siti Elath ac sifilpa musaela.
23猶大 王 約阿施 的兒子 亞瑪謝 十五年， 以色列 王 約阿施 的兒子 耶羅波安 在 撒馬利亞 登基，作王四十一年。
23In yac aksingoul limekosr ke pacl Amaziah, wen natul Joash, el tokosra lun Judah, Jeroboam wen natul Jehoash el tokosrala lun Israel, ac el leum in Samaria ke yac angngaul sie.
24他行耶和華眼中看為惡的事，不離開 尼八 的兒子 耶羅波安 使 以色列 人陷在罪裏的一切罪。
24El orekma koluk lain LEUM GOD . ac fahsr tukun srikasrak koluk lal Tokosra Jeroboam wen natul Nebat, su tokosra meet lukel ac su kolla mwet Israel in oru ma koluk.
25他收回 以色列 邊界之地，從 哈馬口 直到 亞拉巴海 ，正如耶和華－ 以色列 的上帝藉他僕人 迦特希弗 人 亞米太 的兒子先知 約拿 所說的。
25El sifilpa sruokya acn nukewa ma tuh lun Israel meet, su fahla ke Innek In Utyak Nu Hamath layen nu epang lac nwe ke Meoa Misa layen nu eir. Pa inge ma LEUM GOD lun Israel El tuh wuleang kac nu sin mwet kulansap lal, Jonah wen natul Amittai, su mwet palu in Gath Hepher.
26因為耶和華看見 以色列 人甚是艱苦，無論困住的、自由的都沒有了，也無人幫助 以色列 人。
26LEUM GOD El liye keok upa lun mwet Israel, ac wanginna sie mwet ku in kasrelos.
27耶和華並沒有說要將 以色列 的名從天下塗抹，乃藉 約阿施 的兒子 耶羅波安 拯救他們。
27Tusruktu tia ma lungse lun LEUM GOD pa in arulana kunausla Israel nwe tok, ouinge El molelosla kacl Tokosra Jeroboam Akluo.
28耶羅波安 其餘的事，凡他所行的和他的勇力，他怎樣爭戰，怎樣收回 大馬士革 和 先前屬 猶大 的 哈馬 歸 以色列 ，都寫在 以色列 諸王記上。
28Ma nukewa saya ma Jeroboam Akluo el orala, wi pulaik lal ke mweun, ac ke el folokonang acn Damascus ac Hamath nu sin Israel, ma inge nukewa simla oasr in Sramsram Matu Ke Tokosra Lun Israel .
29耶羅波安 與他列祖 以色列 諸王同睡。他兒子 撒迦利雅 接續他作王。
29Jeroboam el misa ac pukpuki inkulyuk lun tokosra, ac Zechariah wen natul, el aolul in tokosra.
Tip: use the ← and → keys to turn chapters.