ʻIsaia 1
Tongan Bible, Revised West VersionTranslation
Tongan Bible, Revised West Version
Freedom Bible (フリーダム・バイブル)
1Ko e meʻa naʻe hā mai kia ʻIsaia koe foha ʻo ʻAmosi, ʻaia naʻa ne mamata ʻoku kau ki Siuta mo Selūsalema ʻi he ngaahi ʻaho ʻo ʻUsia, mo Sotame, mo ʻAhasi, pea mo Hesekaia, koe ngaahi tuʻi ʻo Siuta.
1アモツの子イザヤが、ユダの王ウジヤ、ヨタム、アハズ、ヒゼキヤの治世に、ユダとエルサレムについて見た幻。
2Mou fanongo, ʻae ngaahi langi, pea fakafanongo mo māmani: he ʻoku folofola ʻa Sihova, “Kuo u fafanga mo tauhi ʻae fānau, pea kuo nau angatuʻu kiate au.
2天よ、聞け。 地よ、耳を傾けよ。主が語られた。 「わたしは子どもたちを養い育てた。 しかし、彼らはわたしに背いた。
3ʻOku ʻilo ʻe he pulu ʻaia ʻoku ʻaʻana ia, pea mo e ʻasi ʻae fale manu ʻo ʻene ʻeiki: ka ʻoku ʻikai ʻilo ʻe ʻIsileli, ʻoku ʻikai tokanga ʻa hoku kakai.”
3牛は自分の飼い主を知り、 ろばは主人の飼い葉桶を知っている。 しかし、イスラエルは知らない。 わたしの民は悟ろうとしない。」
4Oiau! ʻAe puleʻanga angakovi, ko e kakai māfasia ʻi he hia, ko e hako fai meʻa kovi, ko e fānau ʻoku fakahala: kuo nau liʻaki ʻa Sihova, kuo nau fakahouhauʻi ʻae tokotaha māʻoniʻoni ʻo ʻIsileli, kuo nau fakaholomui.
4ああ、罪深い国、 咎を重く負った民、 悪を行う者たちの子孫、 堕落した子どもたちよ。 彼らは主を捨て、 イスラエルの聖なる方を侮り、 背を向けて離れ去った。
5Ko e hā ʻe toe teʻia ai ʻakimoutolu? ʻE tupulaki pe hoʻomou angatuʻu: ʻoku mahaki ʻae ʻulu kotoa pē, pea vaivai mo e loto kotoa pē.
5なぜ、なおも打たれようとするのか。 なぜ、ますます背き続けるのか。 頭全体が病み、 心全体が弱り果てている。
6Mei he ʻaofi vaʻe ʻo aʻu ki he ʻulu ʻoku ʻikai ha haohaoa ʻi ai; ka ko e lavea, mo e volu, mo e pala kovi: ʻoku teʻeki ai fakamaʻopo, pe nonoʻo, pe feʻauaki ʻae lolo faitoʻo.
6足の裏から頭まで、健全なところは一つもなく、 傷と打ち傷と生々しい裂け傷ばかりだ。 傷はふさがれず、包帯も巻かれず、 油で和らげられてもいない。
7Kuo lala homou fonua, kuo vela homou ngaahi kolo ʻi he afi: pea ko homou fonua, ʻoku kai ʻo ʻosi ʻe he kakai muli ʻi homou ʻao, pea ʻoku lala ia, ʻo hangē kuo fakaʻauha ʻe he kau muli.
7あなたがたの国は荒れ果て、 町々は火で焼かれている。 よそ者が、あなたがたの目の前で土地を食い尽くしている。 そこは荒れ果て、 よそ者に覆された時のようになっている。
8Pea kuo tuku ʻae ʻofefine ʻo Saione ʻo hangē ko e fale siʻi ʻi he ngoue vaine, ʻo hangē ko e fale leʻo ʻi he ngoue kukumipa, ʻo hangē ko e kolo kuo kāpui ʻe he tau.
8シオンの娘は取り残された。 ぶどう畑の番小屋のように、 うり畑の仮小屋のように、 包囲された町のように。
9Ka ne ʻikai tuku kiate kitautolu ʻe Sihova ʻoe ngaahi kautau ha tokosiʻi, pehē, kuo tau hangē ko Sotoma, pea kuo tau tatau mo Komola.
