1AYO nae jaagang y dose na disipuluña, ya janae ninasiñañija contra y manaplacha na espiritu, para ujayute juyong; yan unafanmagong todo y chetnot, yan todo y manpinite.

1And when he had called unto him his twelve disciples, he gave them power against unclean spirits, to cast them out, and to heal all manner of sickness and all manner of disease.

2Ya y naan y dose apostoles sija este sija: Y finenana, si Simon na mafanaan si Pedro, yan si Andres cheluña: si Santiago, lajin Sebedeo, yan si Juan cheluña;

2Now the names of the twelve apostles are these; The first, Simon, who is called Peter, and Andrew his brother; James the son of Zebedee, and John his brother;

3Si Felipe, yan si Bartolome; si Tomas, yan si Mateo y publicano; si Santiago, lajin Alfeo, yan si Lebeo, na y apiyiduña si Tadeo;

3Philip, and Bartholomew; Thomas, and Matthew the publican; James the son of Alphaeus, and Lebbaeus, whose surname was Thaddaeus;

4Si Simon Selote, yan si Judas Iscariote, ni y umintrega güe locue.

4Simon the Canaanite, and Judas Iscariot, who also betrayed him.

5Este y dose sija mantinago as Jesus na ufanjanao ya maninencatga ilegña: Chamiyo fanmalag y chalan y Gentiles; yan y siuda y Samaritano sija chamiyo fanjajalom:

5These twelve Jesus sent forth, and commanded them, saying, Go not into the way of the Gentiles, and into any city of the Samaritans enter ye not:

6Lao gosmauleg para ufanmalag y malingo na quinilo gui guima Israel.

6But go rather to the lost sheep of the house of Israel.

7Anae manjanao jamyo, setmon ya alog: Y raenon langet mato jijot.

7And as ye go, preach, saying, The kingdom of heaven is at hand.

8Nafanjomlo y manmalango, nafan gasgas y manategtog, nafangajulo y manmatae, nafanjanao y anite sija: pot grasia na inresibe, fanmannae pot grasia.

8Heal the sick, cleanse the lepers, raise the dead, cast out devils: freely ye have received, freely give.

9Chamiyo fannanaetnon oro ni salape ni coble gui betsanmiyo;

9Provide neither gold, nor silver, nor brass in your purses,

10Ni tengguang para y chalan, ni dos na magago ni sapatos, ni baston; sa y fafáchocho jamerese y nengcanoña.

10Nor scrip for your journey, neither two coats, neither shoes, nor yet staves: for the workman is worthy of his meat.

11Yan todo na siuda, pat songsong na manjalom jamyo, guesaligao jaye mumerese, ya fañaga güije asta qui para infanjanao.

11And into whatsoever city or town ye shall enter, enquire who in it is worthy; and there abide till ye go thence.

12Yaguin manjalom jamyo gui guima, saluda.

12And when ye come into an house, salute it.

13Yaguin y guima jamerese, y pasmiyo usaga guiya güiya; lao yaguin ti jamerese, y pasmiyo utaloja guato guiya jamyo.

13And if the house be worthy, let your peace come upon it: but if it be not worthy, let your peace return to you.

14Ya jayeja y ti rumesibe jamyo, yan ti jaecungog y sinanganmiyo, fanjanao güije na guma pat suida, ya insacude contra sija todo y petbos gui adengmiyo.

14And whosoever shall not receive you, nor hear your words, when ye depart out of that house or city, shake off the dust of your feet.

15Magajet jusangane jamyo: Y mas mauleg para y tano Sodoma yan Gomora gui jaanin sentensia, qui para ayo na siuda.

15Verily I say unto you, It shall be more tolerable for the land of Sodom and Gomorrha in the day of judgment, than for that city.

16Estagüe, na guajo jamyo tumago, calang quinilo gui entalo lobo sija; fanmalate calang y serpiente sija, yan y fanmanso calang y paluma sija.

16¶ Behold, I send you forth as sheep in the midst of wolves: be ye therefore wise as serpents, and harmless as doves.

17Adaje jamyo nu y taotao sija; sa infaninentrega gui inetnon ofisiat, ya infanmasaolag gui sinagogañija;

17But beware of men: for they will deliver you up to the councils, and they will scourge you in their synagogues;

18Ya infanmacone guato gui menan magalaje yan ray pot y naanjo, para testimonio contra sija yan y Gentiles.

18And ye shall be brought before governors and kings for my sake, for a testimony against them and the Gentiles.

19Lao yaguin manmaentrega jamyo, chamiyo jumajaso jafa para insangan; so ayoja na ora infanmanae jafa para insangan.

19But when they deliver you up, take no thought how or what ye shall speak: for it shall be given you in that same hour what ye shall speak.

20Sa ti jamyo infanguentos, lao y Espiritun y Tatanmiyo ni y cumuecuentos gui jalommiyo.

20For it is not ye that speak, but the Spirit of your Father which speaketh in you.

21Y cheloja uinentrega y cheluña para umapuno, ya y tata y lajiña: ya y famaguon ufangajulo contra tatañija, ujanamapuno.

