תְהִלִּים 61
Modern Hebrew BibleTranslation
Modern Hebrew Bible
Hebrew Old Testament (Masoretic Text)
1למנצח על נגינת לדוד שמעה אלהים רנתי הקשיבה תפלתי׃
1לַמְנַצֵּ֬חַ ׀ עַֽל־נְגִינַ֬ת לְדָוִֽד׃
2מקצה הארץ אליך אקרא בעטף לבי בצור ירום ממני תנחני׃
2שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תְּפִלָּתִֽי׃
3כי היית מחסה לי מגדל עז מפני אויב׃
3מִקְצֵ֤ה הָאָ֨רֶץ ׀ אֵלֶ֣יךָ אֶ֭קְרָא בַּעֲטֹ֣ף לִבִּ֑י בְּצוּר־יָר֖וּם מִמֶּ֣נִּי תַנְחֵֽנִי׃
4אגורה באהלך עולמים אחסה בסתר כנפיך סלה׃
4כִּֽי־הָיִ֣יתָ מַחְסֶ֣ה לִ֑י מִגְדַּל־עֹ֝֗ז מִפְּנֵ֥י אֹויֵֽב׃
5כי אתה אלהים שמעת לנדרי נתת ירשת יראי שמך׃
5אָג֣וּרָה בְ֭אָהָלְךָ עֹולָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה׃
6ימים על ימי מלך תוסיף שנותיו כמו דר ודר׃
6כִּֽי־אַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יְ֝רֻשַּׁ֗ת יִרְאֵ֥י שְׁמֶֽךָ׃
7ישב עולם לפני אלהים חסד ואמת מן ינצרהו׃
7יָמִ֣ים עַל־יְמֵי־מֶ֣לֶךְ תֹּוסִ֑יף שְׁ֝נֹותָ֗יו כְּמֹו־דֹ֥ר וָדֹֽר׃
8כן אזמרה שמך לעד לשלמי נדרי יום יום׃
8יֵשֵׁ֣ב עֹ֭ולָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצְרֻֽהוּ׃
no verse 9 in this text
9כֵּ֤ן אֲזַמְּרָ֣ה שִׁמְךָ֣ לָעַ֑ד לְֽשַׁלְּמִ֥י נְדָרַ֗י יֹ֣ום ׀ יֹֽום׃
Tip: use the ← and → keys to turn chapters.