馬可福音 1
Chinese Union Version, punctuated (Traditional)
Bible Mutal (Kosraean)
1上帝的兒子，耶穌基督福音的起頭。
1Pa inge Pweng Wo ke Jesus Christ, Wen nutin God.
2正如先知 以賽亞 書上記着說： 看哪，我要差遣我的使者在你前面， 預備道路。
2Pweng Wo se inge mutawauk oana ke Isaiah mwet palu el simusla ac fahk: “Liye, nga ac supwaot mwet palu luk meet liki kom Su fah akoo inkanek lom.
3在曠野有人聲喊着說： 預備主的道， 修直他的路。
3Sie pusra wowoyak yen mwesis ac fahk, ‘Kowos akoo inkanek lun Leum, Ac aksuwosye elan fahsr kac!’”
4照這話 ， 約翰 來了，在曠野施洗，傳悔改的洗禮，使罪得赦。
4Ouinge John el tuku nu yen mwesis ac el baptaisi mwet ac lotelos ac fahk, “Kowos auliyak ac baptaisla, na God El fah eela ma koluk lowos.”
5猶太 全地和 耶路撒冷 的人都出去到 約翰 那裏，承認他們的罪，在 約旦河 裏受他的洗。
5Mwet puspis tuku liki acn Judea ac siti Jerusalem, ac som in lohng luti lal John. Elos fahkak ma koluk lalos, ac el baptaiselosla Infacl Jordan.
6約翰 穿駱駝毛 的衣服 ，腰束皮帶，吃的是蝗蟲、野蜜。
6John el nokomang nuknuk orekla ke unen camel, ac mwe lohl losyen infulwal orekla ke kulun kosro, ac mwe mongo nal pa locust ac honey inima.
7他傳道說：「有一位在我以後來的，能力比我更大，我就是彎腰給他解鞋帶也是不配的。
7Ac el fahkak nu sin mwet uh, “Oasr sie ac tuku tukuk su arulana fulat likiyu. Nga tia fal in suwoli ac tulala ah losyen faluk lal.
8我是用水給你們施洗，他卻要用聖靈給你們施洗。」
8Nga baptaisikowosla ke kof, a el ac fah baptaisi kowos ke Ngun Mutal.”
9那時，耶穌從 加利利 的 拿撒勒 來，在 約旦河 裏受了 約翰 的洗。
9Tia paht toko na Jesus el tuku liki Nazareth in acn Galilee, ac John el baptaisella Infacl Jordan.
10他從水裏一上來，就看見天裂開了，聖靈彷彿鴿子，降在他身上。
10Ac ke pacl se na el tufahna utyak liki inkof uh, el liye inkusrao ikakelik ac Ngun oatui oana sie wuleoa, ac tuhwi nu facl.
11又有聲音從天上來， 說 ：「你是我的愛子，我喜悅你。」
11Ac pusra se tuku inkusrao me ac fahk, “Kom Wen kulo nutik. Nga insewowo sum.”
12聖靈就把耶穌催到曠野裏去。
12Ke pacl sacna, Ngun kololla nu yen mwesis,
13他在曠野四十天，受撒但的試探，並與野獸同在一處，且有天使來伺候他。
13ac el muta we len angngaul, ac Satan el srifel. Oasr kosro lemnak in acn sac, ac lipufan elos tuku ac kulansupwal.
14約翰 下監以後，耶穌來到 加利利 ，宣傳上帝的福音，
14Tukun John el kauli in presin, Jesus el som nu Galilee ac luti ke Pweng Wo sin God me.
15說：「日期滿了，上帝的國近了。你們當悔改，信福音！」
15El fahk, “Sun tari pacl fal sac — Tokosrai lun God apkuran me. Kowos auliyak ac forla liki ma koluk lowos, ac lulalfongi ke Pweng Wo.”
16耶穌順着 加利利 的海邊走，看見 西門 和 西門 的兄弟 安得烈 在海裏撒網；他們本是打魚的。
16Ac ke Jesus el fahsr sisken Lulu Galilee el liye mwet patur luo, Simon ac Andrew mwet lel, ke eltal fuhlalik nwek natultal in lulu uh.
17耶穌對他們說：「來跟從我，我要叫你們得人如得魚一樣。」
17Ac Jesus el fahk nu seltal, “Fahsru wiyu, ac nga fah luti komtal ouiyen paturi mwet.”
18他們就立刻捨了網，跟從了他。
18In pacl sacna eltal filiya nwek natultal ac welul som.
19耶穌稍往前走，又見 西庇太 的兒子 雅各 和 雅各 的兄弟 約翰 在船上補網。
19Ac ke el fahsr kutu nu meet el liye pac tamulel se, James ac John, wen natul Zebedee. Eltal muta in oak okoaltal ac onon kwa lalos.
20耶穌隨即招呼他們，他們就把父親 西庇太 和雇工人留在船上，跟從耶穌去了。
20Ke Jesus el liyaltal el pangnoltal, ac eltal fililya Zebedee, papa tumaltal, in oak uh wi mwet orekma lun oak uh, ac fahsr tokol Jesus.
21到了 迦百農 ，耶穌就在安息日進了會堂教訓人。
21Jesus ac mwet tumal lutlut tuku nu in siti Capernaum, ac ke len Sabbath se toko, Jesus el som nu iwen lolngok ac mutawauk in luti.
22眾人很希奇他的教訓；因為他教訓他們，正像有權柄的人，不像文士。
22Mwet uh arulana lut ke ouiyen luti lal, mweyen el luti nu selos oana sie su oasr wal fulat yoro, ac tia oana mwet luti Ma Sap uh.