21And the brother shall deliver up the brother to death, and the father the child: and the children shall rise up against their parents, and cause them to be put to death.

22Ya todo infanchinatlie pot y naanjo; lao y sumigue asta y uttimo, güiya ucajulo gui langet.

22And ye shall be hated of all men for my name’s sake: but he that endureth to the end shall be saved.

23Lao yaguin manmapetsigue jamyo gui un suida, fanmalag y otro: sa magajet jusangane jamyo, na ti infanmunjayan manjanao todo gui siudan Israel, asta qui mato y Lajin taotao.

23But when they persecute you in this city, flee ye into another: for verily I say unto you, Ye shall not have gone over the cities of Israel, till the Son of man be come.

24Y disipulo, ti dangculoña qui y maestro, yan y tentago qui y amuña.

24The disciple is not above his master, nor the servant above his lord.

25Bastaja y disipulo yaguin parejoja y maestruña, ya y tentago yaguin parejoja y amuña. Sa yaguin y tata gui guima mafanaan Beetsebub, cuanto mas y familiana?

25It is enough for the disciple that he be as his master, and the servant as his lord. If they have called the master of the house Beelzebub, how much more shall they call them of his household?

26Chamiyo fanmaañao; sa taya matatampe, para ti umalie: yan manaatog para ti umatungo.

26Fear them not therefore: for there is nothing covered, that shall not be revealed; and hid, that shall not be known.

27Todo sija y jusangane jamyo gui jemjom, sanganñaejon gui manana: ya todo sija y injingog gui talanga, sanganñaejon desde y jilo guma.

27What I tell you in darkness, that speak ye in light: and what ye hear in the ear, that preach ye upon the housetops.

28Ya chamiyo fanmaañao ni upinino y tataotao; sa ti siña japuno y ante: lao fanmaañaoñao ni ayo y siña yumute y tataotao yan y ante guato guiya sasalaguan.

28And fear not them which kill the body, but are not able to kill the soul: but rather fear him which is able to destroy both soul and body in hell.

29Ada ti mabende dos gorrión na pájaro pot un coble? yan ni uno guiya sija upodong gui tano sin utungo si tatanmiyo.

29Are not two sparrows sold for a farthing? and one of them shall not fall on the ground without your Father.

30Y gaponulonmiyo locue esta todo manmatufong.

30But the very hairs of your head are all numbered.

31Chamiyo fanmaañao; sa mas manbaliñaja jamyo qui y megae na pájaro.

31Fear ye not therefore, ye are of more value than many sparrows.

32Jayeja y sumanganyo gui menan taotao, güajo locue jusangangüe gui menam y tatajo ni gaegue gui langet.

32Whosoever therefore shall confess me before men, him will I confess also before my Father which is in heaven.

33Ya jayeja y pumuneyo gui menan taotao sija, guajo locue jupune güe gui menan y tatajo ni y gaegue gui langet.

33But whosoever shall deny me before men, him will I also deny before my Father which is in heaven.

34Chamiyo jumajaso na mato yo para jupolo pas gui tano: ti matoyo para jupolo pas, lao espada.

34Think not that I am come to send peace on earth: I came not to send peace, but a sword.

35Sa mato yo para jupolo inaguaguat y laje contra y tataña, ya y jaga contra y nanaña, ya y yetna contra y suegraña.

35For I am come to set a man at variance against his father, and the daughter against her mother, and the daughter in law against her mother in law.

36Ya y enemigoñija mangaegueja guiya sija.

36And a man’s foes shall be they of his own household.

37Y gumaeya y tataña pat y nanaña mas qui guajo, ti ufanmerese nu guajo; ya y gumaeya y lajiña pat y jagaña mas qui guajo, ti ufanmerese nu guajo.

37He that loveth father or mother more than me is not worthy of me: and he that loveth son or daughter more than me is not worthy of me.

38Ya, y ti chumule y quiluusña ya udalalagyo, ti ufanmerese nu guajo.

38And he that taketh not his cross, and followeth after me, is not worthy of me.

39Y sumoda y linâlâña, ufinalingaeguan; ya y finalingaeguan ni y linâlâña pot y naanjo, güiya usoda.

39He that findeth his life shall lose it: and he that loseth his life for my sake shall find it.

40Y rumisibe jamyo, jaresibeja yo; ya y rumisibeyo, jaresibeja y tumagoyo.

40¶ He that receiveth you receiveth me, and he that receiveth me receiveth him that sent me.

41Y rumesibe un profeta pot y naan profeta, uresibe y premion profeta; ya y rumesibe y taotao tunas pot y naan y taotao tunas, uresibe y premion y taotao tunas.

41He that receiveth a prophet in the name of a prophet shall receive a prophet’s reward; and he that receiveth a righteous man in the name of a righteous man shall receive a righteous man’s reward.

42Ya masquesea jayeja y numae uno güine nu este sija y mandiquique, unoja bason janom ni y fresco, pot y naan y disipulo, magajet jusangane jamyo na ti ufalingo y premiuña.

42And whosoever shall give to drink unto one of these little ones a cup of cold water only in the name of a disciple, verily I say unto you, he shall in no wise lose his reward.

Tip: use the ← and → keys to turn chapters.