Siope 28
Tongan Bible, Revised West VersionTranslation
Tongan Bible, Revised West Version
King James Version with Apocrypha
1“Ko e moʻoni ʻoku ai ʻae halanga ki he siliva, mo e potu ki he koula ʻoku fakamaʻa ʻe he kakai.
1Surely there is a vein for the silver, and a place for gold where they fine it .
2ʻOku toʻo ʻae ʻaione mei he kelekele, pea ʻoku haka ʻae palasa mei he maka.
2Iron is taken out of the earth, and brass is molten out of the stone.
3ʻOku ne fakangata ʻae fakapoʻuli, pea ne kumi ki hono ngataʻanga: ko e ngaahi maka ʻoe poʻuli mo e ʻata ʻoe mate.
3He setteth an end to darkness, and searcheth out all perfection: the stones of darkness, and the shadow of death.
4ʻOku ʻoho mai ʻae vai mei he potu ʻoku ʻi ai ʻae kakai; ne ngalo ia ʻi he kau vaʻe: kuo matuʻu hake ia, ʻo mole atu mei he kakai.
4The flood breaketh out from the inhabitant; even the waters forgotten of the foot: they are dried up, they are gone away from men.
5ʻOku tupu ʻae mā mei he kelekele: pea ʻoku fulihi ʻi lalo ia ʻo hangē ko e afi.
5As for the earth, out of it cometh bread: and under it is turned up as it were fire.
6Ko hono ngaahi maka ko e potu ia ʻoe ngaahi safaia: pea ʻoku ʻi ai ʻae efu koula.
6The stones of it are the place of sapphires: and it hath dust of gold.
7Ko e hala eni ʻoku ʻikai ʻiloʻi ʻe he manupuna, pea kuo ʻikai mamata ki ai ʻae mata ʻoe vulita.
7There is a path which no fowl knoweth, and which the vulture’s eye hath not seen:
8Naʻe ʻikai moloki ia ʻe he fānganga ʻoe laione, pe ʻalu ʻi ai ʻae laione fekai.
8The lion’s whelps have not trodden it, nor the fierce lion passed by it.
9ʻOku ne ʻai hono nima ki he maka; ʻoku taʻaki fuʻu hake ʻe ia ʻae ngaahi moʻunga.
9He putteth forth his hand upon the rock; he overturneth the mountains by the roots.
10ʻOku ne matofa ʻae ngaahi tafeʻanga vai ʻi he ngaahi maka; pea ʻoku mamata ʻa hono mata ki he meʻa mahuʻinga kotoa pē.
10He cutteth out rivers among the rocks; and his eye seeth every precious thing.
11ʻOku ne nonoʻo ʻae ngaahi vai ke ʻoua naʻa mafola ia; pea ko ia naʻe fufū ʻoku ne ʻomi ki he maama.
11He bindeth the floods from overflowing; and the thing that is hid bringeth he forth to light.
12“Ka ʻe ʻilo ki fē ʻae poto? Pea komaʻa ia ʻae potu ʻoe ʻilo?
12But where shall wisdom be found? and where is the place of understanding?
13Ko hono mahuʻinga ʻo ia ʻoku ʻikai ʻilo ʻe he tangata; pea ʻoku ʻikai ʻilo ia ʻi he fonua ʻoe moʻui.
13Man knoweth not the price thereof; neither is it found in the land of the living.
14ʻOku pehē ʻe he loloto, ‘ʻOku ʻikai ʻiate au ia:’ ʻoku pehē mo e tahi, ‘ʻOku ʻikai ʻiate au.’
14The depth saith, It is not in me: and the sea saith, It is not with me.
15ʻE ʻikai faʻa maʻu ia ʻaki ʻae koula, pea ʻe ʻikai fakamamafa ʻae siliva mo hono totongi ʻoʻona.
15It cannot be gotten for gold, neither shall silver be weighed for the price thereof.
16ʻE ʻikai fakatauʻaki ia ʻae koula ʻo Ofeli, pe ko e oniki mahuʻinga, pe ko e safaia.
16It cannot be valued with the gold of Ophir, with the precious onyx, or the sapphire.
17ʻOku ʻikai tatau mo ia ʻae koula mo e kalisitala: pea ʻe ʻikai fetongi ʻaki ia ʻae ngaahi teunga koula lelei.
17The gold and the crystal cannot equal it: and the exchange of it shall not be for jewels of fine gold.
18ʻE ʻikai lau ki ai ʻae feo kulokula, mo e mataʻitofe: he ko e mahuʻinga ʻoe poto ʻoku lahi hake ia ʻi he ngaahi maka mahuʻinga.
18No mention shall be made of coral, or of pearls: for the price of wisdom is above rubies.
19ʻOku ʻikai tatau mo ia ʻae topasi ʻo ʻItiopea, pea ʻe ʻikai totongi ʻaki ia ʻae koula haohaoa.
19The topaz of Ethiopia shall not equal it, neither shall it be valued with pure gold.
20Ko ia, ʻoku haʻu mei fē ʻae poto? pea ko maʻā ia ʻae potu ʻoe ʻilo?
20Whence then cometh wisdom? and where is the place of understanding?
21He kuo fufū ia mei he mata ʻoe moʻui kotoa pē, pea fakalilolilo mei he fanga manu ʻoe ʻatā.
21Seeing it is hid from the eyes of all living, and kept close from the fowls of the air.
22ʻOku pehē ʻe he fakaʻauha mo e mate, ‘Kuo ma fanongo ki hono ongoongo ʻo ia ʻaki homa telinga.’
22Destruction and death say, We have heard the fame thereof with our ears.
23“ʻOku ʻiloʻi ʻe he ʻOtua ʻa hono hala, pea ʻoku ne ʻiloʻi mo hono potu.
23God understandeth the way thereof, and he knoweth the place thereof.
24He ʻoku ne sio ki he ngaahi ngataʻanga ʻo māmani, pea ʻoku ne ʻafioʻi ʻaia kotoa pē ʻoku ʻi lalo langi;
24For he looketh to the ends of the earth, and seeth under the whole heaven;
25Ke ne ngaohi ʻae mamafa ʻoe matangi; pea ʻoku ne tuʻutuʻuni ʻae ngaahi vai ʻi he fuofua.
25To make the weight for the winds; and he weigheth the waters by measure.
26ʻI heʻene fokotuʻu ʻae fono ki he ʻuha, pea mo e hala ki he ʻuhila ʻoe mana:
26When he made a decree for the rain, and a way for the lightning of the thunder:
27Ko ia naʻa ne mamata ki ai, pea fakahā ia; naʻa ne fokotuʻumaʻu ia, ʻio, pea naʻa ne hakule ki ai.
27Then did he see it, and declare it; he prepared it, yea, and searched it out.
28Pea naʻe pehē ʻe ia ki he tangata, ‘Vakai, ko e manavahē kia Sihova, ko e poto ia; pea ko e afe mei he kovi ko e ʻilo ia.’”
28And unto man he said, Behold, the fear of the Lord, that is wisdom; and to depart from evil is understanding.
Tip: use the ← and → keys to turn chapters.