23在會堂裏，有一個人被污鬼附着。他喊叫說：
23In pacl sacna sie mwet su oasr ngun fohkfok yoro ilyak nu in iwen lolngok ac wowoyak ac fahk,
24「 拿撒勒 人耶穌，我們與你有甚麼相干？你來滅我們嗎？我知道你是誰，乃是上帝的聖者。」
24“Jesus mwet Nazareth, mea kom lungse sesr uh? Ya kom tuku in kunauskutla? Nga etu lah su kom an — kom pa el su mutallana sin God me!”
25耶穌責備他說：「不要作聲！從這人身上出來吧。」
25Ac Jesus el kai ngun sac ac fahk, “Misla, ac illa liki mwet sacn!”
26污鬼叫那人抽了一陣瘋，大聲喊叫，就出來了。
26Ac ngun fohkfok sac oru mwet sac tipirpirelik infohk uh, na el wowoyak ke pusra lulap ac illa liki mwet sac.
27眾人都驚訝，以致彼此對問說：「這是甚麼事？是個新道理啊！他用權柄吩咐污鬼，連污鬼也聽從了他。」
27Mwet nukewa elos arulana fwefela ac asiyuki inmasrlolos ac fahk, “Mea se inge? Ya mwe luti sasu se pa inge? Mwet se inge oasr ku lulap lal in kaskas nu sin ngun fohkfok ac elos aksol!”
28耶穌的名聲就傳遍了 加利利 的四方。
28Na pungen Jesus sa na fahsrelik yen nukewa in Galilee.
29他們一出會堂，就同着 雅各 、 約翰 ，進了 西門 和 安得烈 的家。
29Jesus ac mwet tumal lutlut elos illa liki iwen lolngok ac som utyak nu in lohm sel Simon ac Andrew. James ac John welultal pac.
30西門 的岳母正害熱病躺着，就有人告訴耶穌。
30In pacl se inge nina kien mutan kial Simon el oanna mas ke folla lun manol, ac ke Jesus el sun acn we elos sulkakin mutan sac nu sel.
31耶穌進前拉着她的手，扶她起來，熱就退了，她就服事他們。
31Ac Jesus el tuku nu yorol ac sruokya paol ac taksalak; ac mas fol sac wanginla lukel ac el tukakek ac kulansapwalos.
32天晚日落的時候，有人帶着一切害病的，和被鬼附的，來到耶穌跟前。
32Ke ekela tukun faht uh tili, mwet uh usalosla nukewa su mas ac oayapa elos su oasr demon yorolos nu yurin Jesus.
33合城的人都聚集在門前。
33Mwet nukewa in siti sac fahsreni nu ke mutun lohm sac.
34耶穌治好了許多害各樣病的人，又趕出許多鬼，不許鬼說話，因為鬼認識他。
34Jesus el akkeyala mwet puspis su maskin kain in mas puspis, ac lusla pac demon puspis; a el tia lela demon uh in kaskas ke sripen elos etu lah su el uh.
35次日早晨，天未亮的時候，耶穌起來，到曠野地方去，在那裏禱告。
35Toang na ke lotu tok ah, Jesus el tukakek meet liki lenelik, ac illa liki lohm uh ac som liki siti sac nu yen ma el ac muku we in pre.
36西門 和同伴追了他去，
36Na Simon ac mwet su welul elos som ac sokol,
37遇見了就對他說：「眾人都找你。」
37ac ke elos konalak elos fahk nu sel, “Mwet nukewa suk kom.”
38耶穌對他們說：「我們可以往別處去，到鄰近的鄉村，我也好在那裏傳道，因為我是為這事出來的。」
38A Jesus el fahk nu selos, “Kut enenu in som pac nu in siti srisrik saya, tuh nga enenu in luti pac we, mweyen pa inge sripen tuku luk uh.”
39於是在 加利利 全地，進了會堂，傳道，趕鬼。
39Ouinge el fufahsryesr nu in acn Galilee nufon ac luti in iwen lolngok lalos, ac sisla demon uh liki mwet uh.
40有一個長大痲瘋的來求耶穌，向他跪下，說：「你若肯，必能叫我潔淨了。」
40Sie mwet su musen lepa el tuku nu yurin Jesus. El faksufi ac kwafe nu sel ac fahk, “Fin ou lungse lom kom ku in aknasnasyeyula.”
41耶穌動了慈心，就伸手摸他，說：「我肯，你潔淨了吧！」
41Jesus el arulana pakomutal, na el asroela paol ac kahlilya ac fahk, “Nga lungse. Kom in nasnasla.”
42大痲瘋即時離開他，他就潔淨了。
42In kitin pacl ah na musen lepa sac wanginla lukel ac el kwela.
43耶穌嚴嚴地囑咐他，就打發他走，
43In pacl sacna Jesus el supwalla tukun el arulana wili nu sel mu,
44對他說：「你要謹慎，甚麼話都不可告訴人，只要去把身體給祭司察看，又因為你潔淨了，獻上 摩西 所吩咐的禮物，對眾人作證據。」
44“Liyaung tuh kom in tia fahk ma inge nu sin kutena mwet; a fahla ingena ac fahkkomyang nu sin mwet tol. Na kom fah sang mwe kisa ma Moses el sapkin, tuh in mwe akpwayeye nu sin mwet nukewa lah kom kwela.”
45那人出去，倒說許多的話，把這件事傳揚開了，叫耶穌以後不得再明明地進城，只好在外邊曠野地方。人從各處都就了他來。
45A mukul sac som ac mutawauk in sulkakin ma inge yen nukewa. Ke sripen yokla srumunyen ma inge sel, Jesus el koflana ilyak lemtulauk nu in kutena siti. A el muta likin siti uh, ac mwet uh tuku nu yorol liki acn nukewa.
Tip: use the ← and → keys to turn chapters.