San Mateo 7
Chamorro: Gospels, Acts and PsalmsTranslation
Chamorro: Gospels, Acts and Psalms
Douay-Rheims Bible, American Edition (1899)
1CHAMIYO fanmanjusga para ti infanmajusga.
1Judge not, that you may not be judged,
2Sa taemanoja yan manmajusga yan manmañogne jamyo, taegüijija locue infanmajusga; ya taemanoja y minedidamiyo, taegüijija locue infanmamediye.
2For with what judgment you judge, you shall be judged: and with what measure you mete, it shall be measured to you again.
3Sa jafa muna unlilie y migo gui atadog y chelumo, ya ti unjajaso y jayo gui atadogmo?
3Any why seest thou the mote that is in thy brother’s eye; and seest not the beam that is in thy own eye?
4Jafa taemano unalog nu y chelumo: Maela ya junajanao enao y migo gui atadogmo; ya enagüija y jayo gui atadogmo?
4Or how sayest thou to thy brother: Let me cast the mote out of thy eye; and behold a beam is in thy own eye?
5Hipocrita! Najanao finenana y jayo gui atadogmo? ya ayo nae siña ungueflie yan para unnajanao y migo gui atadog y chelumo.
5Thou hypocrite, cast out first the beam in thy own eye, and then shalt thou see to cast out the mote out of thy brother’s eye.
6Chamiyo numanae y galago nu y santos, ni inpelo y perlasmiyo gui menan y babue; sa no seaja ujagacha nu y patasñija ya ujabira sija ya infanyenabalag jamyo.
6Give not that which is holy to dogs; neither cast ye your pearls before swine, lest perhaps they trample them under their feet, and turning upon you, they tear you.
7Gagao ya infanmanae; aligao ya inseda; yajo ya infanmababaye.
7Ask, and it shall be given you: seek, and you shall find: knock, and it shall be opened to you.
8Sa jayeja y mangagao, uresibe; ya y manaligao, usoda; ya y manyajo, umababaye.
8For every one that asketh, receiveth: and he that seeketh, findeth: and to him that knocketh, it shall be opened.
9Ya jayeja guiya jamyo, yaguin uguinagao nu y lajiña pan, ada unnae acho?
9Or what man is there among you, of whom if his son shall ask bread, will he reach him a stone?
10Pat yaguin uguinagao un güijan, ada unnae un serpiente?
10Or if he shall ask him a fish, will he reach him a serpent?
11Ombre manaelaye jamyo, intingo numae mauleg na ninae y famaguonmiyo; ada ti mas y tatanmiyo, ni y gaegue gui langet, unnae mauleg na güinaja todo ayo y gumagaogüe?
11If you then being evil, know how to give good gifts to your children: how much more will your Father who is in heaven, give good things to them that ask him?
12Enao mina, jaftaemano y malagomiyo na y taotao ufatitinas nu jamyo, taegüijija infatitinas locue nu sija; sa este y lay yan y profeta sija.
12All things therefore whatsoever you would that men should do to you, do you also to them. For this is the law and the prophets.
13Jalom gui maiot na potta, sa y feda na potta ya micanpo y chalan nu y jumananaogüe y finalingo, ya megae sija y fumapoposgüe.
13Enter ye in at the narrow gate: for wide is the gate, and broad is the way that leadeth to destruction, and many there are who go in thereat.
14Sa y maiot na potta ya dalalae na chalan y jumananaogüe y linâlâ, ya didide sija y sumosoda.
14How narrow is the gate, and strait is the way that leadeth to life: and few there are that find it!
15Adaje jamyo nu y ti manmagajet na profeta, ni ufanmato guiya jamyo maninagagon quininilo, lao y sanjalomñija mangaegue lobo na mañaque.
15Beware of false prophets, who come to you in the clothing of sheep, but inwardly they are ravening wolves.
16Injatingo pot y tinegchañija. Ada y taotao ufañule ubas guine y títucan jayo, pat igos guine y títucan chaguan?
16By their fruits you shall know them. Do men gather grapes of thorns, or figs of thistles?
17Taegüijija todo y mauleg na trongcon jayo, siempre mauleg tinegchaña; lao y taelaye na trongcon jayo, siempre taelaye tinegchaña.
17Even so every good tree bringeth forth good fruit, and the evil tree bringeth forth evil fruit.
18Ti siña y mauleg na trongcon jayo manogcha taelaye; ni y taelaye na trongcon jayo manogcha mauleg.
18A good tree cannot bring forth evil fruit, neither can an evil tree bring forth good fruit.
19Todo y trongcon jayo ni ti manogcha mauleg, umautut ya umayute gui guafe,
19Every tree that bringeth not forth good fruit, shall be cut down, and shall be cast into the fire.
20Enao mina pot y tinegchañija, injatingo.
20Wherefore by their fruits you shall know them.
21Ti todo y umalog nu guajo: Señot! Señot! ujalom gui raenon langet; lao ayo y fumatinas y minalago y tatajo, ni y gaegue gui langet.
21Not every one that saith to me, Lord, Lord, shall enter into the kingdom of heaven: but he that doth the will of my Father who is in heaven, he shall enter into the kingdom of heaven.
22Megae, güije na jaane, ualog nu guajo: Señot! Señot! ada ti inprofetisa pot y naanmo, yan innajanao y anite pot y naanmo, yan infatinas megae námanman na chocho pot y naanmo?
22Many will say to me in that day: Lord, Lord, have not we prophesied in thy name, and cast out devils in thy name, and done many miracles in thy name?
23Ya ayo nae jusangane sija, ni y magajet ti jutungo jamyo, fanjanao guiya guajo, jamyo manmamatitinas inechong.
23And then will I profess unto them, I never knew you: depart from me, you that work iniquity.
24Enao mina jayeja y jumungog este sija y sinanganjo ya fumatinas, güiya parejo yan y méjnalom na taotao, na jafatinas y guimaña gui jilo acho;
24Every one therefore that heareth these my words, and doth them, shall be likened to a wise man that built his house upon a rock,
25Ya utunog y ichan, yan ufanmato y sadog, yan ufanmanguaefe y manglo, ya ubinate ayo na guma ya ti upodong, sa mafatinas gui jilo acho.
25And the rain fell, and the floods came, and the winds blew, and they beat upon that house, and it fell not, for it was founded on a rock.
26Lao jayeja y jumungog este sija y sinanganjo, ya ti fumatinas, güiya parejo yan y bábaba na taotao na jafatinas y guimaña gui jilo unae;
26And every one that heareth these my words, and doth them not, shall be like a foolish man that built his house upon the sand,
27Ya utunog y ichan yan ufanmato y sadog, yan ufanmanguaefe y manglo ya ubinate ayo na guma, ya upodong; ya gosdangculo y pinedongña.
27And the rain fell, and the floods came, and the winds blew, and they beat upon that house, and it fell, and great was the fall thereof.
28Ya susede, anae munjayan este sija jasangan si Jesus, ninafanmanman y linajyan taotao sija nu y doctrinaña.
28And it came to pass when Jesus had fully ended these words, the people were in admiration at his doctrine.
29Sa jafanagüe sija, calang uno ni gaeninasiña, lao ti calang y escriba sija.
29For he was teaching them as one having power, and not as the scribes and Pharisees.
Tip: use the ← and → keys to turn chapters.