9もし万軍の主が、わずかな生き残りをわれわれに残さなかったなら、 われわれはソドムのようになり、 ゴモラと同じになっていただろう。
10Fanongo ki he folofola ʻa Sihova, ʻakimoutolu ʻae kau pule ʻo Sotoma; fakafanongo ki he fono ʻa hotau ʻOtua, ʻakimoutolu ko e kakai ʻo Komola.
10ソドムの支配者たちよ、主の言葉を聞け。 ゴモラの民よ、われわれの神の律法に耳を傾けよ。
11ʻOku pehē ʻe Sihova, “Ko e hā hono ʻaonga ʻo hoʻomou ngaahi feilaulau lahi kiate au? Kuo u fiu ʻi he feilaulau ʻaki ʻae fanga sipitangata, mo e ngako ʻoe manu sino; pea ʻoku ʻikai te u fiemālie ʻi he toto ʻoe fanga pulu, pe ko e fanga lami, pe ko e fanga kosi tangata.
11主は言われる。 「あなたがたのおびただしいいけにえが、わたしにとって何になるのか。 雄羊の全焼のささげ物も、 肥えた家畜の脂肪も、もう十分だ。 雄牛や子羊や雄やぎの血を、 わたしは喜ばない。
12ʻOka mou ka haʻu ke fakahā ʻakimoutolu ʻi hoku ʻao, ko hai kuo ne fekau ke ʻomi ʻae meʻa ni ʻi homou nima, ke malaki hoku ngaahi potu tapu?
12あなたがたがわたしの前に出ようと来るとき、 だれが、わたしの庭を踏み荒らすことをあなたがたに求めたのか。
13ʻOua naʻa toe ʻomi ʻae ngaahi feilaulau taʻeʻaonga; ko e meʻa fakalielia kiate au ʻae tutu ʻoe ʻakau namu lelei; ko e ngaahi māhina foʻou mo e ngaahi ʻaho tapu, mo e ui ke fakataha, ʻoku ʻikai te u faʻa kātaki; pea naʻa mo e fakataha ke lotu ko e angahala ia.
13むなしいささげ物を、もう持って来てはならない。 香はわたしにとって忌まわしい。 新月の祭り、安息日、聖なる集会。 わたしは、悪に満ちた集会に耐えられない。
14ʻOku fehiʻa ʻa hoku laumālie ki hoʻomou ngaahi māhina foʻou mo hoʻomou ngaahi kātoanga: ko e meʻa fakamamahi ia kiate au; kuo u fiu ʻi hono kātaki.
14わたしは、あなたがたの新月の祭りと定められた祭りを憎む。 それらはわたしの重荷となった。 わたしは、それらを負うことに疲れ果てた。
15ʻOka mou ka mafao homou nima, te u fufū hoku fofonga ʻiate kimoutolu: ʻio, ʻoka mou ka hū ʻo liunga lahi, ʻe ʻikai te u fanongo: he ʻoku pito homou nima ʻi he toto.
15あなたがたが両手を広げても、 わたしはあなたがたから目を隠す。 どれほど多く祈っても、わたしは聞かない。 あなたがたの手は血にまみれている。
16“Fufulu ʻakimoutolu, ʻo ngaohi ke mou maʻa; hiki ke mamaʻo meiate au ʻae kovi ʻo hoʻomou faianga; tuku ʻae fai kovi;
16身を洗い、身を清めよ。 あなたがたの悪い行いを、わたしの目の前から取り除け。 悪を行うことをやめよ。
17ʻAko ke mou fai lelei: kumi ki he angatonu, tokoni ʻakinautolu kuo fakamālohia, fakamaau ki he tamai mate, langomakiʻi ʻae fefine kuo mate hono husepāniti.”
17良いことを行うように学べ。 公正を求めよ。 虐げられている者を助けよ。 父のない子を守り、 やもめのために訴えよ。」
18ʻOku pehē ʻe Sihova, “Mou haʻu, pea ke tau alea fakataha: he neongo ʻae tatau ʻo hoʻomou angahala mo e kulaʻahoʻaho, ʻe hoko ia ke hinehina ʻo hangē ko e ʻuha hinaekiaki; kapau ʻoku kulokula ia ʻo hangē ko e kulamūmū, ʻe tatau ia mo e fulufuluʻi sipi.
18主は言われる。 「さあ、来なさい。ともに論じ合おう。 あなたがたの罪が緋のようでも、雪のように白くなる。 紅のように赤くても、羊毛のようになる。
19Kapau te mou loto ki ai mo talangofua, te mou kai hono lelei ʻoe fonua:
19あなたがたが進んで従うなら、 この地の良いものを食べることができる。
20Ka ʻi hoʻomou talangataʻa mo angatuʻu, ʻe ʻauha ai ʻakimoutolu ʻi he heletā: he kuo folofola pehē ʻae fofonga ʻo Sihova.”
20しかし、拒んで背くなら、剣に食い尽くされる。 主の口がこれを語ったからだ。」
21Hono ʻikai liliu fau ʻae kolo naʻe angatonu ko e faʻa feʻauaki! Naʻe fonu ia ʻi he fakamaau; naʻe nofo ai ʻae māʻoniʻoni; ka ʻoku ʻi ai ni ʻae kau fakapō.
21なんということか。忠実だった都が遊女になってしまった。 かつては公正に満ち、 義がそこに宿っていたのに、 今では人殺したちがいる。
22Kuo hoko hoʻo siliva ko e taʻeʻaonga, mo hoʻo uaine kuo huʻi ʻaki ʻae vai:
22あなたの銀はかすとなり、 あなたのぶどう酒は水で薄められた。
23ʻOku angatuʻu homou houʻeiki, pea kaumeʻa mo e kau kaihaʻa: ʻoku nau manako kotoa pē ki he ngaahi foaki, ʻonau muimui ki he totongi: ʻoku ʻikai te nau fakamaau ki he tamai mate, pea ʻoku ʻikai aʻu kiate kinautolu ʻae mamahi ʻae fefine kuo mate hono husepāniti.
23あなたの高官たちは背く者で、盗人の仲間だ。 だれもが賄賂を愛し、報酬を追い求める。 彼らは父のない子を守らず、 やもめの訴えも彼らのもとには届かない。
24Ko ia ʻoku pehē ʻe he ʻEiki, ko Sihova ʻoe ngaahi kautau, ko e Toko Taha Māfimafi ʻo ʻIsileli, “ʻIo, te u fakafiemālieʻi au ʻiate kinautolu ʻoku angatuʻu mai, pea te u totongi ʻe au ki hoku ngaahi fili.
24それゆえ、主、万軍の主、 イスラエルの力ある方は言う。 「ああ、わたしは敵対する者たちへの憤りを晴らし、 わたしの敵に復讐する。
25Pea ʻe toe ala hoku nima kiate koe, pea fakamaʻa moʻoni hoʻo ʻuli, pea ʻave mo hoʻo kovi kotoa pē:
25わたしは再びあなたに手を向け、 あなたのかすを徹底的に取り除き、 あなたのすずをすべて取り去る。
26Pea te u toe fakanofo hoʻo kau fakamaau ʻo hangē ko ia ʻi muʻa, pea mo hoʻo kau fakakaukau poto ʻo hangē ko ia ʻi he kamataʻanga: pea hili ia ʻe ui koe, ‘Ko e kolo māʻoniʻoni, ko e kolo angatonu.’
26わたしは、初めのころのようにあなたの裁判官たちを、 昔のようにあなたの助言者たちを回復させる。 その後、あなたは『義の都、 忠実な町』と呼ばれる。
27ʻE huhuʻi ʻa Saione ʻaki ʻae fakamaau, mo ʻene kakai ului ʻaki ʻae māʻoniʻoni.”
27シオンは公正によって贖われ、 そこに立ち返る者たちは義によって贖われる。
28Pea ʻe fakaʻauha fakataha ʻae kau talangataʻa mo e angahala, pea ʻe ʻauha ʻakinautolu ʻoku liʻaki ʻa Sihova.
28しかし、背く者と罪人はともに滅ぼされ、 主を捨てる者たちは消え去る。
29He te nau mā ʻi he ngaahi ʻakau naʻa mou holi ki ai, pea te mou puputuʻu ʻi he ngaahi ngoue kuo mou fili.
29彼らは、あなたがたが慕った樫の木のために恥を受ける。 あなたがたは、自分たちが選んだ園のために恥じ入る。
30He te mou tatau mo e ʻakau kuo mae hono lau, pea hangē ko e ngoue ʻoku ʻikai hano vai.
30あなたがたは、葉のしおれた樫の木のように、 水のない園のようになる。
31Pea ʻe tatau ʻae mālohi mo e kākā, pea mo ʻene ngāue ʻo hangē ko e kalofiama, pea te na vela fakataha, pea ʻe ʻikai tāmateʻi ia ʻe ha tokotaha.”
31強い者は燃えやすい麻くずのようになり、 その業は火花のようになる。 その両方がともに燃え、 それを消す者はだれもいない。」
Tip: use the ← and → keys to turn chapters.